Efésios 1:7 - Kaxinawá Bíblia (BR)

⁷ Haskakẽ Jesus mawakĩ hawẽ himi habaniwẽ taeshũ Deus nuku daewashũkĩ nukũ txakabu ana xinãma buaniki, hawẽ xinã duapa nũ haya tsuã beshtetiruma hawẽ taeshũ nuku mekekinã.

Kashinawa : Diosun Jesúswen taexun yuba bena yiniki

⁷ Jaskaken Jesús mawakin jawen jimi jabaniwen taexun Dios nuku daewaxunkin nukun chakabu ana shinanma buaniki, jawen shinan duapa nun jaya tsuan bextetiduma jawen taexun nuku mekekinan.

Efésios 1:7 Referencias Cruzadas

Êxodo 34:7

1.000ti pakea pakubainaibu ẽ nuikipawẽ kaneama ẽ hatu mekepakemiski, hatũ txakabu hakimairã, sinatabiaibu inũ txakabuaibunã. Hakia tsuãra txakabuwakẽ hawẽ kupitiwẽ ẽ nuitirumaki, ha txakabu shinãkĩ hatu kupikinã, hatũ ibubu inũ, hatũ bakebu inũ, hatũ bababu inũ, hatũ bababũ bakebu hatube ẽ kupipakeshanaii— ikaya

Isaías 43:25

Mã pubẽ sinatapabubiakẽ ea ẽ matũ Deus matuwẽ nuikĩ matũ txakabu ana tanakatsi ikama matu tere ashũtã ẽ ana shinãma ishanaii.

Jeremias 31:34

Ẽ hatu haska waiwẽ taeshũ hatũ haibuaibu inũ hatunabu inũ yura betsabũ ma ea unaĩbuwẽ taeshũ: ‘Ikũwãkĩ Senhor Deus unãwẽ’, iwanã, hatu ana yusiãma ishãkanikiki. Ma yununika shanẽ ibubu inũ, yununika beshmasbu inũ, dasibibũ ea unaĩbuwẽ taeshũ eã hatũ txakabu ana shinãma hatu buashũtã ẽ ana hatukiri yuiama ikũkaĩshanaii. Ea ẽ Senhor Deusũ ẽ hãtxa ẽ mestẽwaiĩ”, akĩ hatu yuinikiaki.

Jonas 4:2

habe hãtxakĩ yuikĩ: —Uiã. Senhor Deusuũ, ẽ mae anu eki nukushũ Nínive anu mĩ ea yunua hatuwẽ nuikĩ mĩ hatu kupiama ishanaiwẽ taea eska shinaĩ ẽ hawaira Társis anu pashai ẽ hunekaĩkatsis ikimaki. Mia mĩ mekenã Deus pepa tsuabura hatuwẽ dabanã ikĩ mĩ hawaira sinataisma kupikatsi hatu banabimabiatã tsuaburawẽ nuihairakĩ mĩ shinã mĩ betsa watiru mĩ ea uĩmaii.

Miquéias 7:18

Nukũ mekenika Senhor Deusuũ, minabu eskarabes tesheniwẽ nuikĩ mĩ hãtxa danãkĩ nũ txakabuwaima tere akĩ mĩ ana shinaĩsmawẽ taea Mekenika Yushĩ mia keska betsa tsua hayamaki. Nukuki sinatapakeama maĩtã haska mĩ nuku betxipaiai mĩ nuku uĩmamiski, nuku duawakubaĩkinã.

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

Mateus 6:12

Ha inũ, nuku txakabuwaibu hatu hakimawakĩ hatũ txakabu nũ ana haska xinãmawẽ taeshũ nũ mia txakabuwai buashũtã ana haskakiri nuku xinãmayamawe.

Marcos 14:24

hatu yuikĩ: —Yura itxapabu merabewai mawakĩ ẽ himi ẽ hatu habashũshanaii. Na vinhorã, ẽ himi keskaki, hawẽ yubaka bena xinãmatirã.

Lucas 1:77

hau hawenabũ hatũ txakabuwẽ taea Deuski mesekĩ hatũ xinã txakabu henetã Deus buamatã hau meketi hiwea hatu inãshanunã.

