Êxodo 4:13 - Kaxinawá Bíblia (BR)

¹³ shinãkĩ heneama hawẽtsaĩs Moisĩ ana yuikĩ: —Shanẽ Ibuũ, ea yunuama ewẽ nuiwe. Huni betsa katushũ mĩ hãtxa bumashãwẽ— aka

Êxodo 4:13 Referencias Cruzadas

1 Reis 19:4

ana sulkiri ha mesti bai tanabaini hari tsua hiweabuma anu shaba bestitxai bari txaitanabaini ka punu nuka hi txãpa hawẽ pei tupã utapã anu tsaua punu nukai hĩ iki mawakatsis ikĩ Senhor Deus yuikĩ: “Senhor Deusuũ, hatiski. Ẽ ana bika tenetirumaki. Ẽ shenipabu ẽ hawa hatu binuamaki. Menã ea tenãkĩ ẽ hiwea ea biriwe”, atã

Êxodo 4:1

Moisĩ Senhor Deus ana yuikĩ: —Enabu ẽ hatu yuibia ea ikũwãma ea yuikĩ: ‘Nukũ mekenika Deus miki nukutã mibe hãtxamaki’, ea wakĩ ea yuishãkanikiki. Hatu haska washãpa?— aka

Êxodo 4:12

Hari hãtxama katãwẽ. Mia putama ẽ mibe kakĩ mĩ kesha inũ mĩ hana pewakĩ mĩ hãtxai ẽ mia pe hãtxamakubaĩshanaii, hari mĩ yuiaikirirã— abia

Êxodo 4:14

hanua Moiséski sinatakĩ Senhor Deusũ ana yuikĩ: —Levĩ baba Arão mĩ hutxirã, hãtxa pehairamis ẽ unaiĩ. Miki nukunũ ika ma huikiki. Miki nukui mia uĩ benima txakayamashanikiki.

Jeremias 1:6

eã kemakĩ yuikĩ: “Mĩ ea peirawawa! Senhor Deusuũ, ẽ berunã ẽ hãtxa tapĩkĩ ẽ unãriamaki”, akĩ

Jonas 1:3

hawẽ yunua hãtxa nĩkakĩ txibãkatsi ikama Senhor Deus anua pashai Társis anu kanũ ika ianẽwã ewapa kesha anu bai butua mae hawẽ kena Jope anu Jonas ka shashu ewapa Társiskiri kai betxitushitã hawẽ pashai kanũ ishũ peiwẽ pakatã Senhor Deus nĩkama patapakaini txaihaira Társis anu kanũ ika shashu ewapa merã inatã ma kaya

Jonas 1:6

hanushũ shashu bunikabũ shanẽ ibu Jonas anu kashũ bestẽwãtã yuikĩ: —Miarã, haskai mĩ hanu hua dakamẽ, ushabuũ? Benitã hau nuku merabewakĩ mekenũ mĩ mekenika yushĩ nuku yukashũwẽ. Nukuwẽ nuitirumẽkaĩ, nũ hasayamanunã— aka

João 6:29

Jesusũ ana hatu yuikĩ: —Deus benimawakinã, hatũ ea yununi besti ikũwãkãwẽ, ẽ eakirã— hatu wa

Juízes 2:1

Josué mawaimakẽ Gilgal mae anua Israelĩ enabu bei Boquim mae anu ma itxa maniabu anu Senhor Deusũ nai tsuma kushipa tashnitã hatu yuikĩ: “Egito anua matũ ibubu hatu pashawabiranimashũ hatube yubakakĩ hatu yuikĩ: ‘Na eska ẽ matube yubakairã, ẽ matu henetaskama iki kaii’, iwanã,