Deuteronômio 18:10 - Kaxinawá Bíblia (BR)

^10-11 Habunã, yushibu txakabubu daewakatsi ikĩ hatũ bake mishtĩbu inãkĩ menu keyushũmisbu inũ, yushibu hatu yukashunikabu inũ, huni mukaya mesebu inũ, nai anu bishi dua unanikabu inũ, yushĩbe hãtxanikabu inũ, yushĩwẽ shũ itiabu inũ, yurabu mawabube hãtxanikabu matu dapi hiwebaũshãkanikiki. Haska tibi hatuna tapĩkĩ mawayamashãkãwẽ.

Deuteronômio 18:10 Referencias Cruzadas

2 Reis 23:24

Senhor Deus kẽwãti hiwe anushũ hawenabu Deusbe hãtxashunika shanẽ ibu Hilquiasĩ Senhor Deus hatube yubakai hãtxani unaki kenenibu betximawẽ taeshũ hanushũ hawẽ yunuti inũ, hawẽ nemati inũ, hawẽ pe hiweti yusĩti hãtxa uĩkĩ txibãkubaĩkĩ Josiasĩ ashũkĩ Jerusalém anuabu inũ Judá mai pakea anu hiweabu huni inũ aĩbu mukayabu inũ, yushibubu yukakĩ unãmisbu inũ, hatũ hiwe anushũ hamapai dami mishtĩ kẽwãmisbu tibi betxitã hatu mebĩtã hatu txakabuwãkĩ yamawakĩ keyukubaĩkĩ

Miquéias 5:12

Mukayabu yamawakĩ keyutã hawara unanikabuma habu ẽ matu heneshanaii.

Malaquias 3:5

Senhor Deus kushipa dasibi binu keyuatũ ana matu yuikĩ: “Eã matu unãti watã txakabu inũ pepabu matu kupi ẽ hushanaii, eska hiwemisburã: yushĩ txakabũ kushipa hayabu inũ, hawẽ aĩma inũ hawẽ benemabe txutanamebaũmisbu inũ, yura betsa yubakai txanitxakamisbu inũ, tsuãra dayarubu inũ aĩbuaibu ma hawẽ bene mawabu inũ bakeishta ibuumabu itxakawakubaĩmisbu inũ, nawa betsabu beaibu hatu itxakawamisbu inũ, ewẽ datei ea nĩkaisbuma hatũ txakabuwẽ taeshũ ẽ hatu kupi hushanaii”, iwanã,

Hechos 19:19

betsabu habu mukayakĩ unãmisbũ Jesus txibanũ, iwanã, hawẽ mukayakĩ unãti una beshũ dasibibũ besuuri mãtxĩshũ tanakĩ hawẽ pei karu 50.000 prata pei heshe tanashũ hawẽ nuiama kuakĩ keyunibukiaki.

Hechos 8:9

Hamẽ betsarã, Filipẽ hatu yusĩ kariamakẽ huni betsa Simão ha mae Samaria anushũ hawẽ mukawẽ unãkĩ hawẽ hatu shuũ akĩ yurabu paraĩ keĩ shanẽ ibukĩ hatu mesewamistũ

Gálatas 5:20

Haska inũ, yushĩ txakabu kẽwãkĩ hawẽ kuxipawẽ daunãnãkinã, yurabu hãtxaibu hatu nemakinã, kũyã ikirã, hawenabuwẽ nuiamarã, hawara betsa hayawẽ taeshũ hatu binũkatsis ikĩ danãkinã, yura betsabuki hawaira sinatakinã, hatuki ha ikĩ hatu sa akĩ keyukinã, ibubis hawara pepa bikĩ xinã betsa betsapa wai hiweabuki.

1 Samuel 15:23

Habũ Senhor Deus ikũwãbumã danãkĩ txakabuwakĩ Deus sinatamamisburã, yushibube dayai mukayakĩ unãmisbu keskabuki. Tsuãra Senhor Deusũ yunuti hãtxa nĩkama habũ yushibu dami kẽwãmisbu keskabuki, txakabuwairã. Hamẽ miã akĩ Senhor Deusũ yunuti hãtxa mĩ danãkĩ txakabuwashinawẽ taeshũ natiã mĩ nukũ shanẽ ibu ikis mia danãriaikiki”, aka

1 Samuel 28:3

Ma Samuel mawakẽ hawẽ nui Israelĩ enabu mae tibi anua kashanũ ika beshiã haya kashakubaini maĩtã ha mae Ramá anu hanua kaini anu maiwashinabũ yushibube hãtxakĩ haskashanai bebũkiri unanikabu inũ tsuara mawa hawẽ yushĩbe hãtxamisbu hawẽ maiwã pakea hirabi anua Saulũ hatu ha akĩ nitxĩmakẽ

1 Samuel 28:7

haska wa haskatima Saulũ hawẽ shanẽ ibu beshmasbu yunukĩ yuikĩ: —Hari kashũ ẽ yukai kanũ haniara aĩbu mawabũ yushĩbe hãtxamismẽkaĩ, ea benashũbaũtãkãwẽ— hatu wa hawẽ shanẽ ibu beshmasbũ Saul kemakĩ yuikĩ: —En-Dor anu mawabube hãtxamis aĩbu hiweaki— akabu

1 Samuel 28:8

shanẽ ibukĩ tari hawẽrua sawemis pekatã tari betsa Saulũ sawetã ana shanẽ ibu keskama huni dabebe meshu merã ha aĩbu anu kashũ hikitã yuikĩ: —Huni betsa hawẽ kena ẽ mia yuia ma mawa hawẽ yushĩ hau hunũ mĩ muka kushipawẽ ea kenashũwẽ, mia pakakatsi ẽ mia yukairã— aka

1 Samuel 28:9

aĩbũ kemakĩ yuikĩ: —Yushibubube hãtxakĩ haskashanai bebũkiri unanikabu inũ tsuara mawa hawẽ yushĩbe hãtxamisbu nukũ mai pakeanua Saulũ hatu putaima mĩ unaiĩ. Mĩ ea haska yuimaya ẽ mawatiruki. Haskakĩ mĩ ea haska yunuai?— aka