Deuteronômio 6:5 - Kaxinawá Bíblia (BR)

⁵ Haskakẽ matũ mekenika Senhor Deus betxipaikĩ matũ huĩti dasibiwẽ inũ matũ hiwea dasibiwẽ inũ matũ kushipa dasibiwẽ duawakubaĩshãkãwẽ, heneamarã.

Deuteronômio 6:5 Referencias Cruzadas

1 Reis 3:3

Salomãonẽ Senhor Deus betxipaikĩ benimawakĩ haska hawẽ epã Deusũ yunuti Davĩ kenekubaini nĩkakĩ txibãkubaĩkĩ hakia hawenabũ akai keska wakĩ mananã kashũ Senhor Deus kẽwãkĩ inabu nami inũ hawẽ sheni inĩtiyabi txiwẽ menukĩ Salomãonẽ hatubetã ariakubaini

2 Reis 23:25

Senhor Deusũ hãtxa haska Moisĩ unaki keneni txanima nĩkakĩ hawẽ shinã dasibiwẽ inũ, hawẽ yushĩ dasibiwẽ inũ, hawẽ kushipa dasibiwẽ Josiasĩ ikũwãkĩ hawẽ hiweakiri shinã betsa watã shanẽ ibuairã, uatiã inibu inũ hatiã ha bebũ ishanaibu Josias pepa keska tsua betsa hayama inibukiaki, hatu binuarã.

Mateus 10:37

Hawẽ ibubu inũ hawẽ bakebu abuhairakĩ ea abu beshmas wamisrã, enabumaki. Ha inũ, tsuabũra ea txibãkatsi iki bika tenei eki hawa dakeama: “Ẽ habe mawakatsi ikaii”, ikĩ yuiabumarã, habu enabumariki.

Mateus 22:37

Jesusũ yuikĩ: —Na eska yununi betsa betsapa tibi dasibi binuhairarã, na hãtxaki nĩkawe. “Yavé mĩ Mekenika Deus duawakĩ abukĩ mĩ huĩti hirabiwẽ inũ, mĩ yushĩ hirabiwẽ inũ, mĩ xinã hirabiwẽ txibãkĩ duawakubaĩwẽ”, ani

Marcos 12:30

Haskakẽ nukũ Shanẽ Ibu Deus duahairawakĩ abukĩ hawẽ nuikĩ matũ huĩti inũ, matũ yushĩ dasibiwẽ inũ, matũ xinã dasibiwẽ inũ, dasibi matũ kuxipawẽ heneama akubaĩkãwẽ.” Mĩ haska tibiwẽ xinãkĩ akairã, ha yunua betsa dasibi binuhairaki.

Marcos 12:33

Haska inũ, nukũ huĩti inũ, nukũ yushĩ dasibiwẽ inũ, nukũ xinã dasibiwẽ inũ, dasibi nukũ kuxipawẽ Epa Deus duawai haska nukũmebi nũ nuimis keskai yura betsabu tibiwẽ nũ nuiaiwẽ taeshũ Deusũ nuku abuhairaikiki. Hamẽ haskama hatira yuinaka deteshũ kuakĩ Deus nũ inãkuĩmis inũ hatira inãkuĩti betsa betsapa Deus kẽwãti hiwe anu nũ bumisrã, hawama keska Deusũ xinãmiski— akaya

Lucas 10:27

yusĩmistũ Jesus yuikĩ: —Eska nuku keneshuniki: “Matũ xinã hirabiwẽ inũ, matũ kuxipa hirabiwẽ inũ, matũ yura hirabiwẽ matũ Shanẽ Ibu Deus duawakubaĩkãwẽ. Ha inũ, mĩ habube hiweabu duawariakubaĩkãwẽ, ibubis mã nui mekemis keskairã”, nuku waniki— aka

Deuteronômio 13:3

nĩkakĩ ikũwãyamakubaĩshãkãwẽ. Hakia matũ hiwea dasibiwẽ inũ matũ shinã dasibiwẽ mã Senhor Deus betxipaiai matu unãkatsis ishanikiki. Haskaya ha huni nematã txibãyamashãkãwẽ.

Deuteronômio 13:4

Hakia matũ mekenika Senhor Deus besti txibãkĩ kẽwaĩ haki dasia hiweshũ hawẽ hui nĩkakĩ hawẽ yunuti inũ hawẽ nemati akubaĩkĩ dayashũkĩ duawakubaĩshãkãwẽ, yusinã betsa betsapabu nĩkamarã.

Deuteronômio 4:29

Harishũ atimas yushĩ dami danãkĩ matũ mekenika Senhor Deus hakimatã danãbianishũ ana benakĩ matũ yushĩ hirabiwẽ inũ matũ huĩti hirabiwẽ shinaĩ mã ana haki nukutiruki.

1 João 5:3

Deus nũ abuairã, hawẽ yunuti inũ hawẽ nemati nũ txibãkubainaii. Hawẽ yunuti txibaĩnã, shãkamama bikamaki.