Colosenses 3:16 - Kaxinawá Bíblia (BR)

¹⁶ Matubunã, Cristõ kakape hiwetikiri itxapa mã ma tapianã, heneama akubaĩkãwẽ. Eskairã, hawẽ yusĩnanaĩnã, hawẽ unãnepakĩ betsabũ kaneaibu hatu ha akĩ pewakubaĩkinã, matũ huĩtĩ benimai xinã txãkãkĩ: “Peki”, ikĩ Deus kẽwaĩ Deuskiri nawati betsa betsapawẽ nawakubaĩkãwẽ.

Kashinawa : Diosun Jesúswen taexun yuba bena yiniki

¹⁶ Matubunan, Criston kakape jiwetikidi ichapa man ma tapianan, jeneama akubainkanwen. Eskaidan, jawen yusinanainan, jawen unanepakin betsabun kaneaibu jatu ja akin pewakubainkinan, matun juintin benimai shinan chankankin: “Peki”, ikin Dios kenwain Dioskidi nawati betsa betsapawen nawakubainkanwen.

Colosenses 3:16 Referencias Cruzadas

1 Reis 3:28

ha aĩbu dabe ha irabeaibu hatũ txakabu unãti watã Salomãonẽ hatu pewashina Israelĩ enabũ nĩkaibũ, hau Salomão unanepakĩ pe hatu yunukubaĩshanũ Deusũ haska inaĩma hatu pewakĩ unãkubainai dasibi Israelbũ unaĩ hawẽ datekĩ hawa txakabu hakiri yuiama ikubainibukiaki.

Salmos 32:7

Miarã, mĩ ẽ mishki kene hanu hunetiki, mese huai nemashũkĩ mĩ ea mekemisrã. Haskawẽ taea benima paẽ ea atxia ma mĩ ea binumawẽ taea hui kushipawẽ ẽ kãtamiski.

Provérbios 14:8

Huni pepa unanepatunã, haska pe hiwetiru bebũkiri unanepakĩ unãkubaĩmiski. Hakia unaĩsmapa pe hiwetiruma ibubis parananãmisbuki.

Provérbios 18:1

Tsuãra ibubis haska betxipaikĩ akatsis ikai hawenas besti shinaĩ huni betsã yusĩti hãtxa betxipaiama beshtekĩ danãkubaĩmisbuki.

Isaías 5:1

Ẽ haibu pepahaira ẽ hakiri kãtai ea nĩkakãwẽ, hawẽ uva bai betxipaimiskiri ẽ kãtashunairã. Ẽ haiburã, uva bai hayaki. Hawẽ bai anurã, mai pepahaira hayaki.

Mateus 26:30

habianuari Salmos Davĩ keneni betsa betsapa nukũ huiwẽ nawai menetã hanua ma Judasĩ nuku pashkabaĩkẽ Oliveiras Mati anu nuku iyushũ

Lucas 2:51

hanua kaĩmabaini hawẽ ibu dabebe Nazaré anu txĩtũbainima haria Jesus yumei nĩkanikai hawẽ ibubũ hãtxa tapĩkubainaya ibu Mariã huĩti merãs Jesus haskai hakimama xinãshũkubainaya

João 15:7

Hanua maturã, ebe ketashameshũ ẽ hãtxa xinãkĩ unãhairai hakimama txibãkubaĩkĩ hawara bikatsis ikĩ mã Deus yuka matu ashũshanikiki.

Romanos 10:17

Haskakiri Deusũ hãtxa yusĩmisbũ Jesus Cristokiri kakape yusĩkubainaibu besti hãtxa pepa hawẽrua nĩka pewatã yurabũ Cristo txibãkĩ ikũwãtirubuki, hatũ hãtxawenã.

Romanos 15:14

Ẽ betsabu inũ ẽ puibuũ, yura betsabuwẽ nuikĩ mã hatu merabewamis inũ, Deusũ yusĩa mã unãhairai inũ, matubetã ikũwaĩ betsabube mã pe yusĩnanãmis ẽ hawa txakabu matukiri yuitiruma ẽ unaiĩ.

1 Coríntios 14:15

Haskakenã, haskashãpa? Ẽ daka eskati. Deus kẽwãkĩ ẽ yushĩwẽ inũ ẽ xinãnẽri ẽ akaii. Haska inũ, Deus kẽwaĩ nawai ẽ yushĩwẽ inũ ẽ xinãnẽri ẽ iriaii.

