Ezequiel 18:16 - Kaxinawá Bíblia (BR)

¹⁶ tsua itxakawaisma inũ, pei biãyuaya hau pakashũ bishanũ, iwanã, hawẽ mabu betsa biaĩsma inũ, hawara tibi hatu yumetsuismarã, hakia hawẽ piti pashkatã hawa hayama buniaibu hatu inãmis inũ, tariuma nuitapaibu hawẽ tari betsa hatu inãmis inũ,

Ezequiel 18:16 Referencias Cruzadas

Jó 31:16

Haska inũ, tsuara hawara hayama nuitapaibu hatu merabewakĩ ẽ heneama ikũkainimaki. Aĩbuaibu hawẽ bene mawanibu hatu yubanishũ hatũ piti inãkĩ ẽ hatu merabewakubainimaki.

Jó 31:19

Matsitiã tsuara yabukuti hayama nuitapai inũ tariuma matsi tenei mawakatsis ikai uĩkĩ ẽ txashuwã dani tari tima ẽ hatu inã hawẽ yabukui shanakubaĩkĩ benimakĩ ea yuikĩ: “Mĩ huni pepaki”, ea wakubainimabuki.

Provérbios 22:9

Tsuãra nuitapaibu uĩkĩ hatuwẽ nuikĩ hawẽ piti hatu pashkashũkĩ hatu inãkubaĩmiswẽ taeshũ Deusũ haburi uĩkĩ hatu duawashanikiki.

Provérbios 31:20

Ha inũ, hawa hayabuma nuitapaibu merabewakĩ haska yukaibu yaushiama hatu inãkubaĩmiski.

Ezequiel 18:12

nuitapaibu inũ hawa hayabuma itxakawakĩ merabewaisma inũ, yura betsa betsapabũ hatũ hawara yumetsumis inũ, huni betsã diria ma pakabiakẽ hawẽ mabu biaĩma ha yaushikĩ ana inaĩsma inũ, mekenika yushibu txani duawakĩ kẽwãmis inũ, hawara betsa betsapa ẽ betxipaiama akubaĩmis inũ,

Ezequiel 18:15

Mati meribi tibi anushũ yushibu dami kẽwãtã pimisbube itxaisma inũ, kanekĩ Israelĩ enabũ mekenika yushibu txani duawai haki txiti isma inũ, ha dapi hiweabũ aĩ hawa meisma inũ,

Ezequiel 18:7

ha dikabi, hawa tsua itxakawaisma inũ, hunĩ diria ma pakakẽ hawẽ mabu biaĩma huni pepabũ hawẽ mabu hatu ana inãmisbuki. Hawa betsa taska hatu yumetsuamarã, hanushũ nuitapai buniaibu hawẽ piti hatu pimamisbuki. Ha inũ, huni betsa tariuma uĩkĩ hatũ tari betsa hatu inãmisbuki.

Mateus 25:35

Matunã, ẽ buniaya mã ea pimaniki. Ẽ ũpash manuaya mã ea ũpash amaniki. Ẽ txaikea hua hani ẽ ushatima yumãyã ea hawa unãmabia hanu ushati ea inãkĩ mã ea duawaniki.

Mateus 25:36

Ẽ tariumakẽ mã ea tari betsa inãniki. Ẽ isĩ teneaya mã eki bakĩ mã ea xinã txãkãwaniki. Ẽ bitxiti hiwe merã nikẽ ka mã eki bakĩ mã ea xinã txãkãwaniki”, ẽ hatu waya

Lucas 11:41

Ha inũ, ha dukũ matũ xinã pewatã Deus duawakatsi ikĩ yauxiama nuitapaibu inãkuĩ mã pepakũkaĩshanaii.

Lucas 14:13

Hakia nuitapaibu hatu ishũ pimakĩ hawaumabu inũ yura babunibu inũ, pakebu inũ, bekũbu merabewakĩ mĩ hatu duawaya