Apocalipse 22:6 - Kaxinawá Bíblia (BR)

⁶ Hanushũ nai tsumã ea ana yuikĩ: “Txanima hãtxa ẽ mia yuiai nĩkawe. Nukũ Shanẽ Ibu Deusũ hawẽ hãtxa yuishunikabu hawẽ hãtxa hatu yunumistũ haskarara samama ishanai hau hawẽ tsumabũ yusĩshanũ, iwanã, ẽ hawẽ nai tsuma hawẽ hãtxa eari yunushuki, ẽ mia tapĩmanunã. Deusũ txanima hãtxa tibi yubakatã ashanai ẽ mia uĩmashu ẽ mia yuiai nĩkatã ikũwãriwe”, ea waya

Kashinawa : Diosun Jesúswen taexun yuba bena yiniki

⁶ Januxun nai tsuman ea ana yuikin: “Chanima jancha en mia yuiai ninkawe. Nukun Xanen Ibu Diosun jawen jancha yuixunikabu jawen jancha jatu yunumistun jaskadada samama ixanai jau jawen tsumabun yusinxanun, iwanan, en jawen nai tsuma jawen jancha eadi yunuxuki, en mia tapinmanunan. Diosun chanima jancha tibi yubakatan axanai en mia uinmaxu en mia yuiai ninkatan ikunwandiwe”, ea waya

Apocalipse 22:6 Referencias Cruzadas

Gênesis 41:32

Hanushũ Deus kushipahaira dasibi binuatũ haska wakatsis ikĩ mia uĩmashina samama taewashanaiwẽ taea mia dabeki namapã uĩmashinaki. Uĩrawe.

Daniel 3:28

habiatiãri hawaira Nabucodonosorĩ hatu yuikĩ: —Sadraque inũ, Mesaque inũ, Abede-Nego hatũ mekenika yushĩ Deus dasibibũ hau kẽwãkubaĩshanũbũwẽ! Habu mawaki dateama hatũ mekenika Deus ikũwaĩ hawara yushĩ betsa bebũ dãti ishũ kẽwaĩsbuma inũ ea ẽ shanẽ ibũ yunuti hãtxa hawa akabumawẽ taeshũ txiwẽ nũ hatu kupiaya hatũ mekenika Deusũ hawẽ nai tsuma yunukĩ hawẽ dayarubu txanima txi nemashũkĩ hatu merabewashuki.

Daniel 6:22

Hawẽ nai tsuma ẽ mekenika Deusũ yunua hau ea txakabuwayamanũbũ leão pubẽbu hatu nemakĩ hatũ kesha bepua ea hawa meama ishiãbuki. Kanekĩ mikiri ẽ hawa txakabuwama ishiã Deusũ unaĩkiki— aka

Lucas 1:70

Nukũ shenipabu hatu yubai hakiri habias mĩ hãtxa yuĩshunika meribi tibi mĩ hatu hãtxamapaunirã,

Lucas 16:16

Jesusũ hatu yuikubaĩkĩ: —Hamẽ Naximanika João huriama matũ itxati hiwe tibi anushũ Moisés yusĩni inũ Deusũ hãtxa yuishunikabũ yusĩpauni yusĩkubaĩkĩ Joãoki tekiwanibuki. Hanushũ Joãonẽ kaka pepa Deus shanẽ ibushanaikiri txaniaya itxapabũ abuhairai hanu hikinũ ika nashukunibukiaki.

Hechos 12:11

hanushũ Pedrõ xinã kayatiwakĩ unãtã: —Herodes inũ judeu shanẽ ibubũ dasibi ea haska wakatsi ikaibu nemanũ, iwanã, txanima ẽ Shanẽ Ibũ hawẽ nai tsuma yunua hushũ ea tashnimashu xinãkĩ ẽ unaiĩ— itã,

Hechos 3:18

Ha mã haska waimakirirã, bebũkiri Deusũ hawẽ hãtxa yuishunika dasibibu hakiri txanikĩ nukunabu yuikĩ: “Hawẽ Messiasrã, nuitapatã mawashanikiki”, anirã, haska yuini keska wakĩ Deusũ ma hatu menemaimaki.

Romanos 1:2

Bebũkirihaira ha dukũ Deusũ hãtxa meribi kenenibu anu hawẽ bakewẽ yubakanikiri hawẽ hãtxa yuishunikabu Deusũ hatu kenemani nũ unaiĩ.

1 Coríntios 14:32

Mã itxatã kẽwaĩbu Deus unãnuma hiweatũ matu itimaska wakĩ husimakatsi ikamawẽ taea mã Deusũ hãtxa shabakabi mã yuishũmisbũ matũ kuxipa meketã uĩra hawẽ dayakubaĩkãwẽ. Haskai nũ itxai beyamis tibi ikũwaĩbu itxatã

1 Coríntios 7:29

Ẽ betsabu inũ ẽ puibuũ, ma bari keyui kemaya aĩyãkĩ matũ aĩkiri besti xinãma nukũ Shanẽ Iburi xinãkubaĩkãwẽ.

