Colosenses 3:23 - Kaxinawá Bíblia (BR)

²³ Hawara daya tibi mã hatu ashuainã, txikixbetanã hatu ashũama nukũ Shanẽ Ibu mã duawai keska wakĩ hatu ashũkubaĩkãwẽ, yurabu hatu uĩmakĩ ashũamarã.

Kashinawa : Diosun Jesúswen taexun yuba bena yiniki

²³ Jawada daya tibi man jatu axuainan, chikishbetanan jatu axuanma nukun Xanen Ibu man duawai keska wakin jatu axunkubainkanwen, yudabu jatu uinmakin axuanmadan.

Colosenses 3:23 Referencias Cruzadas

Mateus 6:16

—Matu samakeirã, besu atimapatã iyamakubaĩkãwẽ, habu beparamei kẽmisbu samakei amua mapumisbu keskamarã. Habu beparamei kẽmisbu hatũ besu atimapa uĩkĩ ma samakeaibu hau ea unãnũbũ ika haska mapumisbuki. Txanima yurabũ uĩkĩ hatu kẽwaĩbu hawẽ besti hatũ manakuti bimisbuki.

Romanos 14:6

Ha inũ, haratura shaba betsa meribi watã hanu nukũ Shanẽ Ibu kẽwãkĩ Deus duawakatsis ikĩ hau hanu akubainũbũwẽ. Ha inũ, tsuabũra nami inũ hamapai piti betsa betsapa danãma pimisbũ Deus duawanũ, iwanã, hau kẽwãtã pikubainũbũwẽ. Ha inũ, tsuabũra yunu besti pimisbunã, Deus duawanũ, iwanã, kẽwãtã hau haskas piriakubainũbũwẽ.

Romanos 14:8

Hakia nukũ Shanẽ Ibuki ma nũ dasiarã, nũ ha hiweshunaii. Ha inũ, mawairã, nukũ Shanẽ Ibu duawakatsis iki nũ mawashanaii. Natiã nũ hiweyuabu inũ nũ mawashanaiburã, ma nukũ Shanẽ Ibuki nũ dasia nũ ma haskarã, nũ hawẽ yuraki.

Efésios 5:22

Beneyabuũ, matu yununũ nĩkakãwẽ. Nukũ Shanẽ Ibũ matu yunua nĩkashũ mã akai keska wakĩ matũ benẽ matu yunua habebis yununamei hẽ iyamama ashũkubaĩkãwẽ.

Colosenses 3:17

Hawara tibi mã akai inũ mã yuiairã, nukũ Shanẽ Ibũ haska abui keska hawẽ kuxipawẽ akubaĩkãwẽ, nukũ Epa Deus: “Peki”, akinã, mã Cristonabunã.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

1 Pedro 2:13

Nukũ Shanẽ Ibuwẽ taea na mai anu matũ shanẽ ibubu hatu nĩkakĩ txibãkubaĩkãwẽ, ha dukũ hatũ mai pakea shanẽ ibu betsa binuatũ yunu keyua

1 Pedro 2:15

Eska Deusũ matukiri abukĩ xinaĩkiki. Mã pe besti wai hatu uĩmakubaĩkãwẽ, habũ matu yuaĩbu inũ hãtxa unãmabia unaĩsmapai matukiri sinatai hãtxa txakabumisbu hau beshtekei ana matukiri hãtxayamanũbunã.