Deuteronômio 1:8 - Kaxinawá Bíblia (BR)

⁸ Ha mai hirabi dasibi Abraão inũ, Isaque inũ, Jacó inũ, matunabu pakubaĩshanaiburi matũ shenipabu ea Senhor Deusũ inãkatsi ẽ hatu yubani anu bukĩ hanu hiweabu mebĩkĩ putakĩ hatu yamawatã ha mai hirabi ibuwakubaĩshãkãwẽ’, akĩ Senhor Deusũ nuku yuini ẽ matu shinãmaii”, akĩ Moisĩ hatu yuinikiaki.

Deuteronômio 1:8 Referencias Cruzadas

Gênesis 12:7

Senhor Deusũ Abrão nitxiã kashiã yuikĩ: “Na mai pakea hirabi minabu pakubainaibu ibu wamakĩ ẽ hatu inanũbariaii”, aka ma hanu ana haki nukuawẽ taeshũ Abrão Senhor Deus kẽwanũ, iwanã, mishki txi tapu wakĩ mishki itxawakĩ maspu watã hanu txiwẽ kuakĩ txashuwã bake bene pepa teshteshũ himi haba watã hanushũ menukĩ keyukĩ Senhor Deus kẽwanikiaki.

Gênesis 15:16

Hakia ha mai pakea anu minabu hikitã hatũ ibuwẽ 4 shenipabu pakea tibi hiwekubainaibutiã habũ bakewakubainaibu ewatã habiatiãri 400 ano binukainaya minabu hari hiwea hatu itxakawabu ẽ hatu pashawa minabu Canaã anu nenu habianuri ana hiwei txĩtũbirani benũbarikanikiki. Hanua Amorreu nawabu na nenu hiweaburã, hatũ txakabu pikuhairariabumakẽ ẽ hatu kupinũbariai ẽ manayukubaĩshanaii— aka

Gênesis 15:18

habiatiãri Senhor Deusũ Abrão yubakĩ yuikĩ: —Egito anu pashkuwẽ pakea inũ hene ewapa hawẽ kena Eufrates namakis na mai hirabi minabu ẽ hatu inãkĩ ibu wamanũbariaii. Queneu nawabu inũ, Quenezeu nawabu inũ, Cadmoneu nawabu inũ, Heteu nawabu inũ, Ferezeu nawabu inũ, Refain nawabu inũ, Amorreu nawabu inũ, Canaã nawabu inũ, Girgaseu nawabu inũ, Jebuseu nawaburã, habu hiwebiabũ hatu kaĩmakĩ mebĩtã minabu hanu ha mai ẽ hatu ibu wamashanaii— anikiaki.

Êxodo 33:1

Habiatiãri Senhor Deusũ Moisés ana yuikĩ: —Minabu iyui nenua kariwe. Ha dukũ Abraão, ha katxu hawẽ bake Isaque, ana ha katxu hawẽ baba Jacó ẽ yubakĩ: “Na mai pakea hirabi minabu ẽ ibu wamashanaii”, akĩ ha dabe inũ besti habiaskasri ẽ hatu yubani anu minabu Egito anua mĩ hatu tashnimabiranima hatu iyuritãwẽ.

Números 14:23

Mae pepa hatũ shenipabu ẽ hatu yubani habũ ea nĩkakatsi ikama ikubiranaibũ tsuã uiãmahaira ishãkanikiki. Ea danãmisbutũri hanu hikikĩ uĩtaskabuma iriashãkanikiki.

Deuteronômio 34:4

Senhor Deusũ Moisés yuikĩ: “Ha maiwã hirabirã, mĩ shenipabu Abraão inũ Isaque inũ Jacó habu tibi yubakĩ: ‘Ha maiwã pakea matunabu pakubainaibu ẽ hatu ibuwamashanaii’, akĩ ha dabe inũ besti ẽ hatu yubaniki. Ha maiwã pakea mĩ beruwẽ mĩ uinũ ẽ mia uĩmaii. Hakia ukeri pukebaini mĩ katirumaki”, akaya

Deuteronômio 4:1

Txipu Moisĩ hatu ana yuikĩ: —Matũ shenipabũ mekenika Senhor Deusũ mai pepa matu ibuwamashanai anu hari hikikĩ ibuwatã mã hanu hiweshũ txibãkĩ hawẽ yunuti inũ hawẽ nemati yusini natiã ẽ matu ana yusiaĩ nĩkatã hakimama aki hawẽ hiwekubaĩshãkãwẽ, txĩtuãmarã.

Deuteronômio 6:10

“Matũ mekenika Senhor Deusũ matũ shenipabu Abraão inũ Isaque inũ Jacó mai pakea yubani anu ma matu hikimai kaikiki. Mae ewapa hawẽrua sharabu anu dayakĩ mã beniama ini nawabũ ayamabu anu Senhor Deusũ matu ma ibuwamai kaikiki.

Hebreus 6:13

Hanushũ matũ shenipabu Abraão Deusũ yubakatsi ikĩ tsuã Deusũ kuxipa binua datã atiruma Deus ibubis datã ikĩ yubakakĩ

Hebreus 6:14

Abraão yuikĩ: “Txanima eã mia pawakĩ mĩ bababu itxapa mia washũkĩ ẽ mia duawakubaĩshanaii”, aka

Josué 1:6

Ha mĩ shenipabu hatu ibu wamakatsi ẽ hatu yubani anu minabu iyukĩ mai pakea tibi mĩ hatu ibuwamakĩ pashkashũshanaiwẽ taea kushipai hawa dateama txĩtũtaskayamashãwẽ.

Juízes 2:1

Josué mawaimakẽ Gilgal mae anua Israelĩ enabu bei Boquim mae anu ma itxa maniabu anu Senhor Deusũ nai tsuma kushipa tashnitã hatu yuikĩ: “Egito anua matũ ibubu hatu pashawabiranimashũ hatube yubakakĩ hatu yuikĩ: ‘Na eska ẽ matube yubakairã, ẽ matu henetaskama iki kaii’, iwanã,