Deuteronômio 6:7 - Kaxinawá Bíblia (BR)

⁷ Ha dikabi na haska tibi ẽ matu yusĩshu haska tibi hakiri hãtxakĩ matũ bakebu yusĩkubaĩshãkãwẽ, matũ hiwetãshũ inũ, bai namakishũ inũ, ushaitiã inũ, mã besteaĩtianã.

Deuteronômio 6:7 Referencias Cruzadas

Gênesis 18:19

Ẽ Abraão katuawẽ taeshũ txipu hatũri hawenaburi ẽ yunua txibãkĩ hatu yunua pepakĩ kaneama txibaĩbu haska ẽ hãtxashu eãri Abraãowẽ taeshũ ẽ hatu merabewakĩ ashũpakeshanaii”, itã

Jó 8:10

Nukũ shenipabu ma mawabianibũ hatũ hãtxa nĩkakĩ itxapa mĩ tapĩkubaĩtiruki.

Salmos 37:30

Ha inũ, huni pepabu hãtxairã, hãtxa unanepawẽ imisbuki. Ha dikabi yunuti hãtxa kushipawẽ parananãma pe besti hãtxamiski.

Provérbios 10:21

Huni pepabũ hawẽ hãtxawẽ hatu yusĩkĩ itxapa hatu tapĩmamisbuki. Hakia huni unaĩsmapabũ pepa shinãkĩ katutiruma mawamisbuki.

Provérbios 15:2

Huni unanepa hãtxakinã, hawẽ unanepa hãtxa kaĩmamisbuki. Hakia unaĩsmapabũ hãtxa yuibiairã, hawa hãtxa pe yuisbumaki.

Provérbios 15:7

Unanepabũ hawẽ unanepa hãtxa yuikinã, hatũ hãtxa pepa sa aka keska wakĩ pawabaũmisbuki. Hakia unaĩsmapabũ shinaĩ hãtxamisburã, hawẽ hãtxawẽ tsua hatu merabewatirubumaki.

Provérbios 6:22

Hatunã, hanira mĩ kai mia mekeshũ iyukĩ hanu mĩ ushai anu mia mekea inũ, usha mĩ besteãyã ana mibe hãtxai keskakĩ mia shinãmakubaĩtiruki.

Malaquias 3:16

Hamẽ betsarã, eska txanikiki. Tsuabũra Deus duawakĩ kẽwaĩ hãtxanamei mapushũ hatũ hãtxa habũ yuiai Senhor Deusũ hatu nĩkakĩ hatu betxipaiaya hanua naiurishũ haska habũ shinãkubainaibu Senhor Deus bebũ hawẽ hatu shinãmati una kenekĩ hatũ kena tibi habũ Senhor Deus duawamisbu tanakĩ kenekĩ netanibukiaki.

Mateus 12:35

Hamẽ tsuabura duapa huĩti pepaya hawa txakabu yuiama hãtxa pepawẽs hãtxamisbuki. Ha inũ, yurabu hawẽ huĩti merã xinã txakabu haya hãtxakĩ txakabus yuikĩ kaĩmamisbuki.

Lucas 6:45

Habiaska keskari tsuabura duapabu huĩti pepaya hãtxa pepawẽs hãtxamisbuki. Hamẽ tsuabura duapa huĩti pepa haya hawa txakabu hayama yui hãtxa pepawẽs hãtxamisbuki. Ha inũ, tsuabura hatũ huĩti merã xinã txakabu mata hãtxakĩ txakabu yuikĩ kaĩmamisbuki— iwanã,

Efésios 4:29

Haska inũ, ana hãtxa txakabu yuiama hãtxa pepawẽ besti hãtxakĩ matunabu ana kuxipa wakĩ ikũhairawamakĩ merabewakĩ hatu benimawakubaĩkãwẽ, habũ matu nĩkaiburã.

Efésios 6:4

Bakeyabuũ, maturi yununũ nĩkakãwẽ. Matũ bakebu tapĩmakĩ hau matuki datei sinatayamanũbũ yunutxakayamakĩ nemahairayamakãwẽ. Hakia hiwea tapĩmakĩ Deusũ hãtxa tapĩmakĩ hawẽ yunuti hãtxa inũ hawẽ nemati hãtxa unãmakĩ pe yusĩkĩ haska nukũ Shanẽ Ibũ abumis keskawẽ hatu yumewakubaĩkãwẽ.

Colosenses 4:6

Haska inũ, hatube hãtxai hãtxa duapa inũ hãtxa pepa bestiwẽ hãtxakãwẽ, haska yura tibibũ bika teneaibu hatu merabewakĩ hatu kemai hãtxai peirã.

1 Pedro 3:15

Hamẽ Cristo matũ Shanẽ Ibu ashũkinã, matũ hiwea inãkĩ kẽwãkubaĩkãwẽ. Matũ hiwea mã ma pewakẽ tsuãra haska mã Cristokiri kakape ikũwaĩ matu yukaibu mã hatukiri pe shabakabi txanikĩ mã hatu kematiruki,

Rute 2:12

Hau Deusũ mia manakunũwẽ. Enabu mĩ duawakubiranimawẽ taeshũ Israelĩ enabu mekenika Senhor Deusũ hãtxa mĩ txibãkatsi ikairã, hau mia pepawakubaĩriashanũwẽ— aka

Rute 2:4

habiatiãri Belém anua Boaz hui hawẽ bai anu hikitã hawẽ beya txibãkĩ tsekaibu hãtxa duapawẽ Deuskiri hatu hãtxa wakĩ: —Senhor Deusũ hau matu merabewanũwẽ— hatu wa habũri kemakĩ yuikĩ: —Senhor Deusũ duawakĩ hau mia pepawarianũwẽ— akabu

Rute 4:11

mapubaunabu inũ anibu unanepabũ kemakĩ Boaz yuikĩ: —Haa. Nũ nĩkashuki. Israelĩ enabu shuku betsa betsapabu pai taekĩ nukũ shenipabu Israelĩ aĩ dabe Raquel inũ Léiã huni bake itxapa bikubainibu keska wakĩ ha aĩbu mĩ hiwe anu mĩ bishanairã, Senhor Deusũ hau duawakĩ pepa wakubaĩshanũwẽ, bake itxapa bimakinã. Ha inũ, nukũ mae Efrata Belém anu huni pepa hiweshũ hatu uĩmakubaĩshãwẽ, hau dasibibũ mikiri pe shinãkubainũbunã.