Deuteronômio 4:34 - Kaxinawá Bíblia (BR)

³⁴ Haska matũ mekenika Senhor Deusũ matũ ibubu katushũ abirani keska nawa betsaburã, tsua haska keska hayabumẽ? Eska tibi akinã, matũ ibubu katushũ hawẽ unãti itxapa inũ, hawẽ unãmati dami itxapa inũ, dami itimaska betsa betsapa wakĩ hawẽ kushipawẽ hatu datemakĩ hatu detenamemakĩ Egito anua Senhor Deusũ matunabu abirani keska habias mã uini keska wakĩ mekenika yushĩ betsanã, atirumẽ? Haska keska hayamahairaki.

Deuteronômio 4:34 Referencias Cruzadas

Salmos 24:8

Ha Shanẽ Ibu kushipahairarã, tsuamẽ? Nukũ Shanẽ Ibu mĩ atiruma detenamenika Senhor Deuski. Senhor Deus hawa dateama detenamenika, ha nukũ Shanẽ Ibu kushipahairaki.

Êxodo 1:9

“Uĩkãwẽ. Israelĩ enabu patxakayamakĩ kushipakĩ nuku binupai ikanikiki.

Êxodo 10:21

hanushũ Senhor Deusũ ana Moisés yuikĩ: —Hau ana mapubaũkĩ hamapai sharabu uĩyamanũbũ Egito mai hirabi anu hau meshui keyunũ mĩ mekẽ naiuri sanãwẽ— aka

Êxodo 10:7

hawaira hawẽ merabewanika shanẽ ibubũ Faraó yuikĩ: —Ha hunĩ nuku nuitapawakĩ nuku itxakawakubainairã, hatiã nuku heneshanimẽkaĩ? Hau hatũ mekenika yushĩ Senhor Deus kẽwãtanũbũ hatu nitxĩriwe. Nukunabu mawai keyutirubuki. Nukũ inabu inũ nukũ mibã sharabu ma nuku yamawãkĩ ma keyuaburã, mĩ uiãmamẽ?— akabu

Êxodo 14:30

Egito detenamenikabũ hatu atxipanãbũ Senhor Deusũ Israelĩ enabu hatu merabewakĩ Egito detenamenikabu hatu hasa mashi anu mawa maniabu uĩkĩ

Êxodo 15:11

Ẽ Shanẽ Ibu Senhor Deusuũ, mekenika yushĩ betsa mia keska tsua hayamahairaki. Meribi pepahairakĩ dasibi mĩ binu keyuaki. Hamapai sharabu wakĩ: ‘Habaa!’ imakĩ mĩ hatu datemamiski. Haskabia hau mia kẽwãshanũbũ mĩ pepa ikũkainaii.

Êxodo 19:4

“Hawara Egito nawabu ẽ akima inũ tete peiwẽ nuyai keska kushipawẽ matu iwekĩ ẽ matu mekebirana mã uĩkubirãshinaki.

Êxodo 3:10

Haskawẽ taeshũ enabu Israelĩ enabu Egito anua mĩ hatu kaĩmashanũ Egito shanẽ ibu bena anu ẽ mia nitxĩkĩ yunuyuaki— aka

Êxodo 6:6

Haskakẽ minabu ea hatu yuishũwẽ: “Earã, emebi ẽ hiwea ẽ kenarã, Senhor Deuski. Egito nawabũ minabu dayamakĩ hau hatu ana tsumawayamashanũbũ hatu meshpamatã hatũ mai pakeanua mĩ habu pashawashanaii. Ẽ kushipa shabakabi dasibibu hatu uĩmakĩ Egito nawabu kupitã ẽ matu iyushanaii. Haska watã enabus ẽ matu washanaii. Matũ mekenika Senhor Deus ẽ ikũkaĩshanaii. Egito nawabũ matu dayama txakayamakĩ matu bika tenemaibu matũ mekenika Senhor Deusũ ẽ matu iyuni matu inũ matũ bakebu inũ matũ bababũ unãkĩ shinãkubaĩshãkanikiki, ea hakimamarã. Mai betsa ukeria Abraão inũ, Isaque inũ, Jacó ha mai pakea ẽ hatu yubaniwẽ taeshũ ha matu yunukĩ ẽ matu ibu wamashanaii. Earã, ẽ matũ shanẽ ibu Senhor Deuski, eã ẽ matu hãtxa wairã. Ea nĩkakãwẽ”— hatu wa

Êxodo 7:3

Hakia hawẽ huĩti kushi wakĩ nĩkaisma watã ẽ kushipa hawẽ unãmati dami betsa betsapa inũ hawẽ e imati itxapa sharabu ẽ matu amashanaii, Egito mai pakea hirabi anushunã.

Números 20:16

Haskakẽ hau Senhor Deusũ nuku merabewanũ hãtxa kushipawẽ nuitapakĩ nũ ea akubaini hãtxai nĩkatã hawẽ nai tsuma Senhor Deusũ yunua Egito anua hawẽ nai tsuma kushipatũ nuku tashnimabirani ma natiã nenu Cades mae anu hikishĩshũ hanua mĩ mai pakea kesukauna anushũ nũ manayuaii.

Deuteronômio 34:12

haska Deusũ kushipa inũ hawẽ mesehairawati dami tsuã atiruma hatu washuaĩ Israelĩ enabu dasibibũ uĩkubainibu tsuã haska keska wakĩ Moisés binutirubumahairakiaki.

Josué 24:7

hatuwẽ datekĩ ea yukaibũ habu inũ Egito nawabu namakis pashkakĩ kebẽkĩ ẽ meshu waniki. Txipu Ianẽwã Tashipa matũ shenipabu pukebainaibũ Egito nawabũri hatu txibaĩ pukebaĩpanãbũ henewẽ atximakĩ ẽ hatu yamawakĩ keyuni haska mã unaiĩ. Hanu tsua hiweabumanu bari itxapa ẽ kushipa uĩ mã hiweakeakekubirani mã unãriaii.

1 Pedro 5:6

Txanima Deusũ kuxipawenã, matu ashũtiru hayawẽ taea babutã keãma manakakubaĩkãwẽ. Hanu akaitiã Deusũ matu duawakĩ shanẽ ibu wakĩ kẽwãshanikiki.