Ezequiel 18:4 - Kaxinawá Bíblia (BR)

⁴ Huni inũ aĩbu dukũ ẽ dami waniwẽ taea dasibibu enaski, hatũ ibubu inũ hatũ bakeburã. Haskawẽ taea haratutũra txakabuwatã ibubis hawẽ txakabuwẽ taea mawakubaĩshãkanikiki, ẽ hatu kupiarã.

Ezequiel 18:4 Referencias Cruzadas

Jó 8:4

Eã ẽ unanã, txanima mĩ bakebũ Deuskiri txakabuwaimabuwẽ taeshũ Deusũ haska betxipaiama hatu kupimaki.

Isaías 42:5

Ha Senhor Deusũ nai hirabi dami wakĩ kaĩmani inũ, mai dami wakĩ tashnimani anu haki hamapai benemisbu inũ, yurabu haki hiweabu hiwea hatu inãkĩ hatu huĩsinamamistũ hawẽ tsuma yuikĩ:

Jeremias 31:30

Hakia tsuãra uva bimi bũkash pia hatũ sheta masheshmis keskai ibubis hatũ txakabuwẽ taea mawashãkanikiki”, iwanã,

Ezequiel 18:20

Hamẽ betsarã, tsuãra txakabu besti wakubainai habu besti mawashãkanikiki, ẽ hatu kupiarã. Hatũ epã txakabuwẽ taeshũ hawẽ huni bake hawẽ kupitiwẽ hatu tenãtimaki. Habiaskari wakĩ hawẽ huni bakẽ txakabuwẽ taeshũ hawẽ ibu kupitimariki. Tsuãra pepa akĩ haska Deusũ betxipaimis txibãmisbũ manakuti pepa bishãkanikiki. Hakia tsuãra txakabu betsa betsapa akubaĩmisbũ kupiti txakabu bishãkanikiki”, itã,

Ezequiel 18:3

Ea ẽ Senhor Deus ẽ hiweawẽ taea ibubis ẽ yubakairã, matubu Israelĩ enaburã, na haskakubainaibu hãtxa henetã ana txĩtũkirã mã yuiama ikũkaĩshanaii.

Ezequiel 18:5

Hamẽ huni pepabu ikirã, eskamisbuki. Parananaĩsma inũ txanitxakaisma ikubaĩmisbuki.

Ezequiel 3:18

Eskakiri ẽ shinaĩ ea nĩkawe. Tsuara ha txakabuaikiri ẽ kupitiwẽ hau mawanũbũ ẽ hakiri mia yuia hawẽ txakabu henetã hau hiwekũkaĩshanũ nemakĩ mĩ hawa hatu hãtxa wama, hawẽ txakabuwẽ taea mawashanikiki, ẽ kupiarã. Hakia miã kanekĩ tsuara hawẽ txakabukiri nemakĩ mĩ merabewama ma mawakẽ hawẽ taeshũ ẽ mia kupishanaii.

Números 27:16

—Senhor Deusuũ, yurabu dasibi hiwea mĩ hatu hiwea inãmisrã, minabu shanẽ ibu wakĩ huni betsa katuwe, hatũ bebukaĩkĩ hau hatu yunununã, txashuwã shukua mekenikauma hariri kai unãbuma keska hau iyamakubainũbunã— aka

Romanos 6:23

Haskakẽ tsuabũra txakabuwakubaĩmisbu hatũ kupitirã, Deusũ meketi hayama mawa kayabi bishãkanikiki. Hakia nukũ Shanẽ Ibu Jesus Cristo nũ ikũwaĩ nũ haki dasikẽ hawẽ taeshũ Deusũ nukũ hiwekuĩti pepa inã nukũ Shanẽ Ibube dasitã nũ habe hiwei ikibi ishanaii.

Gálatas 3:22

Deusũ hãtxa Moisés keneni uĩkĩ dasibibũ txakabuwakubainaibukiri ibubis unãbiai pe hiwetirubumakẽ haska Deusũ hatu yubani Jesus Cristo ikũwãmisbũ besti hiwea kayabi bishãkanikiki.

Hebreus 12:9

Ha inũ, nũ huni ewariama nukũ ibubũ nuku yusĩkĩ nemahairakĩ nuku tapĩmakubainibuki. Hatũ yusĩa bikabiakẽ tapĩkĩ nũ hatu abukubainibuki. Hakia haska nũ wani binukĩ nukũ Epa Deus nai anua abukĩ natiã hawẽ hãtxa nĩkakubaini nũ habe hiweshanaii, hawa txakabuwẽ nuku kupiamarã.