Êxodo 3:8 - Kaxinawá Bíblia (BR)

⁸ Egito nawabũ hatũ kushipawẽ hatu tsumawani hatu mebĩbaĩkĩ eã Egito mai pakeanua hatu pashawakĩ iyunũ ika ma ẽ butuaki. Hari ha mai pakea betsa pepa ewapa anu unanuma hiweshanaibu anu piti mirima hamẽ ikai anu ẽ hatu iyushanaii. Hanu Canaã nawabu inũ, Heteu nawabu inũ, Amorreu nawabu inũ, Ferezeu nawabu inũ, Heveu nawabu inũ, Jebuseu nawabu ikis hiweabu anu hatũ mae tibi ẽ hatu mebĩma akeakeshanaii.

Êxodo 3:8 Referencias Cruzadas

Gênesis 11:5

dayakĩ nai anu hikiti keyatapa mai bawa tsamabaĩkĩ taewabainaibũ Senhor Deusũ hatũ daya uĩkĩ

Gênesis 11:7

ana yuikĩ: “Hatu anu butushũ hatũ hãtxa pashkanãwẽ, hãtxa betsa betsapaya wakinã. Haskawẽ taea hau ana hãtxai ana nĩkakanãyamanũbunã”, itã

Gênesis 15:13

Senhor Deusũ Abrão ana yuikĩ: —Minabu eskai hiweshanaibu bebũkiri ẽ mia unãmai nĩkawe. Nawabũ mai pakea betsa anu buabu harishũ hatũ bakebu escravo washãkanikiki. Hatu haska watã harishũ hatu itxakawakĩ 400 ano minabu hatu dayamashãkanikiki.

Gênesis 15:14

Hatu haska waibu uĩtã eãri hatu unãti watã ẽ hatu kupishũshanaii. Habũ hatu itxakawaibu nawabu ẽ hatu kupishunaya minabu kaĩbaini pashashãkanikiki, hatũ mabu itxapa bibaini buirã.

Gênesis 18:21

Haskamisbu ẽ nĩkamis ẽ hari uĩ kaii. Hatũ txakabu txanimamẽkaĩ ẽ uĩshanaii— aka

Gênesis 43:11

hatũ epã ana hatu yuikĩ: —Haska ẽ matu yunutirumabia ẽ hawawẽ haskatimaki. Ẽ matu heneshunai ea iyũritãkãwẽ. Matũ saku merã matũ mabu pepa hamẽ inãti bushũtãkãwẽ, isĩ pushati dau inũ, buna bata inũ, hawẽ nis wati inũ, sheni hene hawẽ iti inũ, tamawã dabe terebinto inũ amêndoarã. Ana pei betsa butãkãwẽ. Saku merã matu inaĩma pei hesherã, habiari ana bushũtãkãwẽ. “Mĩ kaneimamẽkaĩ. Nukũ pei biama mĩ hakimaimamẽkaĩ”, atãkãwẽ. Hanushũ matũ betsa mashku iyukĩ ha shanẽ ibu uĩmatãkãwẽ. Hanua Deus kushipa dasibi binua matuwẽ nuiaya ha Egito shanẽ ibũ Simeão inũ Benjamim eanu ana txĩtũwãshanimẽkaĩ. Mã ẽ bake ea mebĩ keyubaina ẽ bakeuma ishanimẽkaĩ. Haska ẽ shinainã, ẽ haskayuairã— hatu wa

Gênesis 46:4

Earã, ẽ mibe kaii, Egito anurã. Habia ea kayabistũri minabu ẽ hatu tashnimabirãshanaii. Mĩ haria mawayarã, mĩ bake José mia putama mĩ haũbia mawashanaii— aka nĩka ishĩ

Gênesis 50:24

Hanushũ José hawẽ betsabu yuikĩ: “Mawakĩ ẽ ma matu shunukatsis ikaii. Ẽ haskabiaya Deusũ matu merabewakĩ Egito anua matunabu tashnimabaĩkĩ hanu nukũ shenipabu Abraão inũ Isaque inũ Jacó ha mai Deusũ hatu yubani anu matunabu iyushanikiki”, iwanã,

Salmos 34:8

Ibubis Senhor Deuski txiti ikĩ unãkãwẽ. Senhor Deusrã, merabenã pepahairaki. Tsuabũra haska wai haki txiti ika ha huni benimakũkaĩmiski.

Salmos 91:15

Hatũ ea kenaya ẽ kemashanaii. Ea kayabis ẽ habes ishanaii. Hawara bika teneai binumatã betxipaihairakĩ duawakĩ yurabu ẽ kẽwãmashanaii.

Êxodo 3:17

Habiatiãri Egito anushũ matu bika tenemaibu matu merabewakĩ pashawatã hanu Canaã nawabu inũ, Heteu nawabu inũ, Amorreu nawabu inũ, Ferezeu nawabu inũ, Heveu nawabu inũ, Jebuseu nawabu hiwebaunabu anu iyukĩ mai pakea pepa anu piti inũ nushuti mirimanu Deusũ matu iyushanikiki”, akĩ hatu ea yuishũtãwẽ.

Êxodo 34:11

Natiã haska ẽ matu yunuairã, txibãkĩ akubaĩshãkãwẽ. Eanã, hatũ mae tibi matu mebĩmakĩ matũ berubi ẽ hatu nitxĩkubaĩshanaii, Amorreu nawabu inũ, Canaã nawabu inũ, Heteu nawabu inũ, Ferezeu nawabu inũ, Heveu nawabu inũ, Jebuseu nawaburã.

Êxodo 5:23

Mĩ yunua kushipawẽ hushũ ẽ Faraó mĩ kena ẽ haki txanibiashĩkẽ minabu Faraónẽ hawenabubetã ana hatu itxakawa txakayamaikiki. Mĩ hawa hatu mekei nuiamaki— aka

Isaías 64:1

Ẽ shinanã, nai bashnebirã mĩ bututiruki, mĩ kushipawẽ mati matipa saki saki imabirãkĩ inũ

Jeremias 2:7

Hanua yunu inũ bimi pepa hau pikubaĩshanũbũ na mai pepa anu mĩ shenipabu iweshũ ẽ hatu ibu wamaniki. Ẽ hatu ibu wamani anu maturi kaĩtã hanua yumetã ẽ mai txakabuwakĩ atimapa wakĩ mã ea danãmakĩ ea hatsãmaii.

Números 13:27

habuã Moisés yuikĩ: —Ha mai pakea anu mĩ nuku yunua hanu kashunã, txanimahaira awa txutxu inũ buna batapa hene habai keska piti pepa hamẽ ikikiki, na piti haska sharabu yunu hayarã.

João 3:13

Haska inũ, Deuskiri unãtanũ ika Deus anu tsua inatirumaki. Hakia earã, matũ Hutxi Kayabi Iuwatũ matu unãmai Deus anua hua ẽ tashniniki.

Deuteronômio 1:7

Natiã nenua benibaĩkatsi matũ mabu pewatã bukãwẽ, ha Amorreu nawabu hanu hiwebaunabu inũ hatu dapi dasibi hiwebaunabu mati matipa anurã. Haska inũ buirã, Arabá anu mapãpa inũ kepãpa inũ, mai tsusĩ Neguebe anu inũ, ianẽwã kesha kepãpa Canaã nawabũ mae anu inũ, Líbano anu inũ, ana nortekiri txaihaira hene ewapa Eufrates anuri ha mai dasibi anu hari bukãwẽ.