Deuteronômio 4:4 - Kaxinawá Bíblia (BR)

⁴ Hakia matũ mekenika Senhor Deus dasibibũ hawẽ hãtxa mã txibaĩburã, natiã mã hiweyuabuki.

Deuteronômio 4:4 Referencias Cruzadas

Salmos 63:8

Ẽ hiwea hirabirã, ẽ miki dasiaki. Mĩ ea haska wawẽ taeshũ mĩ mekẽ yusiuriawẽ ea tsuma mestẽwãtã mĩ ea putaismaki.

Hechos 11:23

Barnabé kai hikixĩshũ habu Deusũ hatu duawakĩ hatu kuxipa wakĩ pepawai uĩ benimahairakĩ hatu ana yusĩ pewakĩ hau dasibi hawa txakabuyabi husiama nukũ Shanẽ Ibu Jesus ikũwaĩ txĩtuãma txibãkubaĩkĩ apakenũbũ hatu yusĩaĩ

Romanos 12:9

Ẽ betsabu inũ ẽ puibuũ, yura betsabuwẽ nui abukĩ tsua parãma txanima kayabi uĩmakĩ hatu merabewakubaĩkãwẽ. Haska inũ, hawara pe besti beya wakĩ hawara txakabu akama henekĩ danãkubaĩkãwẽ.

Deuteronômio 13:4

Hakia matũ mekenika Senhor Deus besti txibãkĩ kẽwaĩ haki dasia hiweshũ hawẽ hui nĩkakĩ hawẽ yunuti inũ hawẽ nemati akubaĩkĩ dayashũkĩ duawakubaĩshãkãwẽ, yusinã betsa betsapabu nĩkamarã.

Deuteronômio 4:3

Baal-Peor mae anushũ ẽ hãtxa nĩkama matunabu betsa betsapabũ hatũ kẽwãti dami mishkiki dãti iki beti ishũ kẽwaĩmabuwẽ taeshũ Senhor Deusũ hatu kupikĩ tenãkĩ keyuai matu dasibibũ haska mã uĩmaki.

Deuteronômio 4:5

Haskakẽ matunã, uĩrakãwẽ. Hanu mã hiweshanai anushũ hawẽ hãtxa mã txibãkubaĩshanũbũ Senhor Deusũ hãtxa kushipa inũ hawẽ yunuti inũ hawẽ nemati hãtxa ea yuikubirana ẽ matu yusĩriakubiranimaki.

Josué 23:8

Haska mã akubainai keska wakĩ matũ mekenika Senhor Deus heneyamapakeshãkãwẽ, matu bebũkiri nawa betsa betsapa kushipayabu nitxĩshuniwẽ taeshunã. Ha inũ, matu merabewaya tsuabũra matu nematirubuma iniki.

Apocalipse 14:4

Ha nawakĩ Deus inũ hawẽ bake txashuwã besti duawakĩ kẽwãkubainũbũ Deusũ habu ha dukũ inãkuĩ keska wakĩ habu dukũ katuniki. Haska Deus inãkuĩmisbu keska wakĩ habũ hatũ yura Deus inũ hawẽ bake inãbu hatu mekenibu habũ aĩbu betsabu txutabaunabuma pepa besti Deusũ txashuwã bake hanira kai anu habu hatxũ bushãkanikiki.

Apocalipse 20:4

Hanushũ habũ hatu unãti washanai haki tsaushũ unãti wati habũ hatũ kuxipa biaibu ẽ uĩshuki. Ha dikabi Deusũ yusĩa txibãkĩ txĩtuãma Jesuskiri yusĩkubainaibu habũ bushka teshteabu hatũ yushĩ ẽ uĩshuki. Habu ikirã, ha yuinaka mese atimapahaira inũ, hawẽ dami kẽwãbuma inũ, yuinaka mese atimapahairatũ enabu unãti habũ betũkuki inũ hatũ mekẽ petxiki hatũ kene netãmakĩ amama ikubainimabuki. Haskawẽ taea ana besteĩ benibaũ 1.000 ano Jesus Cristobe shanẽ ibushãkanikiki. Haskaibu ẽ uĩshuki,