Deuteronômio 4:7 - Kaxinawá Bíblia (BR)

⁷ Hakia nawabũ hatũ kẽwãti yushibu itxapa hayabũ kẽwãkĩ yukabiabu hawa hatu nĩkatã kematirumaki. Hakia nukuburã, nukũ mekenika Senhor Deus nũ haya hawẽtsaĩs nũ yukai tibi nuku nĩkatã kemakubainikiki.

Deuteronômio 4:7 Referencias Cruzadas

2 Samuel 7:23

Israel minabu wakĩ mĩ hatu katuni habu hiwepakeshãkanikiki. Hiweabũ, miarã, Senhor Deusuũ, mĩ hatũ Deus ipakeshanaii. Yurabu shukua betsa betsapa hiweabu keska Israel minabu hatu keska hiweama iriashãkanikiki. Deusuũ, hau minabu ikubaĩshanũbũ hatu tsumawanibu mĩ hatu mebikinãkirãkĩ mina mĩ hatu waniki. Ha dikabi mĩ kushipawẽ dasibi hatu datekĩ hatũ kena ewapa wakĩ habuwẽ ‘Habaa!’ imati wakĩ dasibi hiwebaunabu bebũshũ Egito nawabu anua hatu tashnimabirãkĩ nawa shukua tibibũ hatũ yushibu hatu sa amakĩ mĩ kushipa mĩ hatu uĩmakubiraniki.

Salmos 34:17

Hakia tsuabũra Senhor Deus duawakubaĩmisbũ hawarawẽ nuikĩ yukaiburã, hatu nĩkakĩ bika betsa betsapa teneaibu hatu nemashũkubaĩmiski.

Salmos 34:18

Senhor Deusrã, nuku mekei nuku dapi niaki. Tsuabura bika betsa betsapa tenei huĩti nishmai nui hawawẽ haskatimabiakẽ Senhor Deusũ hatu mekekĩ pashawashanikiki.

Salmos 46:1

Hawara bikahaira nũ teneai nukũ Deusũ nuku merabewamiski. Nuku keshekĩ nuku arua tsuã nuku metiruma Deus nukũ kushipahairaki.

Salmos 73:28

Hakia earã, Deus anu ẽ kemaii. Ẽ hakiri haskakainairã, harã, peki. Mĩ ẽ shanẽ ibu Senhor Deusuũ, mĩ ea mekekĩ arumiski. Mĩ dasibi ea haska washũmis mikiri ẽ txanikaũkatsis ikaii.

Isaías 43:4

Matu yaushihairakĩ matu benukatsi ikama ẽ matu betxipaiaii. Matũ hiwea piskumatã matu benukatsi ikama hunibu inũ mai pakea tibi hari ẽ matu inãniki.

Isaías 55:6

Isaíasĩ hatu yuikĩ: “Mã Senhor Deuski nukukatsis ikairã, menã kenarikãwẽ, na habia txaima matu dapi nia mã haki nukutirukirã.

Números 23:21

Jacó enabu anua tsua parã hãtxa hayamaki. Israelĩ enabu anushũ txakabuaibu tsuã uĩsbumaki. Hatũ mekenika Senhor Deus hatube ikũkaĩmiski. Hatũ mae anushũ Senhor Deus kẽwãkĩ: ‘Nukũ Shanẽ Ibuhairaki’, akĩ ha yurabũ kẽwãmisbuki.

Números 23:9

Na mishki mati keyatapa anushũ shabakabi ẽ hatu uĩ keyutiruki, na mati matipa anushunã. Yurabu meribi hiweabu ha yura betsabu keskamaki. Na mati matipa anushũ ẽ hatu uiaiĩ.

Hechos 17:27

Deus benai yurabũ haki nukutiruburã. Txanima Deus nuku tibi anu benãtamabiakẽ Deuskiri tapĩnũ ika hawa txai kama nũ hanubi haki nukutirubuki. Matunabu unãnepa miyui hawẽrua unaĩbũ yuikĩ: “Nukurã, nũ deusũ bakebuki”, anikiaki. Txanima haska yuini keska nũ habia Deusunabuki. Haskawẽ taea Deuswẽ nũ hiweabu inũ nũ hawẽ hamapaiyaibu inũ nũ hayabuki.

Deuteronômio 4:32

Shinãkãwẽ. Unu hiwei taenibutiã inũ hari mã hiwei taenitiã ikubirãshinaburã, Senhor Deusũ mai hirabi dami wakĩ huni wani anua mai nati ikĩ tsuabura mã hatu yukatiruki. Na haska ẽ matu yuiai keska nukũ Senhor Deusũ kushipa keska betsabũ unanibumẽkaĩ. Uĩriakanimẽkainã, na haska nũ uĩshina keskarã.

Santiago 4:8

Haskakẽ tsuabũra Deus inũ Satanás ha dabe txibãkĩ mã xinãtxakaya matu yusĩnũ nĩkakãwẽ. Hanũ Deus xinã kayabikĩ haibu kayabi warikãwẽ, hari hau matube haibunaĩ dasinunã. Mã haskakubainaiburã, haska nukũ mekẽ detsis mepanui nũ yamamis keska wakĩ matũ huĩtiwẽ mã xinã txakabuwai haki petxi hakimatã yamawarikãwẽ. Haska wakĩ mã Deus abukĩ haibu wakatsis ikaibu Deusũ matu haibu washanikiki.