Ezequiel 2:6 - Kaxinawá Bíblia (BR)

⁶ Mia mĩ hunirã, habuki dateyamashãwẽ. Ẽ hãtxa mĩ hatu yuibia haburã, eskabũ mia atxia mĩ hiweshanaii. Mushã mia yabubauna keska inũ nibube mĩ hiwea keskashanaiwẽ taea hatuki mesei dateyamashãwẽ. Haburã, nĩkatirubuma sinatahairabuki. Haskawẽ taea habũ hawara yuikĩ mia datetirubuwẽ e iki dateyamashãwẽ.

Ezequiel 2:6 Referencias Cruzadas

2 Reis 1:15

hanushũ Senhor Deusũ nai tsuma kushipatũ Elias yunukĩ: —Dateama habe kashũ uĩtãwẽ— aka Elias benitã Capitãobe butukaini shanẽ ibuhaira Acazias uĩ kashũ

Jeremias 1:17

Miarã, ibubis kushipawe, hawa dateamarã. Hatu anu kashũ ẽ hãtxa dasibi mia yuikĩ ẽ mia yunushu hatu yuikubaĩtãwẽ. Haska ẽ mia yunuai mĩ betsa waya hatu bebũshũ ẽ mia saki saki imatiruwẽ taea hatuwẽ dateyamashãwẽ.

Jeremias 1:8

Haska ẽ mia yunuaiwẽ taearã, tsuki dateyamakũkaĩshãwẽ. Eanã, mia mekei mibe kakĩ ẽ mia merabewashanaii. Ea Senhor Deusũ txanima ẽ hãtxa ẽ mia inaiĩ”, iwanã,

Jeremias 6:28

eã kemakĩ yuikĩ: “Senhor Deusuũ, ha dasibi yurabunã, tsuã nĩkaisbumaki, Yuananaĩ atimapai hiweabuki. Hatũ shinã kushihairabuki, mane bronze inũ due keskaburã.

Miquéias 3:8

Hamẽ ea Miquéiasrã, Senhor Deusũ hãtxa danãkĩ Israelĩ enabũ txakabuwakubaĩmisbu hatu berabĩwãkĩ hatu yuãkĩ ẽ hatu ha akubaĩshanũ ea kushipa inãkĩ datetima ea wakĩ Senhor Deusũ Yushinĩ hawẽ yunuti kushipa pepawẽ ea amakubainikiki. Ea haska wakĩ heneama ipakeikiki.

Miquéias 7:4

Tsuabura: “Habu pepabuki”, abiaiburã, hi musha keska txakabubuki, meserã. Tsuabura: “Habu nuikipabuki”, abiaiburã, mae musha keska txakabuburiki, meseburã. Hakia haska Deusũ tsuma txaninikabũ ma hatu banabimayama ha shabatiã hatu kupishanai ma huikiki, hatubetã txakabu inũ pepa pewairã. Hatiãra itimaska txakayamakubainaibũ

Mateus 10:28

Ha inũ, tsuabũra matũ yura besti tenãtirubuwẽ dateyamashãkãwẽ, tenãshũ matu ana itxakawapaketirubumakirã. Haki besti mesei mã datekubainũbũ matu yuinũ nĩkakãwẽ. Tsuãra matũ yushĩ tenãtã txi nukaismanu hawẽ kuxipawẽ matu yunutiru bestiki mesei datekubaĩkãwẽ, Deuskirã. Ikũkĩ ẽ matu yuiai ha bestiki datei mesekubaĩshãkãwẽ.

Lucas 10:19

Nĩkakãwẽ. Ẽ kuxipa ẽ matu inãkĩ yunuimaki, hau tsuã matu meyamakubaĩshanũbunã. Dunuki mã paia matu pia hawa mã isĩ tenetirumaki. Ha inũ, nibuki mã paia matu pia hawa mã isĩ tenetirumariki. Ha inũ, Satanásã binukĩ matu hawa maematirumaki.

Lucas 11:12

Ha inũ, takara batxi mia ea aka haki dakekĩ nibu mã inaĩsmariki.

Lucas 12:4

ana betsa haki txiti ikabu yuikĩ: —Ẽ haibuaibuũ, ana matu yuinũ nĩkakãwẽ. Tsuabũra matũ yura besti tenãtirubuwẽ dateyamakãwẽ, tenãshũ matu ana itxakawapaketirubumakirã.

Hechos 4:13

hanua Pedro inũ João hawa dateama kuxipai shanẽ ibubũ uĩabũ berubi Jesuskiri shabakabi hatu yusĩaĩbu shanẽ ibubũ nĩkatã ha hunibu unãnepabuma inũ escola anushũ hawa tapĩsbumabia pewẽ hatu hãtxa waibuwẽ taea unaĩ e itã hakia Jesus hatube nishũ hatu yusĩkubainima xinãtã

Hechos 4:19

Pedro inũ Joãonẽ hatu nĩkasama hatu kemakĩ: —Dasibi nũ amis Deusũ unaĩwẽ taea haratu txibaĩ pemẽ? Matũ hãtxa nĩkaimẽkaĩ? Deusũ hãtxa nĩkairaka? Haskakẽ matũmebi unãti wakãwẽ.

Hechos 4:29

Nukũ Shanẽ Ibuũ, natianã, habũ nuku mese mesewaibu mĩ uĩaiĩ. Haskawẽ taeshũ nũ mĩ tsumabu hawa datea mĩ bakẽ kakape nũ shabakabi txanikũkaunũ nuku yunuwe.

Efésios 6:19

Eska ẽ matu yukaii. Hau Deusũ ea merabewakĩ hari hãtxati ea inãkĩ inũ ẽ hãtxa ea kuxipa waya haskawẽ taeshũ haska Deusũ uatiã huneni shabakabi hawẽ bakekiri ẽ hatukiri txanikũkaĩnũ ekiriri Deus yukashũkubaĩkãwẽ.

Filipenses 1:28

Habu matuki sinataibuki e iki dateyamakubaĩkãwẽ. Habu matuki haskabiaibũ mã pe hiwekĩ hatu uĩmakubaĩmiswẽ taeshũ Deusũ hanu shabakabi hatu kupikĩ habiatiãri matu besti mekeshanikiki. Deusũ haska wakĩ shabakabi hatu unãti wamashanikiki.

2 Timóteo 1:7

Deusũ hawẽ Yushĩ nuku inãkĩ yushĩ babu dateti nuku inãma iniki. Hakia hawẽ Yushĩ kuxipa pepa inũ hawẽ abui nuinameti inũ hawẽ nukũmebi nũ pepakĩ xinãtiru nuku inãniki.

Hebreus 11:27

Haskakẽ Egitonawabu shanẽ ibu haki sinatabiaya hawa haki dateama Egito mai pakea anua kaĩkainima Deus uĩtirumabia ikũhairawakĩ xinã betsa wama ikũkainikiaki.

1 Pedro 3:14

Hakia Jesus ikũwaĩ haska pepawẽ dayai mã hiwebiakẽ matu itxakawabiabu mã nuitapabiaya Deusũ matu duawakubainai xinaĩ huĩtinĩ benimakubaĩkãwẽ, e iki hatuwẽ hawa dakeamarã.

Apocalipse 9:10

Ha inũ, habũ hina nibu hina keskawẽ yurabu pikĩ hatu txakabuwa ushe mekẽ bestiti isĩ tenekubaĩshãkanikiki.