Êxodo 4:18 - Kaxinawá Bíblia (BR)

¹⁸ hawẽ kukã txashuwã mekeshuna anua ana txĩtũkirani hawẽ kuka Jetrõ hiwe anu hikishũ yuikĩ: —Kukaã, ea nĩkawe. Enabu Egito anu hiweyuabumẽkaĩ ẽ uĩkatsis ikaii. Ana txĩtũkaĩtãshãpa?— aka Jetrõ kemakĩ yuikĩ: —Peki. Uĩra unanuma katãshãwẽ—

Êxodo 4:18 Referencias Cruzadas

Gênesis 45:3

José hawẽ betsabu shabakabi hatu unãmakĩ habũ hãtxawẽ hatu hãtxa wakĩ: —Earã, ẽ Joséki. Ẽ epa hiweyuamẽ?— hatu waya habũ itxakawanibuwẽ taea haki datetxakayamai huĩti metesheketxakayamatã hawa yuiama hashpa ha dapi mapuabũ

2 Reis 5:10

ibubis kama hãtxa bunika Eliseũ yunua kashũ Naamã Eliseũ hãtxa yuishũkĩ: “Jordão Hene anu ka bututã 7ki nashi pukutãtani txukitãwẽ. Mĩ haskaya mĩ bitxiki txamima shushai mĩ yura sakara iki mĩ shũpĩshanaii”, aka

2 Reis 5:19

Eliseũ kemakĩ yuikĩ: —Peki. Deus ẽ mia yukashũkubaĩshanaii. Dateama unanuma kai petãwẽ— aka mai bitã hanua Naamã hawenabube kaĩkaini txaihaira kariamakẽ

Êxodo 2:21

ha huni iweabu beya wakĩ Reuel inũ hawenabu Moisĩ hatu betxipai hatube hiwekũkainaya txipu aĩwãmakĩ Reuelĩ hawẽ aĩbu bake Zípora bimakẽ

Êxodo 3:1

Habiatiãri hawẽ kuka Reuel, hawẽ kena betsa Jetrorã, Midiã anu hiwea hawẽ txashuwã Moisĩ basi pimashũkubaini txaihaira kakũkaini hanu tsua hiweabuma anu hatu iyui kai hanu Deusbe hãtxati mati keyatapa hawẽ kena Horebe tenamã Moisés hikikẽ

Lucas 7:50

haskabiabũ aĩbu Jesusũ ana yuikĩ: —Mĩ ea ikũwaĩwẽ taeshũ mĩ txakabu mĩ ma beshtekei peshuki. Ana hawa dakei dateama unãnuma inũ kariwe— anikiaki.

Hechos 15:36

Hanua Antioquia anu usha itxapa Paulo hiweyukĩ Barnabéki txanikĩ: —Hanu Jesuskiri nũ yusĩkubaũtanima anu ikũwaĩbu haskaramẽkaĩ ana hatu uĩkubainãwẽ— aka

Hechos 16:36

hanushũ Paulo yuikĩ: —Ẽ matu hawa wama kaĩmanũ shanẽ ibubũ ea yunukãshukiaki. Haskakẽ unãnuma burikãwẽ— hatu waya

1 Timóteo 6:1

Hamẽ betsarã, tsuara huni betsã escravo dayarutunã, Jesus Cristo ikũwãkĩ hau hatũ tsuma duawakĩ nĩkai hau hatukiri pe xinãkubainũbũwẽ, hatu heneamarã. Hatu haska uĩmamakẽ Jesus Cristokiri nũ hatu yusĩaĩ inũ Deusũ kena yura betsabũ yuãtirubuki, “Hanis hatu yusĩkaniraka”, nuku wamakinã.

1 Samuel 1:17

Elĩ kemakĩ yuikĩ: —Haska mĩ yukashu keska Israelĩ mekenika Deusũ hau mia ashũshanũ unanuma inũ kariwe— aka