Apocalipse 3:5 - Kaxinawá Bíblia (BR)

⁵ Tsuabũra ea danãma habũ maemakĩ binumisburã, tari hushupa saweshãkanikiki. Ha dikabi hatũ kena Deusũ hiwemati una anua ẽ tere akama ishanaii. Hanushũ ẽ Epa inũ hawẽ nai tsumabu bebũ hatu nitxĩtã ẽ habu hatu unãmashanaii.

Kashinawa : Diosun Jesúswen taexun yuba bena yiniki

⁵ Tsuabunda ea dananma jabun maemakin binumisbudan, tadi juxupa sawexankanikiki. Ja dikabi jatun kena Diosun jiwemati una anua en tede akama ixanaii. Januxun en Epa inun jawen nai tsumabu bebun jatu nichintan en jabu jatu unanmaxanaii.

Apocalipse 3:5 Referencias Cruzadas

Salmos 69:28

Habu hiweabu hatũ kena mĩ hatu kenemis ha una meranua tere awe! Huni pepabu mĩ hatu tanakĩ kenemis anu ha huni txakabũ kena kenekĩ netãyamawe!

Malaquias 3:17

Haskawẽ taeshũ Senhor Deus kushipahaira dasibi binu keyuatũ matu banabimakĩ yuikĩ: “Israelĩ enabu hau ea anu ana txĩtũshanũbũ shaba betsa ẽ hatu pewashũkubainaii. Huni betsa hawẽ huni bakẽ hawẽ epa dayai merabewakubainai hawẽ epa hawẽ nuimis keskai eari enabuwẽ ẽ ana nuishanaii, matũ txakabu ana shinãmarã.

Mateus 10:32

ana nuku yuikĩ: —Tsuabũra ea ikũwaĩ dakeama ea datã akĩ yurabu hatu yuikĩ: “Ẽ Jesusunaki”, iki eki hãtxakubaĩmisbu ẽ Epa Deus nai anuabe hãtxakĩ: “Harã, enabuki”, akĩ ẽ hatu yuishũshanaii.

Lucas 10:20

Haska mã waxina peki. Haskabia yushĩ mã kaĩmaxinawẽ besti benimayamakãwẽ. Hakia nai anu Deusbe mã hiweshanaibu Deusũ matũ kena tibi ma keneniwẽ taea haska bestiwẽ benimakubaĩkãwẽ— hatu waya

Lucas 12:8

ana hatu yusĩkĩ: —Tsuabũra ea ikũwaĩ dakeama ea datã akĩ yurabu hatu yuikĩ: “Ẽ Jesusunaki”, ikubaĩmisbu eãri Deusũ nai tsumabu bebũ nishũ mekekĩ: “Narã, enabuki”, akĩ ẽ hatu yuishũshanaii.

Filipenses 4:3

Haska inũ, miarã, mĩ txĩtuĩsmawẽ taeshũ mia yununũ nĩkawe. Nukũ pui dabe Evódia inũ Síntique ea hatu merabewashũshãwẽ, hau daenamenũbunã. Clemente inũ merabenanika betsabu ha aĩbu dabebetã Cristokiri kakape ẽ yusĩayã habũ ea putama ea merabewai bika teneriakubainibuki, haburã, hatũ kena tibi ha hiwekuĩti unaki ma hatũ kena Deusũ hatu kenekĩ netãnikirã.

Judas 1:24

Nukũ Epa Deus ha besti nukũ merabenã yushĩ dasibi kuxipa hayatũ matu kuxipa wakĩ matũ xinã txakabũ ana matu kanematiru nemashũkubainaya hawẽ bake shanẽ ibuhaira huaya yura dasibibu unãkĩ hatu kupiaitiã maturi ha bebũ hawa txakabu mã hayama hawẽ besuuri matu nitxĩtã benima pae matu inãyã mã benimahairashanaii. Haskakẽ nukũ Shanẽ Ibu Jesus Cristowẽ taeshũ Epa Deus duapa pepa inũ, hatũ besti kuxipa binu keyua inũ, yunuti kuxipa pae hayahaira iki taeni inũ natiã haya inũ ipashanai haya kẽwãkubainãkãwẽ, heneamarã. Haskakirã. Hatiki, ẽ hãtxarã. Judas

Apocalipse 13:8

ha yuinaka mese atimapa kẽwãkinã, habu mai hirabi anu hiweabu tsuabura bebũkiri Deusũ mai dami wariama habũ kena txashuwã bake nuku mawashuni kaitũ unaki keneama ini habũ besti duawakĩ kẽwãshãkanikiki.

