Colosenses 1:27 - Kaxinawá Bíblia (BR)

²⁷ Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

Kashinawa : Diosun Jesúswen taexun yuba bena yiniki

²⁷ Tsuabuda man judiobuma Diosun jawen shinan duapa jaska bebunkidi Cristokidi yubakabiatan juneni ja xabakabi wakin matu unanmakatsis ikikiki, jau mai jidabi anuabun matundi man unanunbun jaska ja jawen shinan dasibikidi junenidan, jadan, Criston aniki. Jaska matundi man Cristo ikunwainwen taea man judiobumabia Cristo ma matuki dasiaki. Jaska inun, nai anu Diosun mae pepajaida anu Dios inun Cristobe matudi man jiwexanaii, man jaskakidi shinankin manakaibudan.

Colosenses 1:27 Referencias Cruzadas

Mateus 13:11

nuku yuikĩ: —Maturã, haskai Deus shanẽ ibumiskiri Deusũ hawẽ pepa huneni shabakabi mã ẽ tsumabu matu yusĩkĩ unãmaikiki. Hakia haburã, ẽ hatu haska unãmamaki.

Lucas 17:21

Ha inũ, tsuãra yuikĩ: “Uĩwẽ. Deus shanẽ ibui naki”, ikasmai: “Uĩwẽ. Unuki”, ikĩ yuiama ishãkanikiki. Ikũ ẽ matu yuiaii. Deus shanẽ ibuirã, ikis matube dasia niaki, taeirã— hatu watã

João 14:17

Merabenã Benarã, hawẽ Yushĩ Txanima Unãmanikaki. Mai anu yurabũ hawa unãbumã inũ uĩabumã Merabenã Bena ikũwãkĩ haibuwatirubumaki. Hakia natiã matu dapi hiwea txipu matube uke merã hiweshanaiwẽ taeshũ Deusũ Yushĩ Txanima Unãmanika mã ma unaiĩ.

João 14:20

Ha shabatiã haskakaĩ ẽ Epaki ẽ dasia mã unãyã hanua matuki ana nukui ẽ matuki dasiriatã ẽ matube nipakeshanai mã unãshanaii.

João 14:23

Jesusũ kemakĩ: —Tsuabũra ea abukinã, ẽ yusĩa hãtxa txibãkanikiki. Ẽ Epã hatu abuaya ea inũ ẽ Epa hua nũ hatuwẽ hiweshanaii.

João 17:26

Haska inũ, mikiri mĩ kuxipa binu keyua ẽ hatu unãmapakeaiwẽ taeshũ ana mikiri ẽ hatu unãmakĩ heneyamashanũ mĩ ea abumis keskai hau haburi abunamei heneama ishanũbũwẽ, nuikipairã. Haska hayabuwẽ taea ea ẽ hatu anua kaĩkainama ishanaii— itã

João 6:56

Tsuabũra ẽ nami pi inũ ẽ himi akirã, ebe hiweaibũ eari hatube dasitã ẽ hiwekũkaĩshanaii.

Romanos 11:33

Haskakẽ nukũ Epa Deusrã, hawa yupaismaki. Dasibi nĩkai inũ xinaĩ unãnepahairaki. Ha inũ, haska wakatsis ikĩ Deusũ xinãkĩ hamapai akubaĩmisrã, hawẽ akarã, nũ haska washũ tapĩtirumahairaki.

Romanos 2:4

Hakia Deus pepahaira mã danãbiaya matũ txakabu tanabiakubaĩkĩ hau ana ha xinãma Deusũ buanũ tsuabura hakiri kakĩ xinã betsa watã mã yukashanũbũ matu xinaĩ matuwẽ nuikĩ hatiãra mã hakiri yukashanai hĩ hĩ ikama Deusũ manakubainikiki.

Romanos 5:2

Hanua haskawẽ nũ benimaiburã, txĩtuãma Jesus Cristo ikũwaĩ Deusbe haibunamei nũ hiweabuki, ikisrã. Ha inũ, na habiatiã bestima hakia betsatiãri Deusbe hiwei hawẽ kuxipaki nukutã nũ hawẽruashanaii, ikibi ikirã.

Romanos 8:10

Hakia Cristo matube dasikenã, Yushĩ Pepa matube hiweaki. Txakabũ benukĩ nuku tenãtirubiakẽ ha Cristowẽ Deus nukuwẽ nuikĩ nuku pewaniki, hawenawakinã.

Romanos 9:23

Habiatiãri bebũkiri Deusũ nuku duawakatsis ikĩ hawẽ kuxipa nuku uĩmanũ ishũ nuku tibi nuku katukĩ xinãmisrã, nũ ma hawenabu nuku unãmaikiki.

1 Coríntios 3:16

Haskawẽ taeshunã, matunã, mã unãmamẽ? Mã ikũwaĩbu Deus matubekẽ mã hawẽ hiwe keskawẽ taea Deusũ Yushĩ Pepa matuki dasia hiweaki.

