Deuteronômio 13:1 - Kaxinawá Bíblia (BR)

¹ Matunabu anua haska iriamabia bebũkiri unãtã matuki txanitirubu inũ namakĩ uĩtã matu yuitirubu tashnitã

Deuteronômio 13:1 Referencias Cruzadas

Mateus 24:11

Hanu haskaibutiã huni itxapabu beshũ yuikĩ: “Deusũ hãtxa matu yusĩnũ ea nĩkakãwẽ”, ikĩ txani txakakĩ yura itxapabu hatu parãshãkanikiki.

Mateus 7:15

—Ha inũ, betsarã, ha parananãmisbu pepa keskakĩ Deuskiri yusĩbiakĩ hawẽ huĩti inu pubẽ keskã txani hãtxa matu yusĩaĩbu ana nĩkama hatu uĩrakubaĩkãwẽ.

Lucas 6:26

Tsuara ibubis hawawẽra hawẽruakĩ dasibibu hatu abumakĩ mã hatu kẽwãmatirurã, uĩrashãkãwẽ, mesekirã. Habũ Deus yuishunikapaiaibũ hatu parã paepawa matũ shenipabũ hatu kẽwãpaunibu keska iyamashãkãwẽ— iwanã,

Deuteronômio 18:20

Hakia tsuabura ẽ kenawẽ hãtxabiakĩ hawara ẽ ha yuiama hawẽ shinanẽ besti matu yuiaibu inũ yushĩ betsã kenawẽ hãtxakĩ matu yuiriaibu hatu nĩkama tenãshãkãwẽ’, akĩ Senhor Deusũ ea yuiniki.

Deuteronômio 4:1

Txipu Moisĩ hatu ana yuikĩ: —Matũ shenipabũ mekenika Senhor Deusũ mai pepa matu ibuwamashanai anu hari hikikĩ ibuwatã mã hanu hiweshũ txibãkĩ hawẽ yunuti inũ hawẽ nemati yusini natiã ẽ matu ana yusiaĩ nĩkatã hakimama aki hawẽ hiwekubaĩshãkãwẽ, txĩtuãmarã.

Deuteronômio 4:2

Haska ẽ matu yusiainã, ana betsa wakĩ txitxikĩ ewa wama inũ hãtxa betsa tere akama haska matũ mekenika Senhor Deusũ yunua besti txibaĩ pehairashũkubaĩshãkãwẽ.

2 Tesalonicenses 2:9

Ha huni txakabu hawẽ shanẽ ibu Satanásã kuxipa wakĩ merabewaya dami atimaska betsa betsapa wakĩ yurabu parãshanikiki.

2 Pedro 2:1

Israelbu ẽ shenipabu anu Deusũ hãtxa yuishunika matxupa naxui ika hayanibuki. Habiaskariai matu anuri yusĩnã matxupa matu naxui iria hayabuki. Habu hatũ hãtxa hawẽruabia hatũ xinã txakabuwẽ matu daũkĩ akawakanikiki, nukũ Shanẽ Ibũ ma nuku meketi pewabianikẽ hawẽ kuxipa danaĩ parananaĩburã. Haska matu yusĩkĩ husiaibu Deusũ hawaira hatu kupishanikiki.

1 João 4:1

Ẽ betsabu inũ ẽ puibuũ, matuwẽ nuikĩ na haska tashnibiranaibukiri ẽ matu yusĩkatsis ikaii. Mai hirabi anu Deusũ hãtxa yuishunikanikapai habu txani txakaiburã, mirima hayaki. “Eari ẽ Deusũ hãtxa yuishunikaki”, ikaiburã, dasibi hatu ikũwãyamakãwẽ. Hakia hatu unãti wakinã, txanima habu Deusũ Yushĩ haya ikanimẽkaĩ? Hayamabia matxupai ikanimẽkaĩ? Hatu uĩkubaĩkãwẽ.