Deuteronômio 13:5 - Kaxinawá Bíblia (BR)

⁵ Egito anu matũ ibubu itxakawakĩ hatu dayaru escravo wakubainaibũ hanua matũ mekenika Senhor Deusũ hawẽ kushipawẽ matũ ibubu pashawani hakimayamakubaĩshãkãwẽ. Na hunibũ hatũ yushĩ betsa matu txibãmakatsi ikĩ Senhor Deus matu danãmakĩ hawẽ hãtxa matu nĩkamamakĩ Senhor Deusũ hãtxa txibaĩ mã hawẽ pei hiwebiakẽ ha hunibũ haska iriamabia matu yuitirubu inũ namawẽ uĩtã matu unãmatirubu hatu detekĩ tenãshãkãwẽ. Haska wakĩ txakabu matu anua mã beshtetirubuki”, hatu watã

Deuteronômio 13:5 Referencias Cruzadas

1 Reis 18:40

hanushũ Eliasĩ hatu yuikĩ: —Baalĩ hãtxa yuishunikabu dasibi hatu atxikãwẽ, hau betsa pashayamanũbunã— hatu wa hawaira hatu atxiabu pashku netsu Quisom anu hatu matxi butemabaĩ Eliasĩ harishũ hatu yunua dasibi hatu tesẽ keyuabũ,

Jeremias 7:23

hau ea dukũ nĩkakubaĩshanũbũ ẽ hatu yunukĩ taewaniki. Haska ẽ hatu yunua akubainaibu enabu hatu watã hatũ mekenika Deus ẽ ikũkaĩshanaii”, iwanã, “ẽ hatu yuiniki, hau habu ea hiwei peshũkubaĩshanũbunã.

Hechos 13:8

hanushũ hatu yuikĩ taewaibũ Romano shanẽ ibũ Jesus ikũwaĩ nemanũ ika huni mukayatũ Barnabé inũ Saulokiri hãtxai daketapakĩ hatu ha akaya

Deuteronômio 18:20

Hakia tsuabura ẽ kenawẽ hãtxabiakĩ hawara ẽ ha yuiama hawẽ shinanẽ besti matu yuiaibu inũ yushĩ betsã kenawẽ hãtxakĩ matu yuiriaibu hatu nĩkama tenãshãkãwẽ’, akĩ Senhor Deusũ ea yuiniki.

Deuteronômio 19:19

habias kupiti yura betsaki txanitxakakĩ nuitapawashũwẽ taeshũ shanẽ ibubũ hau ha huni txakabũ haska shinãshu keska hawa hawẽ nuiamahaira hau kupikubaĩshanũbũwẽ, hawẽ hiwea benumakinã, ketxaish akĩ sheta paskeriakinã, hawẽ beru tsekariakinã, hawẽ tae kasmai hawẽ mekẽ meshteriakinã, ha txanitxakaibu matũ shanẽ ibũ hatu kupiaibu nĩkatã hawẽ datei hatũ shinã txakabu beshtekekubaĩshãkanikiki. Hatu haska wakĩ matu anua ha txakabu mã yamawakubaĩshanaii”, akĩ Moisĩ hatu yusinikiaki.

Deuteronômio 4:19

Ha dikabi naiuri uĩkĩ bari inũ ushe inũ bishi inũ bishi kauani txashakainai betxitã haki mesei ‘Habaa!’ iki datekĩ haska kẽwãyamakubaĩshãkãwẽ. Yurabu dasibi merabewakĩ hawara sharabu nai anua uĩtirubu Senhor Deusũ hatu damiwashuniki.

Deuteronômio 6:13

Haska shinaĩ Senhor Deuski mesekĩ kẽwaĩ ha besti dayashuni peshũkubaĩshãkãwẽ. Tsuabura mã yubakakatsis ikairã: ‘Ẽ mia parãmaki’, iwanã, Senhor Deusũ kena bestiwẽ shabakabi yubakakubaĩshãkãwẽ.

Josué 23:8

Haska mã akubainai keska wakĩ matũ mekenika Senhor Deus heneyamapakeshãkãwẽ, matu bebũkiri nawa betsa betsapa kushipayabu nitxĩshuniwẽ taeshunã. Ha inũ, matu merabewaya tsuabũra matu nematirubuma iniki.

Apocalipse 19:20

ha parã hãtxa yuishunikatũ yuinaka mesẽ besuuri atimaska betsa betsapa tsuã atiruma wakĩ habu yuinaka mese atimapahairatũ kena habu hẽ iyamama inũ hawẽ dami kẽwãmisbu hatu parãmiswẽ taeshũ parã hãtxa yuishunika Shanẽ Ibu binuatũ tsumabũ atxikĩ yuinaka mese atimapahaira habe atxitã nĩkaibu hanu iã enxofre paxinipa menui here hi hi ikai anu ha dabe hatu putabu

1 Samuel 12:14

Natiã mã ha txibãtirubuki. Matu inũ matũ shanẽ ibu Saulũ Senhor Deus kẽwãkĩ, hawẽ hui nĩkakĩ, hawẽ yunuti inũ hawẽ nemati hãtxa danãma haska matũ mekenika Senhor Deusũ shinaĩ keska txibaĩ unanuma matũ yununika shanẽ ibube pe mã hiwekubaĩtirubuki.