Colosenses 4:3 - Kaxinawá Bíblia (BR)

³ Haska inũ, nukukiriri Deus nuku yukashũriakãwẽ, hau nukũ Shanẽ Ibũ nuku merabewaya hakiri hawẽ kakape Cristokiri Deusũ huneni shabakabi mae betsa betsapanu nũ hatu yusĩkĩ hatu unãmabaunũbunã, na haska hakiri ea nemakĩ bitxikĩ akawanibu ẽ niakirirã.

Kashinawa : Diosun Jesúswen taexun yuba bena yiniki

³ Jaska inun, nukukididi Dios nuku yukaxundiakanwen, jau nukun Xanen Ibun nuku medabewaya jakidi jawen kakape Cristokidi Diosun juneni xabakabi mae betsa betsapanu nun jatu yusinkin jatu unanmabaununbunan, na jaska jakidi ea nemakin bichikin akawanibu en niakididan.

Colosenses 4:3 Referencias Cruzadas

Mateus 13:11

nuku yuikĩ: —Maturã, haskai Deus shanẽ ibumiskiri Deusũ hawẽ pepa huneni shabakabi mã ẽ tsumabu matu yusĩkĩ unãmaikiki. Hakia haburã, ẽ hatu haska unãmamaki.

Hechos 14:27

keti itã mapekexinabũ hanushũri Jesus ikũwaĩbube itxashũ bukubauni haskatãxinabu inũ habu judeubumã hau habũri Jesus ikũwanũbũ natiã Deusũ hatu kenaya shabakabi haska hatu yusĩkubaũtãxinabu dasibi hatuki txanitã

Romanos 16:25

Nukũ Epa Deusũ matu abukĩ hawẽ kakape Jesus Cristokiri datã akĩ ẽ yusĩmis mã ikũwãriaibuwẽ taeshũ Epa Deusũ matu txĩtũmatiruma ha kẽwanãkãwẽ. Mai hirabi damiwariama na haskakiri Deusũ nuku mekei kai bari itxapa hunekĩ tsuabura yaneri unãmama ibiakũkaini

1 Coríntios 16:9

Éfeso anushũ Jesuskiri kakape yuii ẽ dayai itxapabũ ea nemai eki sinatabiaibũ Deusũ hãtxa betsabu ẽ yusĩkubainaya itxapabũri ea nĩkakanikiki.

1 Coríntios 4:1

Nukurã, nũ eska bestiki, nuku xinãkãwẽ. Cristõ daya ashuĩ nũ hawẽ merabewanika bestiki. Haskawẽ taeshũ nukũ xinã benawatã nuku yununiwẽ taeshũ Deusũ hawenabu matu wakatsis ikĩ hawẽ kakape yubakani hunekubirani ma shabakabi nuku matu yusĩmakubainikiki.

2 Coríntios 2:12

Ha inũ, Deusũ kakape Cristokiri datã akĩ yusĩkatsis iki Trôade mae ewapa anu ẽ hikiaya yura itxapabu Deusũ ea nĩkamaya tsuabũra ea nemamabiakẽ

Efésios 3:1

Jesusũ ea yunua mã judeubuma Jesus Cristokiri ẽ matu yusĩayã matuwẽ taeshũ ẽ hawamabiakẽ nenu ea nitxĩmashũ mekeyuabuki.

Efésios 3:3

Haskakẽ hawẽ xinã hunea Jesus Cristokiri ea shabakabi unãmani eskarabes ẽ dama matu keneshũshu

Efésios 3:4

uĩkĩ hawara Deusũ xinã hunea Cristokiri ẽ ikai xinaĩ: “Txanimaki”, mã itirubuki.

Efésios 3:9

Deus dasibi damiwanitũ hawẽ xinã meribi bari itxapa hunenitũ ẽ matu dasibi unãmanũ haska shabakabi wakatsis ikĩ Deusũ matu anu ea yununiki.

Efésios 4:1

Nenu eska ẽ bika tenei hiweyushũ meairã, nukũ Shanẽ Ibũ ea yununi ẽ akubainaiwẽ taeshũ ea atxitã ea mekeimashũ ea heneabumakẽ hau mã ikũwaĩbu Deusũ matu kenani hiwei pepai haskakĩ mã unãkubainũbũ ẽ matu yunuai xinaĩrakubaĩkãwẽ.