Lucas 24:47

Haskawẽ taeshũ hawẽ kuxipawẽ hatu yusĩshãkanikiki, hau hatũ txakabu Deuskiri txakabumisbu hau henetã habũ xinã betsa waibu Deusũ buashũshanikiki. Nawa shukua tibi nĩkashanaibu yuini matũ Jerusalém anushũ taewakĩ

Hechos 10:43

Haska inũ, uatiã habias Jesuskiri Deusũ hãtxa yuishunika dasibibũ bebũkiri hatu yusĩkĩ: “Deusũ Messias tsuabũra ikũwaĩbu hawẽ taeshũ habũ txakabu Deusũ hatu buashunũbarikiki”— akĩ

Hechos 2:38

Pedrõ hatu kemakĩ: —Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Haska watã mã Jesus Cristo ikũwaĩwẽ taeshũ hawẽ kenawẽ matu tibi nũ matu naximaya matũ txakabu buatã hawẽ Yushĩ Pepa Deusũ matu inã mã bishanairã.

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

Romanos 2:4

Hakia Deus pepahaira mã danãbiaya matũ txakabu tanabiakubaĩkĩ hau ana ha xinãma Deusũ buanũ tsuabura hakiri kakĩ xinã betsa watã mã yukashanũbũ matu xinaĩ matuwẽ nuikĩ hatiãra mã hakiri yukashanai hĩ hĩ ikama Deusũ manakubainikiki.

Romanos 3:24

Deus nũ hawa washũkĩ daewatirumabiakẽ Deus duapatũ hawẽ pepa hatu uĩmakĩ hawẽ bake hawa yauxiama hamẽ inãkuĩkĩ Deusũ Cristo hatu nuku tenãmashũkĩ hawẽ himi habawanirã, Jesus Cristõ nukũ kupiti biniwẽ taeshũ tsuabũra mã Cristo ikũwaĩ hawẽ nukũ txakabu buati waniki. Haska xinãkĩ tsuabũra nukũ txakabu nũ buamakatsis iki haki txaniaya txanima Deus pepa kaneismatũ nuku unãmakĩ nũ hawẽ bake ikũwaĩwẽ taeshũ besti nukũ txakabu buashũtiruki. Cristo mawakĩ nukũ txakabu besti nukuna buashunama hakia uatiã hiweshũ ikũwãniburi hatũ txakabu hatu buashũrianiki.

Romanos 9:23

Habiatiãri bebũkiri Deusũ nuku duawakatsis ikĩ hawẽ kuxipa nuku uĩmanũ ishũ nuku tibi nuku katukĩ xinãmisrã, nũ ma hawenabu nuku unãmaikiki.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

2 Coríntios 8:9

Ha inũ, nukũ Shanẽ Ibu Jesus Cristo nai anua hawẽ Epa Deusbe hiwea habe shanẽ ibuhairabia dasibi hawenabia henebirã hawẽ pepawẽ matu pepawanũ ika matuwẽ taea nuitapai matuwẽ nui mawaniki, hawẽ taea mã nuitapama dasibi haska yubakani mã ibu washanunã. Haska matu washuniwẽ taeshũ mã hatu merabewatiruki.

Efésios 1:14

Deusũ hawẽ Yushĩ Pepa matu inãkĩ haska bebũkiri matu yubakĩ nai anu habe matu hiwemakatsi matuki tanani hawẽ unãti mã ma hayaki, hawẽ Yushĩ Peparã. Haskakẽ hawatiãra nuku meneshũkĩ hawenabu nuku wanishũ nuku shabakabi bepẽshũ uĩmashanaiwẽ taeshũ dasibibũ Deusũ kuxipa pepa kẽwãkubainãkãwẽ.

Efésios 1:18

Deus matu yukashũkinã, Deusũ hau matũ xinã hunemawatã shabakabi nĩkamakĩ manakamanũ inũ, hau tsuabura hawenabu kayabi katutã hawẽ pepawẽ duahairawakĩ matu unãmashanũ ẽ matu yukashũmiski.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

Efésios 1:8

Deusũ nuku haska wakinã, dasibi binuatũ nuku unãnepa wakĩ haska nuku pe nĩkanika wakĩ hawa yauxiama Deusũ nuku ashuniki.

Efésios 2:4

Hakia Deus nui heneisma nukuwẽ nuitxakayamakĩ nuku duahairawakĩ

Efésios 2:7

Haska wanũbarikatsi hawẽ pepa nuku unãmakatsi ikinã, Jesus Cristowẽ taea nukuwẽ nui kai nuku ashuniki.

