Êxodo 3:10 - Kaxinawá Bíblia (BR)

¹⁰ Haskawẽ taeshũ enabu Israelĩ enabu Egito anua mĩ hatu kaĩmashanũ Egito shanẽ ibu bena anu ẽ mia nitxĩkĩ yunuyuaki— aka

Êxodo 3:10 Referencias Cruzadas

Gênesis 15:13

Senhor Deusũ Abrão ana yuikĩ: —Minabu eskai hiweshanaibu bebũkiri ẽ mia unãmai nĩkawe. Nawabũ mai pakea betsa anu buabu harishũ hatũ bakebu escravo washãkanikiki. Hatu haska watã harishũ hatu itxakawakĩ 400 ano minabu hatu dayamashãkanikiki.

Gênesis 15:14

Hatu haska waibu uĩtã eãri hatu unãti watã ẽ hatu kupishũshanaii. Habũ hatu itxakawaibu nawabu ẽ hatu kupishunaya minabu kaĩbaini pashashãkanikiki, hatũ mabu itxapa bibaini buirã.

Êxodo 12:40

Egito mai pakea anu 430 ano Israelĩ enabu pai hiwekubirani hati ano ma keyukẽ Egito mai pakea anua kaĩbaini Israelĩ enabu shanẽ ibu kushipabu tibi hawenabube pashakĩ Senhor Deusũ hãtxa ikũwãkĩ Moisés txibãbainibukiaki.

Êxodo 33:12

Txipu hanu Senhor Deuski nukuti tari hiwe anushũ hãtxanamekĩ Moisĩ Senhor Deus yuikĩ: —Uiã. “Minabu iyushãwẽ”, akĩ mĩ ea yuibiashĩshũ tsuã ea merabewashanai mĩ ea yunuriamaki. Hamẽ betsa ea yuikinã: “Mĩ ea haibuwani mĩ eki txiti imis ẽ unaiĩ. Mĩ ea benimawamiski”, akĩ mĩ ea yuiriashinaki.

Êxodo 33:13

Na haska nũ hãtxamisrã, txanimaki. Haskawẽ taeshũ ẽ mia ea aki ikaii. Haskara mĩ nukukiri shinaĩmẽkaĩ, huneama shabakabi ea unãmawe, nũ parananãma ikũkaĩmis ẽ hatu yuikubaĩshanunã. Ha dikabi Israelĩ enabu minabuki, shinãpakeshãwẽ— aka

Miquéias 6:4

Egito nawabũ hatu itxakawaibu hatu dayama txakayamai nemakĩ Egito mai pakea anua hau habũ hatu iyukubainũbũ Moisés inũ hawẽ betsa Arão inũ hawẽ pui Miriã eã ẽ hatu yunua matũ shenipabu hatu iyumakĩ eã ẽ hatu tashnimabiraniki.

Hechos 7:34

ana yuikĩ: “Enabu Egito anushũ bika tenetxakayamai saĩ iki kashai hawawẽ haskatima ikaibu txanima shabakabi ẽ uĩmis hatu merabewanũ ika ẽ butushuki. Uĩwẽ. Haskawẽ taeshũ Egito anu hari ẽ mia yunukatsis ikaii”, akĩ Deusũ Moisés yuinikiaki.

Hechos 7:36

Deusũ Moisés haska waimakẽ Moisés nukũ shenipabu Egito anua hatu kaĩmabaĩkatsi ikĩ Egitonawabu anushũ hatu dami betsa betsapa washũtã hanua hatu iyukĩ ha Iãnẽwã Taxipa hau pukebainũbũ damiwakĩ hene bai wakĩ hatu pashkashũtã hanu tsua hiweabuma anu nukũ shenipabu Egito anua hatu iyuimashũ 40 ano dami betsa betsapa hatu unãti wamakeatanikiaki, Moisés hatu tashnimabainishunã.

Hechos 7:6

Hanushũ ana yubakĩ: “Mai kesua betsa anu mĩ bababu hatube hiwei buimabu harishũ nawabũ habũ escravo dayaru hatu washũ 400 ano hatu dayamakĩ hatu itxakawakubainaibu atimas ẽ hatu kupiaya mĩ bababu haria kaĩbirani beshũ na mai ẽ mia yubai anu hiweshũ ea duawakubaĩshãkanikiki”, ayamashũ hanushũ Abraão hawẽ yubaka xinãmati wakĩ Deusũ yunukĩ: “Dasibi minabũ huni bake tibi kaĩyã hawẽ hina kubitxi meshtekĩ bikubaĩshãwẽ”, aka

Juízes 6:14

beiskĩ Senhor Deusũ yuikĩ: —Minabu Israelĩ enabu merabewakĩ Midiã nawabũ kushipa mebĩkĩ haska mĩ kushipa hayawẽ hatu merabewariwe, eã ẽ mia yunukĩ nitxiaĩwẽ taeshunã— aka

1 Samuel 12:6

Samuelĩ ana hatu yuikĩ: —Moisés inũ Arão Senhor Deusũ hatu kushipa watã hatu merabewakĩ Egito anua Senhor Deusũ matũ shenipabu hatu tashnimabiraniki.

1 Samuel 12:8

Jacó inũ hawẽ bakebu inũ hawẽ bababu Egito anu hikiabu txipu hatu itxakawakubainaibũ hau hatu merabewanũ matũ shenipabu kashakĩ yukaibu Senhor Deusũ Moisés inũ Arão hatu anu yununikiaki. Egito anua ha dabetũ matũ shenipabu iwekubirãkĩ na mai anu matũ shenipabu hatu hiwemanibuki.