1 Coríntios 14:26

Ẽ betsabu inũ ẽ puibuũ, haska mã ikũwaĩbu itxatã hawara Deusũ matu amai merabenaĩ kuxipai mã eskakubainũbũ matu yuinũ nĩkakãwẽ. Deusũ matu tibi unãnepa waya huni betsã Deus kẽwãkatsi ikirã, nawakãwẽ. Ha inũ, huni betsãri yusĩkatsi ikinã, yusĩtirubuki. Betsari Deusũ hawara dama unãmashu txanikatsi ikirã, txanitiruki. Betsari hatũ hãtxamawẽ hãtxakatsis ikirã, hau hawẽ hãtxamawẽ hãtxanũwẽ. Betsã ha hãtxa yuiaya shabakabi hawẽ hãtxa maewashũkĩ yuishũkatsis ikairã, hau hatu maewashuni hãtxanũwẽ. Habu tibi hãtxakeakekĩ unãshubira ikũwaĩbu merabenaĩ mã kuxipanamekubaĩtirubuki.

Efésios 1:17

Haska inũ, nukũ Shanẽ Ibu Jesus Cristõ Epa Deus nũ kẽwãmis ẽ matu yukashũmiski, hau hawẽ Yushĩnĩ ana matu nĩkamakĩ unãnepawakĩ matu merãshũ hau txanima kayabi Deus matu unãhairamanunã.

Efésios 5:17

Haska inũ, ana hawarawẽ unaĩsmapama hawara nukũ Shanẽ Ibũ matu amakatsis ikai nĩka pewatã haska xinaĩkiri tapĩrikãwẽ.

Efésios 5:19

Eska tibi bestiwẽ yuikĩ kẽwãkubaĩkãwẽ. Mã hatubetã ikũwaĩbube Deuskiri nawati tibiwẽ nukũ Shanẽ Ibu kẽwaĩ huĩti hirabiwẽ benimawakubaĩkãwẽ.

Efésios 5:26

Cristõ nuku haska wakatsi ikĩ nũ hawẽ ikũwaĩbu nuku mawashũkĩ hawena meribi txakabuma nũ shũpinũbũ hawẽ kakape nũ ikũwaĩwẽ taeshũ nuku naximamisbuki.

Colosenses 1:28

Haska Cristokiri matuki txanikĩ matu yusĩkĩ nema pewakĩ dasibi matu unãnepa wakĩ haska Cristo bebũ mã pepa mapushanũbũ nũ matu yusĩmiski.

Colosenses 1:9

Haskawẽ taea mã abunameaikiri nĩkatã Deusbe hãtxakĩ nũ matu yukakĩ heneshuĩsmaki, Deusũ hau hawẽ xinã shabakabi matu unãmakĩ haskai unãnepati tibi inũ nĩkati xara matu wamakĩ hawẽ Yushĩ Pepatũ hau matu inãmakĩ unãmakubainunã.

Colosenses 4:6

Haska inũ, hatube hãtxai hãtxa duapa inũ hãtxa pepa bestiwẽ hãtxakãwẽ, haska yura tibibũ bika teneaibu hatu merabewakĩ hatu kemai hãtxai peirã.

1 Tesalonicenses 1:8

Matũ dukũ ikũwãkĩ nukũ Shanẽ Ibũ kaka pepa mã txibãkĩ hatu uĩmaya Macedônia inũ Acaia besti anuama hakia matũmebiri Deusũ hãtxa ma tapĩtã matũri mã hatu yusĩayã paai mae betsa betsapa anuabũ mã haska ikũwaĩbu habũ matu nĩkakĩ keyubaunaibũ nũ ana hawa hatuki txanitirumaki, mã ma hatu amayarã.

1 Tesalonicenses 4:18

Haskawẽ taea na yusĩa hãtxa nĩkai ana hawa dateama xinã txãkaĩ hatube benimanamerikubaĩkãwẽ.

2 Tesalonicenses 3:15

Hakia hatuki sinatama mĩ betsabube mĩ ikai keskakĩ hatu hãtxa txakabuwama hatu yusĩkĩ nema bestikubaĩkãwẽ.

1 Timóteo 6:17

Tsuãra ikũwaĩ hawẽ pei inũ hawẽ mabu itxapa hayabũ xinaĩ: “Natiã ẽ mabu ẽ hayawẽ ẽ hawẽ hiwei peaki”, ikĩ hau ana haskakiri xinaĩ hawẽ kẽyamanũbũ hatu yuiwe. Ha haskakiri xinãmisburã, hatũ mabu txapumiswẽ hatu mestẽwãtã hiwematirumaki. Haskakẽ uatiã imisbu haska xinãma hakia natianã, Deusũ nuku benimawakĩ hatũ hamapai betsa betsapa yauxiama nuku inãkubaĩmis haska besti bi hau hiwekubainũbũwẽ.

2 Timóteo 3:15

Mĩ bakeixta Deusũ hãtxa pepa meribi mia yusĩkĩ mia tapĩmakĩ hawẽ besti pashati Jesus Cristokiri mia unãmabu nĩkakĩ mĩ ikũwãnirã, xinaĩrawe.

Tito 3:6

Nukũ mekenã Jesus Cristõ hawẽ pepa hawa yauxiama hawẽ Yushĩ Pepatũ kuxipa nukuki dasiwaniki.