Filipenses 1:19

mã ea Deus dayashuniwẽ taea tsuki ẽ dakeamaki, hatũ ea mekeawẽ taearã. Haskakẽ tsuabũra berubi hawa hakiri dakeama natiã ẽ hiweawẽ inũ ẽ mawashũshanaiwẽ Cristo kuxipahaira ewẽ dasibibu ẽ hatu uĩmayukatsis ikaii. Haskawẽ taeshũ Jesus Cristõ Yushĩnĩ ea merabewakĩ ea kaĩmashanai xinaĩ ẽ benimakũkainaii.

Filipenses 1:7

Txanima eã ẽ matukiri pe xinaĩnã, matuwẽ nuikĩ ẽ matu abuhairaii. Maturi dasibi mã ewẽ nuiaya Deusũ matuwẽ ea duawaikiki. Natiã ea bitximabu keska nia shanẽ ibubu bebũ hawa hatũ yunutikiri ẽ hãtxaisma eska besti yui ẽ txakabuisma pekiri hãtxai Deusũ kakape Jesus Cristokiri hatu unãmakĩ hakiri shabakabi ẽ txanikũkainaya mã ea merabewai ebetã teneai keskakubaĩkanaii.

Colosenses 1:26

Na haska ẽ matu yuiairã, Deusũ hawẽ kakape Cristokiri bari itxapahaira huneni yura betsa betsapa bari betsatiã hiwekubiranibu hatu yusĩama hunenishũ natiã habu Cristowẽ Deusũ meribi hatu wairã, Deusunã, ma shabakabi nuku uĩmaikiki.

Colosenses 4:18

Na kene keyukinã, ẽ Paulõ emebi ẽ mekenẽ ẽ hãtxa matu bumakĩ ma ẽ keyuaii, hatũ ea keneshũmistũ akai mebĩtanã. Ea bitxikĩ akawashũ ea neshayamabu ekiri xinãkĩ heneama Deus ea yukashũkubaĩkãwẽ. Nukũ Epa Deusũ hau matu unãnuma hiwemakĩ pewakĩ duawapakekubainũwẽ. Hatiski, ẽ hãtxarã. Paulo

1 Tesalonicenses 5:25

Ẽ betsabu inũ ẽ puibuũ, hau nukuri merabewanũ nuku hakimama Deus nuku yukashũkubaĩkãwẽ.

2 Timóteo 1:16

Ea haska wabiaibũ nenu Roma anu ẽ bikai hiwebiakẽ nukũ haibu Onesíforõ Roma anu hikituxitã hawa huĩrukuãma ea betxinũ ika ea benatxakayamakĩ atimas ea betximaki. Ẽ mane dispi txiwetameyawẽ ẽ meneshekeaki dakeama hawẽtxaĩs ea merabewakĩ ea xinã txãkãwãbirãbiranimaki. Ea haska waimakẽ Deusũri hawenabuswẽ nuikĩ hau hatu merabewakubainũwẽ.

2 Timóteo 2:9

Jesus Cristokiri ẽ yusĩkubaũmiswẽ taeshũ ea itxakawabu tenekĩ ẽ meaii. Huni atimapa hawaki dateama txakabuwai betxitã amisbu keska wakĩ ea nemakĩ mane dispiwẽ ea meneshabu keska wariakĩ Deusũ hãtxa kakape yuikĩ ẽ datã amisrã, ha tsuã nemakĩ neshatirubumaki.

2 Timóteo 4:2

Eska ẽ mia xinãshunairã, Deusũ hãtxa hatu tapĩmakĩ hawa heneama bari tibi benuama akubaĩwẽ, hanu nĩkakatsis ikĩ nĩka pewaibutiã inũ hanu nĩkakatsi ismabia inũ hanu bika teneaibutianã. Haska wakĩ hatu ikũwãmakĩ hatũ txakabu hatu henemakĩ hatu benimawakĩ hatu yusĩ hĩ hĩ ikama akubaĩwẽ.

Filemom 1:22

Ha inũ, Deusbe hãtxakĩ mã ea yukashunaiwẽ taeshũ Deusũ hawawama hau hatu ea nitxĩmashanũ ikũwãkĩ ẽ manaii, dateamarã. Haska inũ, matu uĩ ka hanu ẽ iki kashanai anu ẽ ushati ea pewashũshãwẽ.