Deuteronômio 12:3 - Kaxinawá Bíblia (BR)

³ Hanushũ hawẽ kẽwãti txi tapu tekekĩ keyukĩ inũ, hawẽ kẽwãti mishki nitxinibu durukĩ keyukĩ inũ, txibu nitxinibu hanushũ kẽwãmisbu kua keyukĩ inũ, hatũ yushibubu dami wanishũ kẽwãmisbu yamawakĩ keyushãkãwẽ. Ha dami uĩkĩ hatũ yushibu shinãmisbu dasibi tere akĩ keyukubaĩshãkãwẽ, ha hatũ yushibu dami hau tsuã ana shinãyamashanũbunã.

Deuteronômio 12:3 Referencias Cruzadas

2 Reis 18:4

Ha shanẽ ibushunã, mati keyatapa anua yushibubu kẽwãti hiwe meribi tibi hau txakabuwakĩ pusa pusa anũbũ hatu yunua hanua betsa yushibu dami betsa betsapa dasibi nitxiniburi hau tekekĩ keyurianũbũ inũ mane bronze dunu dami Moisĩ hatu ashuni kenakĩ: “Neustãki”, anibu kẽwãkĩ ha bebũ Israelĩ enabũ inĩti kuakubaĩmisbu Ezequiasĩ hatu mebĩ keyutã hatu pusa pusa amanikiaki.

2 Reis 23:14

Ha dikabi ha hiwe wanibu txakabuwaibu anu ana hiwe betsa benikĩ hau ayamashanũbũ yushibu hi dami keyatapa inũ mishki dami betsa betsapa hi kẽwãti txibu nitxinibu hau teke teke akĩ txuri wanũbũ shanẽ ibuhaira Josiasĩ hatu yunua akĩ keyutã hau hawẽ shãtu anu yura mawanibũ shau hau hanuri anũbũ hatu yunuria ariaibũ

Salmos 16:4

Hakia ha habũ dami betsa deus washũ kẽwãmisburã, mĩ haska tenetiruma tenei yumãhairashãkanikiki. Hamẽ eanã, haska wakĩ hatũ dami kẽwaĩburã, yuinaka tesẽshũ ẽ hatu inaĩsmahairaki! Ha inũ, ha dami betsa betsapa kẽwãmisbu hamẽkẽ hatũ kena ẽ yuismahairariki.

Êxodo 34:13

Earã, ẽ Senhor Deuski, ẽ kena betsa ẽ Senhor Deus Yaushinikawẽ taeshũ enabu yaushikĩ ẽ matu mekekubainaiwẽ taeshũ hawa yushĩ betsa kẽwãma haska ẽ matu yunuai keska wakĩ hatũ kẽwãti tibi tekekubaĩshãkãwẽ. Hatũ yushĩ kẽwãti txi tapu tibi yamawakĩ hatũ yushibu shinãmati mishki keyatapa mapuabu inũ hatũ kẽwãti hi meribi mapuabu derakĩ keyukubaĩshãkãwẽ, mae tibi anuarã.

Miquéias 5:14

Matũ kẽwãti hi meribi meshte txibu nia inũ hi betsa peiya dasibi betse keyushũ matũ maewã dasibi txakabuwakĩ ẽ keyushanaii.

Deuteronômio 12:4

“Haska hatũ yushibubu kẽwãmisbu keska txibãkĩ nukũ mekenika Senhor Deus ha itsa watã kẽwãyamashãkãwẽ.

Apocalipse 13:1

hanua yuinaka ewapa mese atimapahaira iãnẽwanua mapekeai ẽ uĩshu matu yuinũ nĩkakãwẽ. Hawẽ bushka sete haya inũ, dez mashũyã inũ ha tibiki shanẽ ibũ maiti maiaki. Ha dikabi hawẽ bushkaki Deuski shetxakati hawẽ kenaya hayaki.

Juízes 2:2

‘Hamẽ matu ikirã, ha nawabu ha hari mae anu hiweabube hatube yubakataskayamashãkãwẽ. Haska inũ, hatũ yushibubũ kẽwãti txi tapu tibi teke keyukubaĩshãkãwẽ. Ẽ matu wabirani uĩkãwẽ. Haskai mã txakabube ketashamea hiwekatsis ikubaĩkanai? Mã haskaibũ ẽ matube yubakani ẽ hakimama ishanaii’, akĩ ẽ hatu wabianikẽ ẽ hãtxa ea nĩkama mã ea danãkanaii.