Santiago 1:5

Tsuara hatiri mã unãnepariamarã, Deus yukakubaĩkãwẽ. Hawẽ unãneparã, hatũ matu inaĩkiki, hawa yauxiamarã. Mã haska Deuskiri xinãkĩ dasibi hawara akatsis ikai matu ashũtiru hayaki, hawẽ unãnepa keyutiruma haya inũ hatũ hawa matukiri txakabu xinãkĩ metuismarã.

Santiago 3:17

Hakia haska Deus anua huai haya hawẽ unãnepakĩ akirã, mã eskatirubuki. Matũ yura mã shanẽ ibubia matũ xinãwẽ shanẽ ibukiri xinãma hatu binukatsi ikama pe besti ikũkaini shabakabi mã hatu uĩmatirubuki. Ha dikabi duapai inũ, hatuwẽ nuikĩ betsabu hãtxai nemama nĩkamis inũ, daewanika inũ, betsabuwẽ nui merabenã bestimis inũ, beparameama dasibi hatu merabewamis inũ, txanima yui kayabimis inũ, yurabu paraĩsma inũ, Deus txibaĩ txĩtuãma inũ, pepas besti katui unãnepabu mã hiwetirubuki.

Santiago 5:13

Tsuabũra mã hamapai bika betsa betsapa meairã, Deusbe hãtxakĩ hawẽ kuxipa yukakubaĩkãwẽ. Ha inũ, tsuabura huĩti benimai xinã txãkãkĩ Deus kẽwaĩ hau hatũ huiwẽ nawakubainũbũwẽ.

1 João 2:14

Ẽ bake keskabuũ, mã ma Deus unãyanã, ẽ matu keneshunaii. Ha dikabi hawẽ bake habe hiwekũkaini mã ma ikũwãkĩ unaĩwẽ taeshũ ẽ matu kene bumaii. Berunãbu inũ txipaxbuũ, huĩtinĩ mestẽtã mã ma Deusũ hãtxa nĩkatã txĩtuãma txibãkĩ hawẽ Satanás mã ma maemawẽ taeshũ ẽ matu kene bumaii.

1 João 2:24

Haskakẽ matunã, Deusũ hãtxa mã nĩka taewanirã, matũ huĩti merã ha kaka pepa mã mekea matuki ma dasia hanu hawẽ bake inũ hawẽ Epabe mã ma hatuki dasia hiwekũkaĩriashanaii.

1 João 2:27

Hakia txanima Deusũ Yushĩ Pepa Jesus Cristõ matu inãkĩ ma matu meribi wani hatũ besti hawẽ yusĩa txanima hawa matu parãma yusĩkĩ matu merabewakubainaya ha parananãmisbũ hatũ hãtxawẽ matu yusĩtirubu hayamaki. Haskawẽ taea mã ma Jesus Cristoki dasiaburã, haska Deusũ Yushĩ Pepatũ besti matu yusĩaĩ betsa wakĩ heneyamakubaĩkãwẽ.

2 João 1:2

Eskawẽ nũ matu abuairã, ha hãtxa txanima nũ hayatũ haska ha txanimatũ nukũ huĩti merã nũ mekea hatũ nuku xinãmakĩ nuku yuimapakeikiki.

Apocalipse 14:3

nawati bena nawaibu ẽ nĩkashuki. Deus shanẽ ibu haki tsauti besuuri inũ ha hiweabu dabe inũ dabebũ besuuri inũ, ha 24 mekenikabũ besuuri hawẽ nawati benawẽ ha 144.000 habu ha yurabu anua katukĩ Deusũ hawenabu hatu wani nawaibu uĩkĩ ẽ nĩkashurã, habũ besti ha nawati bena unãkanikiki, tsua betsã ha tapĩtirubumarã.

Apocalipse 15:3

Habu nawakĩ Deusũ tsuma Moisés inũ Jesus txashuwã bake ha dabetã nawatiwẽ Deus kẽwãkĩ nawakĩ yuikĩ: “Dasibi hamapai dami ewapa tibi akĩ mĩ hatu e imati anirã, mĩ mia bestiki, Yavé Deus kuxipa dasibi binu keyuarã, mai hirabi yurabũ mĩ Shanẽ Iburã. Tsua parãma mĩ xinã kayatapiawẽ txanima mĩ nuku pe mekekubaĩmiski.

Apocalipse 19:10

kẽwãnũ ika hawẽ tae namã ẽ dãti itanaya ea nemakĩ yuikĩ: “Eki haskayamawe. Mia inũ Deusunabu betsabũ Jesus Cristo txibãkĩ hawẽ hãtxa yusĩmisbu keska eãri Deusũ hãtxa bunika ẽ hawẽ tsumariki. Haskakẽ ea kẽwãma Deus besti kẽwãwẽ”, ea washuki. Haskarã, tsuabura Jesuskiri kakape Yushĩ Pepatũ shabakabi hatu xinãmaya habu yusĩnãbu hakiri txanikĩ banabimabaũmisbuki.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