Ezequiel 18:13 - Kaxinawá Bíblia (BR)

¹³ pei inãyutã ana hawena wakĩ binumakĩ itxapa watã yukamisburã, haskaburã, hiwetirubumaki. Hawara dasibi ẽ betxipaiama akubainaiwẽ taeshũ shanẽ ibubũ hau kupikĩ tenãshanũbũwẽ, tsuã hawa hatu nemamarã. Ibubis ha huni hatũ shinã txakabuwẽ taea mawashãkanikiki, ẽ hatu kupimarã.

Ezequiel 18:13 Referencias Cruzadas

Ezequiel 18:17

hawa tsua itxakawakĩ txakabuwaisma inũ, pei inãyutã ana hawena bikĩ shekakĩ yukaismarã, ha hunĩ haska wakinã, ẽ yunuti hãtxa inũ ẽ nemati hãtxa shinãkubaĩkĩ ẽ yusĩti hãtxa txibaĩ hatũ ibubũ txakabuwẽ taea hawa mawama ishãkanikiki, ẽ hatu hiwemakubainarã.

Ezequiel 18:24

Hakia tsuara pepai hiwebiakũkaĩmistũ hawẽ pepa hene keyutã txakabu dasibi inũ hawara ẽ betxipaiama ẽ danãmis akubainaiburã, ẽ hatu kupiama hiweyukũkainai dabanẽ mã shinaĩ? Haskamaki. Haskai pepa hiwekũkainima ẽ ana shinãma ea ikũwaĩ henei txĩtũtã ibubis hawẽ txakabuwẽ taea hau mawanũ ẽ kupishanaii.

Ezequiel 18:28

Hamẽ betsarã, tsuãra hawẽ txakabu betsa betsapa unãtã henekĩ shinã betsa watã txanima hiweyushanikiki, ẽ kupiamarã.

Ezequiel 18:8

Ha dikabi pei inãshĩshũ hawena wakĩ ana shekaisbumaki. Hawa tsua bika tenemaisbumaki. Hanushũ hawarawẽ taea yura dabe ha ikaibu kaneama pepawẽ besti hatu unãti wamisbuki.

Ezequiel 3:18

Eskakiri ẽ shinaĩ ea nĩkawe. Tsuara ha txakabuaikiri ẽ kupitiwẽ hau mawanũbũ ẽ hakiri mia yuia hawẽ txakabu henetã hau hiwekũkaĩshanũ nemakĩ mĩ hawa hatu hãtxa wama, hawẽ txakabuwẽ taea mawashanikiki, ẽ kupiarã. Hakia miã kanekĩ tsuara hawẽ txakabukiri nemakĩ mĩ merabewama ma mawakẽ hawẽ taeshũ ẽ mia kupishanaii.

Hechos 18:6

nĩkatã judeu itxapabũ ikũwãkatsi ikama danaĩ habi aki haki shetxakai ha ibaunaibũ Paulõ hatu henebaĩkatsis ikĩ Deusũ hãtxa danaĩ hau habiaskasi hiwenũbũ habu unãti wakĩ hawẽ tari anua mai kuru datakakĩ hatu yuikĩ: —Deusũ Messiaskiri ẽ matu yusĩa nĩkama matũmebi ibubis matũ txakabuwẽ mã benu kayabiaii. Haskawẽ taeshũ ea akama matu besti Deusũ kupishanikiki. Haskakẽ judeubu ana yusĩama natiã unuri judeubuma besti ẽ yusĩkubainaii— hatu watã