Efésios 3:16

Deus matu yukashũkinã, hau hawẽ xinã ewapa keyuisma matu anu yunukĩ hawẽ Yushĩ Pepawẽ matu kuxipa wakĩ hau matu mestẽwãmakubainũ ẽ matu ashũkubaĩmiski.

Efésios 3:8

Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.

Filipenses 4:19

Mã ea merabewakĩ ea hawa yupawaismakenã, ẽ Epa Deus pepahairatũ matu manakukĩ matũ hamapai tibi matu inãkubainikiki, hawẽ bake Jesus Cristowẽ taeshũ matu duahairawakinã.

Colosenses 1:14

Cristo mawakĩ Satanásã nuku tsumani hawena wakĩ nuku mebikinãtã nukũ txakabu nuku buashuniki, ana xinãmarã.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

Colosenses 2:13

Hamẽ uatiã matu hiwearã, matũ txakabu mã heneriamawẽ taearã, mã mawa keska hiwenibuki. Hakia natiã tsuabũra Cristo mã ikũwaĩbu dasibi matũ txakabu Cristowẽ matu buashuniwẽ taeshũ Deusũ Cristoki ma matu dasiwatã hawẽ taeshũ hawẽ hiwea kayabi matu inãniki.

Colosenses 2:2

Hau mã xinã txãkaĩ henetima binũbũ inũ, hawa betsa xinãma ikũwaĩ betsabube ketashamei nuinamei mã abunamenũbũ inũ, unãnepakĩ Deusũ hawẽ yuba betsa huneni Cristokiri natiã hau shabakabi mã nĩka pehairawanũbũ ẽ matu dayai heneshunamaki.

1 Timóteo 2:6

Cristo tsuabũra ikũwaĩbu Deusũ hatũ txakabu buashũshanaiwẽ taea Jesus Cristo hamebi mawakĩ habũ ikũwãshanaibu hatu mekeniki. Haskakẽ na habiatiã Deusũ yununi tsuabura hakiri txanibaũtirubuki.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Tito 3:6

Nukũ mekenã Jesus Cristõ hawẽ pepa hawa yauxiama hawẽ Yushĩ Pepatũ kuxipa nukuki dasiwaniki.

Hebreus 9:22

Deusũ Moisés hawẽ hãtxa yununiwẽ taearã, mabu inũ tsuabura Deusuna wakĩ hatu meribi wakinã, himi habama hatũ txakabu buatiruma inikiaki. Hakia Deusunabu meribi hatu wakinã, hatũ txakabu buashũkĩ himi habai bestiwẽ atiwakĩ yununiki, Moisésnã.

1 Pedro 2:24

Cristo hamebi hawẽ yura cruzki dunua mawakinã, nukũ txakabu nuku bushuniki, nuku xinã betsa wamakĩ nũ ana txakabu husiyamashanũ nuku buashũkinã. Hanua hiwea bena nũ ma haya nũ ma pepai hiwekũkainaii. Cristo mawakĩ hau ana txakabũ matu tsumayamashanũ matu meshpamaniki, yura betsabu hatũ isĩ teneai shushawakinã.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

1 João 2:12

Ẽ bake keskabuũ, Jesus Cristõ hawẽ hiweawẽ nuku merabewanũ ika tashnitã nuku mawashuniwẽ taeshũ Epa Deusũ matũ txakabu buatã matu haibuwani xinãkĩ ẽ matu keneshunaii.

1 João 2:2

Nuku besti ishuãma hakia mai hirabi anu hiwebaunabũ txakaburi buanũ ika Jesus Cristo mawakĩ hawẽ Epa nuku daewashuniki, txashuwã menukĩ inãkĩ daewapaunibu keskakinã.

1 João 4:10

Nuku abuai haska uĩmakinã, nukũ dukũ nũ Deus abuama iniki. Hakia nukuwẽ nuikĩ nuku abukinã, hawẽ bake yununiki, hau ha mawakĩ daewaiwẽ nukũ txakabu buatã ana xinãyamakubaĩshanunã.

Apocalipse 14:4

Ha nawakĩ Deus inũ hawẽ bake txashuwã besti duawakĩ kẽwãkubainũbũ Deusũ habu ha dukũ inãkuĩ keska wakĩ habu dukũ katuniki. Haska Deus inãkuĩmisbu keska wakĩ habũ hatũ yura Deus inũ hawẽ bake inãbu hatu mekenibu habũ aĩbu betsabu txutabaunabuma pepa besti Deusũ txashuwã bake hanira kai anu habu hatxũ bushãkanikiki.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