Apocalipse 17:8

Yuinaka mese atimapahaira mĩ uĩshurã, bebũkiri hiwebiani natiã ana hiwea hayamabia haskabia ana hawẽ henei Deus kupimakĩ keyumayui kini keyatapa shãkĩhaira anua mapekei tashnia Deusũ yamawashanikiki. Haskakiranai mai damiwaitiã tsuabura Deusbe hiwekuĩshanaibu unaki Deusũ habũ kena netãma ini yuinaka mese atimapahaira mawabiani ana ũ unuatiã hiwea mapekea habũ uĩkĩ yui: ‘Habaa! Hawamẽ?’ ishãkanikiki.

Apocalipse 19:8

Tima tari hushupa txashakapa pehaira ha Deusunabu meribi habũ hatũ xinãwẽ kaneama txibã pewamisbũ hau sawenũbũ, iwanã, hatũ hiwea meribi unãmati ha tari ma hatu inã saweabuki”, ikaibu ẽ nĩkashuki.

Apocalipse 2:11

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, ana haria dabeki mawakĩ txi here meama ishãkanikiki’”, ea washu ẽ matu keneshunaii.

Apocalipse 2:7

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, mae pepa naiuri hanu Deus hiwea anua hawẽ benimai hiweti hi bimi ẽ matu pimashanaii, niti ikamarã’, ikĩ”, ea washu ẽ matu keneshunaii.

Apocalipse 20:12

hanua dasibi shanẽ ibubu inũ shanẽ ibubuma mawanibu ana bestẽtã Shanẽ Ibũ besuuri mapuabũ hawara betsa betsapa akubainibu Deusũ haki kenemis una itxapa bepẽtã hanua una betsa tsuabũra Deus txibãkĩ Jesus ikũwaĩ niti ikama Deusbe hiwekuĩshanaibu habũ kena Deusũ haki keneriakubaĩmis una betsa hawẽ hiwemati kene bepẽriashũ ha habu hiweshũ haska wamisbu hatukiri ha unaki kenekubaĩmisshũ dasibi mawanibu ana bestẽa mapuabu habis hatu yuikĩ hatu unãti wakeakeaya

Apocalipse 20:15

tsuabũra Deus txibãkĩ Jesus ikũwãbuma habũ kena Deusũ haki kenemis una anu habũ kena hayama ha iã hanu menui here hi hi ikai anu ma hatu puta keyuabuki.

Apocalipse 21:27

Haskabiakẽ tsuabura atimapamisbu inũ, hawara Deusũ danãmis amisbu inũ, habu txani txakamisbu habu hari hikitaskama ishãkanikiki. Hakia hamẽ habu hikirã, tsuabũra kena txashuwã bakẽ hiwe kuĩa una merã Deusũ netãni habu besti Deusũ mae bena anu hikishãkanikiki.

Apocalipse 22:19

Ha inũ, tsuabũra na hãtxa Deusũ ea yuishu ẽ una washukia ha unakia hãtxa betsa tere akaibuwẽ taeshũ Deusũ hawẽ benimai hiweti hi bimi haki tanabiayama hatu mebĩtã hawẽ mae pepa anu na unaki ea kenemashu keska wakĩ Deusũ hatu hikimama ishanikiki.

Apocalipse 3:12

Tsuabũra ea danãma habũ maemakĩ binumisburã, hanu ẽ Epa Deusũ hiwe anu hawẽ txibu betsa keska tsuã betsetiruma keska ẽ matu washanaii. Hanua mã hani ana kaĩbaĩnama inũbariaii. Haska inũ, ẽ Epa Deusũ kena matuki kenekĩ netãkĩ hawẽ mae Jerusalém Bena ha mae nai anua butushanai hawẽri matuki kenekĩ netãkĩ ẽ kena benari ẽ matuki netãshanaii.

Apocalipse 3:4

Habiaskabiakẽ hatiri Sardes anuabũ hawa txakabuwakĩ mã kaneisbumaki, matũ tari detsis keska wamarã. Haburã, ebetã tari hushupa sawea ebe mapushãkanikiki, haska habu pepakĩ binumisburã.

Apocalipse 6:11

yushĩ datãbu Deusũ hatu yuikĩ: “Maturã, huĩrukũyukãwẽ. Ikismaki. Ẽ tsumabu betsa matu keska ea dayashũmis haburi hau tenãyunũbũwẽ. Habũ matu tenãmis keskariwakĩ ẽ hatu kupishanai manayukãwẽ”, itã habu tibi pepawẽ kupikĩ tari hushupa txaipa hatu inãkĩ sawemakĩ keyuaya

1 Samuel 17:25

yuinameakeakekĩ: —Ha huni keyatapa tashnikiranairã, mã uiaĩ? Hau habe nũ detenamenũ nuku kashe wakĩ nuku bika waikiki. Tsuãra maemakĩ tenãkẽ nukũ shanẽ ibuhairatũ mabu itxapa inãkĩ hawẽ aĩbu bake aĩwãmatã txipu hawenabus imposto pei ana yukama ikũkaĩshanikiaki— ikea iakeabu