Deuteronômio 4:2 - Kaxinawá Bíblia (BR)

² Haska ẽ matu yusiainã, ana betsa wakĩ txitxikĩ ewa wama inũ hãtxa betsa tere akama haska matũ mekenika Senhor Deusũ yunua besti txibaĩ pehairashũkubaĩshãkãwẽ.

Deuteronômio 4:2 Referencias Cruzadas

Jeremias 26:2

yuikĩ: “Templo anushũ ea kẽwaĩ Judá enabũ mai pakea hatũ mae tibi anua bemisbu hatu yuinũ ika ẽ Templo hemaĩtĩ anu ka nishũ ha hãtxa mia yuikĩ ẽ mia yunushina dasibi hatu yuitãwẽ, hawa hãtxa betsa heneamarã.

Mateus 5:18

Txanima nai anua inũ mai keyuriamakẽ Deusũ hãtxa yuishunikabubetã haska Moisés hatu yusĩni hãtxa ikũnã, eã ẽ matu yuiairã, hawa tsuã nemakĩ inũ hawa betsa wama hãtxa tibi menepakeshanikiki.

Mateus 5:43

ana hatu yuikĩ: —Haska inũ, betsarã, matũ yusĩnãbũ Deusũ hãtxa matu yusĩkĩ yuikĩ: “Matunabuwẽ besti nuikubaĩkãwẽ, nawabu matuki sinatamisbu abuamarã”, akĩ matu yusĩmisbuki.

Gálatas 3:15

Ẽ betsabu inũ ẽ puibuũ, haska yurabu yubakai xinaĩ hãtxamisbu keska matu yuinũ nĩkairakãwẽ. Yurabu yubakanametã xinãma tsuã henetiruma inũ tsuã betsa watirumaki.

Deuteronômio 1:3

Hene Jordão kesha betsaurishũ Moisĩ hatu yunua Amorreu nawabu shanẽ ibuhaira Seom, mae Hesbom anu hiwea hawẽ detenamenikabube Israelĩ enabu hatu maemashinabu Moisĩ ana hatu yunua mai pakea kesuakea Edrei anu Basã nawabu shanẽ ibuhaira Ogue Astarote anu hiweshũ hatu yunuaya Israelĩ enabũ Ogue inũ hawẽ detenamenikabu hatu maemakĩ keyushinabu Egito anua tashnibiranibu ma 40 ano kaya 11 ushetiã shaba ha dukũ taeaya ha nawabu hatu yamawashinabu habiatiãri Moisĩ haska dasibi Senhor Deusũ yunuima hau txibãkĩ akubaĩshanũbũ Moisĩ hakiri hatu hãtxa yusinikiaki.

Deuteronômio 12:32

hanushũ Moisĩ ana hatu yuikĩ: “Haska ẽ matu yusĩkĩ yunukubiranai akubaĩkĩ henetaskayamashãkãwẽ, hãtxa betsa tere akama inũ hãtxa betsa txitxikĩ betsa wamarã.

Deuteronômio 13:1

Matunabu anua haska iriamabia bebũkiri unãtã matuki txanitirubu inũ namakĩ uĩtã matu yuitirubu tashnitã

Deuteronômio 4:14

Hanu mai pakea betsa hatu mebĩkĩ ibuwatã harishũ hawẽ hãtxa txibaĩ mã ikubaĩshanũbũ hawẽ yunuti inũ hawẽ nemati hãtxa ea matu yusĩmakubaĩkatsi bebũkiri Senhor Deusũ ea yununiki”, iwanã,

Deuteronômio 4:40

Haska natiã ẽ matu yunuai keska hawẽ yunuti inũ hawẽ nemati hãtxa Senhor Deusũ matu yunuima akĩ txibãkubaĩshãkãwẽ. Mã haska waibũ maiwã ibuwamakĩ Senhor Deusũ matu inaĩ anu matu inũ matunabu pakubaini bari itxapa hanus hiwepakeshãkanikiki”, hatu wanikiaki.

Deuteronômio 4:5

Haskakẽ matunã, uĩrakãwẽ. Hanu mã hiweshanai anushũ hawẽ hãtxa mã txibãkubaĩshanũbũ Senhor Deusũ hãtxa kushipa inũ hawẽ yunuti inũ hawẽ nemati hãtxa ea yuikubirana ẽ matu yusĩriakubiranimaki.

Josué 1:7

Haska besti ẽ mia yunuaii. Kushipahairai hawa dateama hanira mĩ kai anu unanepai ha mĩ hanu kai anu inũ mĩ hawara akai anu ha baiwẽ kai yusiuri inũ yusmauri dabekeama keskakĩ hawẽ yunuti hãtxa inũ hawẽ nemati hãtxa ẽ tsuma Moisĩ mia yusĩmarã, txibãhairakubaĩshãwẽ.

Josué 8:35

Moisĩ yunuti inũ hawẽ nemati hãtxa dasibi hawa heneama hunibu dasibi inũ aĩbu dasibi inũ bake mishtĩbu dasibi inũ nawa betsa betsapabu hatube hiweabu Josué hatu yuishunaya hawẽ hãtxa nĩkanibukiaki.