Deuteronômio 12:6 - Kaxinawá Bíblia (BR)

⁶ Ha Senhor Deus benimawati inabu menukĩ keyuti inũ, dízimo inãti inũ, hamapai merabenãti inũ, haki tanai bebũkiri mĩ yubakaima inãkuĩti inũ, matũ shinanẽ besti inãkuĩti inũ, habu dukũ ina awa bake bene inũ txashuwã kaiaĩbu ha hiwe anu hari dasibi hatu inãkĩ bupakeshãkãwẽ.

Deuteronômio 12:6 Referencias Cruzadas

Esdras 3:2

haska Deusũ tsuma Moisĩ yununi Senhor Deus kẽwãkĩ hakishũ inabu nami kuakĩ keyushũkubaĩti hawenabu Jozadaquẽ huni bake Jesua inũ, hawẽ betsabu hawenabu Deusbe hãtxashunikabu inũ, Sealtielĩ huni bake Zorobabel hawenabubetã dasibi habũ Israelĩ enabu mekenika Deus kẽwãti txi tapu wakĩ taewakĩ

Malaquias 3:10

Matũ bai anua inũ matũ inabu anua haska Moisĩ matu yusini dízimo ena bekĩ eki nukuti Templo hanu arukĩ meketi dĩtu anu hatu inãkubaĩkãwẽ. Mã haska wakĩ ea uĩmaya eki nukuti Templo anu piti pepa hayakũkainaya eanã, matuna binumakĩ nai anua pepahairawẽ ẽ matu duawakubainai uĩkatsirã, ea dukũ unãti wamakãwẽ.

Malaquias 3:8

eãri matu yukakĩ: ‘Huni parananãkĩ tsuã Deus anua yumetsutirumẽ?’ mã ea wa matu kemakĩ: Txanima mã ea parãkĩ meribi betsa enabiakẽ mã ea yumetsũmisbuki. Haskabia mã ea ana yukakĩ: ‘Hawa mia parãkĩ nũ mia yumetsumismẽ?’ mã ea wa ẽ matu yuiai ea nĩkakãwẽ. Hawara hau ea menushũbũ inũ, matũ bai anushũ ma tseka meribi dízimo ea inãti inũ, ea inãkuĩti enabiakẽ yaushikĩ eskarabes ea inãkĩ mã ea yumetsukubaĩmisbuki.

Lucas 11:42

Fariseubuũ, mã peirawa! Matunã, mã kanekubaĩmisbuki. Matũ piti nis wati itxawashũ maspu mekẽ dabeti washũ bestitxai Deus kẽwãti hiwe anu dayanikabu merabewakĩ mã hatu inãkuĩmiski. Haska pewabiai haska Deusũ hãtxa Moisés yusĩni mã xinãma hawara hawẽ pepawati inũ hawẽ nuiti inũ hawẽ hãtxa betsa watima yunubianikẽ matubu hawẽ hiwekĩ mã hatu uĩmaismaki, kanekinã.

Lucas 18:12

Ha inũ, semana tibi shaba dabe mia kẽwaĩ ẽ samakemiski. Ha inũ, hamapai dayakĩ bishũ mekẽ dabeti pashkatã bestitxai mĩ kẽwãti hiwe mekenikabu ẽ inãkuĩmiski”, iki ibubis keãyã

1 Samuel 1:21

Hanua ano betsatiã Siló anushũ Senhor Deus kẽwãkĩ txashuwã nami Elcanã hawenabu pashkashũtã hawẽ kẽwãti nami ana pinũ, iwanã, hawẽ aĩ dabe inũ hawẽ bake dasibibu iyukatsis ikaya

1 Samuel 1:24

ma txutxu henebiaima bakeishtabiakẽ Siló anu Senhor Deus nukuti tari hiwe pũtenibu anu iyukĩ 3 ina awa bake inũ shekiwã trigo 22 litro inũ bitxi sakuki vinho matari bushuĩ Siló anu hikitã