Ezequiel 3:18 - Kaxinawá Bíblia (BR)

¹⁸ Eskakiri ẽ shinaĩ ea nĩkawe. Tsuara ha txakabuaikiri ẽ kupitiwẽ hau mawanũbũ ẽ hakiri mia yuia hawẽ txakabu henetã hau hiwekũkaĩshanũ nemakĩ mĩ hawa hatu hãtxa wama, hawẽ txakabuwẽ taea mawashanikiki, ẽ kupiarã. Hakia miã kanekĩ tsuara hawẽ txakabukiri nemakĩ mĩ merabewama ma mawakẽ hawẽ taeshũ ẽ mia kupishanaii.

Ezequiel 3:18 Referencias Cruzadas

Gênesis 42:22

hanushũ Rúben iyuatũ hatu yuikĩ: —Uĩkãwẽ. Ẽ matu yuibia: “Ha berunã itxakawayamanãkãwẽ”, ẽ matu wabia mã ea nĩkama iniki. Uiã, José tenanibuwẽ taeshũ manakukĩ nukuri txakabuwakĩ Deusũ nuku bika tenemaikiki— hatu waya

2 Reis 1:4

Mã haskabiakiranaya Senhor Deusũ ea yuikĩ: Eska Acaziaskiri yuikiki: Ha mĩ dakati anua mĩ isĩ teneairã, habianua ana beniama mĩ mawaii, mia waikiki’, akĩ ea yuishũtãwẽ”, aka haska Senhor Deusũ nai tsumã yunua Elias ka hatuki nukushũ haska Senhor Deusũ yuishu hatu yuia

Provérbios 14:32

Huni txakabu hatũ txakabuwẽ txakabuwai di imisbuki. Hakia huni pepabu duapakubaini hawẽ pepawẽ hawa dateama unanuma mawatirubuki.

Ezequiel 18:13

pei inãyutã ana hawena wakĩ binumakĩ itxapa watã yukamisburã, haskaburã, hiwetirubumaki. Hawara dasibi ẽ betxipaiama akubainaiwẽ taeshũ shanẽ ibubũ hau kupikĩ tenãshanũbũwẽ, tsuã hawa hatu nemamarã. Ibubis ha huni hatũ shinã txakabuwẽ taea mawashãkanikiki, ẽ hatu kupimarã.

Ezequiel 18:20

Hamẽ betsarã, tsuãra txakabu besti wakubainai habu besti mawashãkanikiki, ẽ hatu kupiarã. Hatũ epã txakabuwẽ taeshũ hawẽ huni bake hawẽ kupitiwẽ hatu tenãtimaki. Habiaskari wakĩ hawẽ huni bakẽ txakabuwẽ taeshũ hawẽ ibu kupitimariki. Tsuãra pepa akĩ haska Deusũ betxipaimis txibãmisbũ manakuti pepa bishãkanikiki. Hakia tsuãra txakabu betsa betsapa akubaĩmisbũ kupiti txakabu bishãkanikiki”, itã,

Ezequiel 18:4

Huni inũ aĩbu dukũ ẽ dami waniwẽ taea dasibibu enaski, hatũ ibubu inũ hatũ bakeburã. Haskawẽ taea haratutũra txakabuwatã ibubis hawẽ txakabuwẽ taea mawakubaĩshãkanikiki, ẽ hatu kupiarã.

Ezequiel 3:20

Haska inũ, betsa ẽ shinainã, tsuãra ea nĩkai pepabiakũkaini hatũ pepa henetã ana txakabuwakubainaibũ mesekiri ẽ hatu yunua bui huti ikaĩ di ikabu keska nemakĩ mĩ hawa hatu hãtxa wama hatũ txakabu heneabumawẽ taea mawashãkanikiki, ẽ hatu kupiarã. Hatũ pepa akubainimabukiri ẽ ana shinãma hatũ txakabuwẽ taea mawaibũ hakia miã kanekĩ mĩ hatu nemama ishiãwẽ taeshũ ẽ mia kupishanaii.

Lucas 13:3

Haskamaki. Hamẽ matũri matũ xinã mã betsa wama mã habiaskariai mawashanaii, Deusũ matu kupiaitianã.

Lucas 13:5

Haskamariki. Hamẽ matũri matũ xinã mã betsa wama mã habiaskariashanaii, niti ikama nuitapakũkainirã— iwanã,

João 8:21

Habianushũri Jesusũ mapuabu hatu ana yuikĩ: —Ea ẽ hanira kakenã, ea benai matũ txakabuwẽ taea mã mawashanaii. Hanu ẽ kashanai anu mã katirumaki— hatu wa

João 8:24

Haskakẽ matu yuikĩ: “Matũ txakabu hakimama mã mawashanaii”, akĩ ẽ matu yuishuki. Nĩkakãwẽ. Txanima ẽ hiwei ikibi ini mã ea ikũwãkatsi ikama matũ txakabuwẽ besti mã mawashanaii— hatu wa

Hechos 2:40

ana hãtxa itxapawẽ Jesus mekenãkiri shabakabi yusĩ pewatã Pedrõ hatu yusĩkĩ yuikĩ: —Ha yurabu hiwe txakabu anua pasharikãwẽ— hatu wa

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

1 Timóteo 4:16

Mimebi pe mekekĩ uĩrawe, haska betsabu mĩ hatu yusĩakirirã. Dasibi xinã pe bestiwai txĩtũyamakũkaĩwẽ. Mĩ haskakũkainaya mia inũ mĩ hãtxa habũ nĩkaibu hatube Deusũ pewẽ mia manakushanikiki, hiwe kayabimakinã.

1 Timóteo 5:22

Ha dikabi hau tsuãra Deusũ daya ashunũ katukatsis ikinã, hĩ hĩ, iwanã, uĩriama mamepishũ hawaira Deus yukashũyamawe. Hakia hawẽ txakabu unãriama kanekĩ mĩ hawaira katukẽ: “Hawẽ txakaburã, unãma ikimẽkaĩ?”, iwanã, mikiri xinãtirubuki. Haska huni betsã txakabu mĩ pewashũtirumarã, mimebi mekekĩ uĩrakubaĩwẽ.

1 Samuel 8:9

Haska mia yukaibu mĩ nĩkashurã, peki. Hatu katushũshãwẽ. Hakia mĩ hatu katushũriama haska hatũ yununika shanẽ ibu kushipahairatũ hatu yunukĩ amakubaĩshanai dasibi shabakabi bebũkiri hatu txitekĩ unãmawe, haska habũ dayashũshanaiburã”, aka