Hebreus 12:9

Ha inũ, nũ huni ewariama nukũ ibubũ nuku yusĩkĩ nemahairakĩ nuku tapĩmakubainibuki. Hatũ yusĩa bikabiakẽ tapĩkĩ nũ hatu abukubainibuki. Hakia haska nũ wani binukĩ nukũ Epa Deus nai anua abukĩ natiã hawẽ hãtxa nĩkakubaini nũ habe hiweshanaii, hawa txakabuwẽ nuku kupiamarã.

2 Pedro 3:2

Xinãkãwẽ. Uatiã Deusũ hãtxa yuishunika meribibũ yusĩnibu inũ ha dikabi nukũ Shanẽ Ibu mekenã hãtxa nuku yununi habias hawẽ kuxipayabũ matu yusĩkubainaibu hakimayamakubaĩkãwẽ.

Apocalipse 1:1

Ha dukũ Deusũ Jesus Cristo ishanai unãmaniki. Hanushũ eari samama hawaira haskashanai ea ẽ hawẽ tsuma João unãmakatsis ikĩ hawẽ nai tsuma Jesus Cristõ yunua ea uĩmaxinaki, na haska inũbariai dasibi nũ hawẽ tsumabũ tapĩtã hatu yusĩkubaĩshanũ ea unãmakinã.

Apocalipse 18:20

haskaya hui betsa kaĩ txani: “Nai anuabu inũ, mã Deusunabu meribibu inũ, mã hawẽ hãtxa yuishunikabu inũ, mã Jesusũ kuxipayaburã, Deusũ na mae ewapa txakabuhaira kupikĩ matuwẽ dabanã shũska sinatakĩ ashanaiwẽ taea maturã, benimai xinã txãkãkubaĩshãkãwẽ”, ikai nĩkatã ẽ matu keneshunaii.

Apocalipse 19:9

Hanushũ nai tsumã ana ea yuikĩ: “Deusũ hãtxa kayabi ẽ mia yuiai nĩkatã keneriwe, eskarã. Txashuwã bakẽ hawenabu nai anu habe hiwemanũ, iwanã, hatu itxawashũ habetã pirã, benimatxakayamashãkanikiki”, ea haska yuiaya

Apocalipse 21:5

hanua shanẽ ibu haki tsauti anushũ nukũ Shanẽ Ibũ ea yuikĩ: “Txanima hãtxa xinã kaya ẽ mia yuiai keneriwe, eskarã. Uĩa. Eãnã, dasibi ẽ bena wakĩ keyuaii”, itã

Apocalipse 21:9

Hanushũ sete nai tsumabũ ha sete Deusũ yurabu hawẽ henea kupiti mese kẽtxa betsa mata tsuma eki nukushũ ea yuikĩ: “Txashuwã bakẽ aĩyãshanai yusĩkĩ mia kayatiwamanũ nerishũ uĩyuwe”, iwanã,

Apocalipse 22:1

Hanushũ shanẽ ibu haki tsauti Deus inũ txashuwã bake haki tsauwabu anua hene hiwekuĩa haya kawana beshnã pehaira bishtu keska nai tsumã ea uĩmashuki.

Apocalipse 22:16

Hanushũ Jesusũ ana ea yuikĩ: “Earã, Davĩ baba inũ pena bixi txashahairamis keskatũ ẽ Jesusũ ẽ mia yuiai nĩkawe. Deusunabu itxamisbu betsa betsapa anu haska ẽ uĩaĩ mĩ hatu pewakĩ e imashanũ, iwanã, ẽ nai tsuma ẽ mia anu yunua haska dasibi mia uĩmashuki, hau ẽ hãtxa mĩ hatu bumashanunã”, ea waya

Apocalipse 22:7

Jesusũri ea yuikĩ: “Uĩa. Ẽ samama ana kashanaii. Haskakẽ na hãtxa haskarara inũbariaikiri txaniai kenekĩ mĩ una wairã, tsuabũra ikũwãkĩ txibãshanaiburã, Deusũ hatu benimawashanikiki. Manayuwe”, ea washuki.

Apocalipse 4:1

Haska nĩkaxina inũ hati uĩshu naiuri besushũ beputi bepeã uĩtã hui trombeta mimawati kuxipa keskawẽ hawẽ dukũ Jesus hãtxai ẽ nĩkaxina ana habiãwẽri ea hãtxa wakĩ yuikĩ: “Ea anu inayuwe, mĩ inakẽ haskarara ana betsa betsapa inũbariai ẽ mia uĩmairã”, ea watã