2 Coríntios 2:14

Hakia Cristoki nũ dasia nũ hawenabukẽ hamapai bika Deusũ nuku habetã binumakubaĩmiski. Ha inũ, nukuwẽ hawẽ kakape yurabu Cristokiri mae tibi anua yusĩmakĩ nuku hatu unãmamiski. Nukuburã, nũ nis hawẽrua keskabuki. Haskawẽ taeshũ Epa Deus kẽwanãkãwẽ.

2 Coríntios 6:16

Hanushũ Deus kẽwãti Templorã, hanushũ yushĩ dami betsa ha merãshũ kẽwãtirubumaki. Nukũ yurarã, hanushũ Deus hiwea kẽwãti Templo keskaki. Haska Deusũ hamebi ibubiskiri yuini nĩkakãwẽ: “Habu anu hiwei hatube nikũkaini ea ẽ hatũ mekenika Deus ikaya, haburã, enabu ishãkanikiki”,

Gálatas 2:20

Natiã na ẽ yurawẽ ẽ hiweyuairã, Deusũ bakẽ ea abui ewẽ taea mawanishũ ea xinã betsa wamani ha ikũwaĩ ẽ hiweyuaii. Haskawẽ taea earã, ẽ ana emebi yunui ẽ hiweamaki. Hakia Cristo bestitũ ea yunui ewẽ hiweyuikiki.

Gálatas 4:19

Ẽ bake keskabuũ, haskakĩ mã ana ea bika tenemai? Cristo matu ikũwãmakĩ ẽ matu merabewaya mã ea ani keska wakĩ mã ana ea bika tenemaii, aĩbu bake kaĩ isĩ tenemis keska ea wakinã.

Efésios 1:7

Haskakẽ Jesus mawakĩ hawẽ himi habaniwẽ taeshũ Deus nuku daewashũkĩ nukũ txakabu ana xinãma buaniki, hawẽ xinã duapa nũ haya tsuã beshtetiruma hawẽ taeshũ nuku mekekinã.

Efésios 2:22

Ha dikabi maturã, Deusũ Yushĩ Pepa mã haya Cristoki dasiarã, mã hawẽ kẽwãti Templo keska Deus matube hiweikiki.

Filipenses 4:19

Mã ea merabewakĩ ea hawa yupawaismakenã, ẽ Epa Deus pepahairatũ matu manakukĩ matũ hamapai tibi matu inãkubainikiki, hawẽ bake Jesus Cristowẽ taeshũ matu duahairawakinã.

Colosenses 1:5

Mã haskairã, Jesus Cristokiri kakape txanima nĩkatã benimakĩ matũ hiwea nai anu Deus anu mã haya mã manakaibu nũ matu unaiĩ.

Colosenses 2:3

Eskaki, matu yuinũ xinaĩrakãwẽ. Hawẽ unãnepati pepa inũ hawẽ tapĩti dasibirã, Cristo anu hayaki, haska Deusũ hakiri hunenirã.

Colosenses 3:11

Mã ma haskarã, tsuabũra Cristo ikũwaĩbu hawenabukiri eska xinaĩ mã hãtxatirubumaki, Gregonawaburã, judeuburã, habũ judeubũ beya txibãkĩ habũ hina kubitxi meshtemisburã, habũ judeubũ beya txibaĩsbumarã, nawa shukuabu tibirã, pubẽburã, habũ habu dayashũmisburã, tsuã tsumamarã. Nũ haska betsa betsapabubia haska xinaĩ hatukiri hãtxayamakubainãkãwẽ. Cristorã, dasibikirã, dasibibũ shanẽ ibui keyuaki.

1 Timóteo 1:1

Ea ẽ Paulorã, Deus nukũ mekenika inũ Jesus Cristo hawẽ yubakaniwẽ nũ hiweshanai nũ manaitũ Jesus Cristõ kuxipaya ea washũ ea yununibuki.

Hebreus 6:19

Na haska ikũwãkĩ nũ manakaiburã, nukũ yushĩ nũ ma mestẽwãbuki, hawẽ shashu tsumakĩ mai betãti shãkama putakĩ mestẽwãkĩ mai pus amamisbu keska wakinã. Nukũ xinã haska mestẽwãwẽ taea Jesusũ ma nuku pewashuni anu hawa dateama nukũ Deus meribi anu nũ kematiruki.

1 João 4:4

Ẽ bake keskabuũ, mã Deusunaburã, hawẽ Yushĩ Pepa kuxipa mã hayawẽ taeshũ Satanásã hatu merabewabiamiskẽ ha parananaĩbu mã hatu binu keyuaki. Satanás kuxipabiakẽ Deusũ Yushĩ Pepa kuxipahairatũ ma binuaki, matu merabewakinã.

Apocalipse 3:20

Uĩa. Matu tibi haibuwakatsis ikĩ matũ beputi keska matũ huĩti anushũ eã ẽ matu kenakĩ akawaii. Tsuãra ẽ hui nĩkatã ebe haibunamekatsis ikĩ beputi keska matũ huĩti mã ea bepẽshuna matũ hiwe anu hikitã ẽ matubetã pikatsis ikaii.