Deuteronômio 1:1 - Kaxinawá Bíblia (BR)

¹ Mae betsa Sufe besuuri Hene Jordão ukeri bari huaikiri mae betsa betsapa Parã inũ, Tofel inũ, Labã inũ, Hazerote inũ, Di-Zaabe namakis tsua hanu hiweabumanu hawẽ kena Arabá anushũ hatũ tari hiwe pũtebaunabu anushũ Israelĩ enabu dasibibũ nĩkaibũ eska hãtxa Moisĩ hatu yuinikiaki.

Deuteronômio 1:1 Referencias Cruzadas

Gênesis 21:21

Parã mai pakea betsa hanu tsua hiweabumanu hawẽ ewabe hiweaya txipu hawẽ ewã Egito anuabu aĩbu iweshũ aĩyã wãkĩ aĩbu bimanikiaki, hawenabu kayabi bimakinã.

Habacuque 3:3

“Mikiri eska yui nũ kãtamiski: ‘Mae kesuakea Temã anua Deus ma huikiki. Mati Parã anua nukũ Deus meribi ma huikiki. Deus txashakapatũ nai hirabi txasha waya mai hirabi anushũ Deus kẽwaĩ hakiri kãtakubaĩmisbuki.

Números 11:35

Quibrote-Hataavá anua Israelĩ enabu ana maei bui Hazerote anu hikia hanu bashikua maniabũ

Números 12:16

ma Miriã shusha ana txĩtũkirãkẽ Hazerote anua Israelĩ enabu dasibi ana tashnibaini bukubaini hanu tsua hiweabuma anu hawẽ kena Parã anu hikishũ hatũ tari hiwe pũtebaunabũ

Números 13:26

Parã hanu tsua hiweabuma anu mae betsa hawẽ kena Cades anu Moisés inũ Arão inũ Israelĩ enabu dasibibu hanushũ hatu manai maniabu anu hatuki ana nukutã haska ha mai pakea anu uĩbaũshinabu dasibibuki txanikĩ bimi pepa hanua beshiãbu hatu uĩmabaũkĩ keyutã

Números 13:3

haska Senhor Deusũ Moisés yunushina keska huni kushipabu hatu katubaũshũ hanu tsua hiweabuma Parã anu ishũ Moisĩ hatu yunua Canaãkiri kai hikitã

Josué 3:16

hene dami hamebi pashkai niti iki detenamenikabũ mae kushipa Sartã dapi mae betsa Adã anu manãkiri txitei iã keskaya hanua hene maikiri netsubaini Ianẽwã Mar Salgadokiri bui netsui sha ibainaya Hene Jordão namakis Deus hatube yubakani hãtxa aruni bau ia niti ika mapuyuabũ bai mata netsui keyua mae Jericó besusi hene tashkanũ Israelĩ enabu hawaira kapukei pukebainaibũ

1 Samuel 25:1

hawẽ mae Ramá anu Samuel hiwea anibuhairatã mawakẽ Israelĩ enabu mirimahaira haki itxashũ kashãkĩ menetã hawẽ hiwe namaki mai waibũ hatũ mae tibi anu inũ buaibũ hanua Davi hanu tsua hiweabuma anu Parã anu kanikiaki.