Apocalipse 22:4 - Kaxinawá Bíblia (BR)

⁴ Haria Deusbe beisinã dabeshãkanikiki, Deusũ kena hatũ betũkuki nea hayarã.

Kashinawa : Diosun Jesúswen taexun yuba bena yiniki

⁴ Jadia Diosbe beisinan dabexankanikiki, Diosun kena jatun betunkuki nea jayadan.

Apocalipse 22:4 Referencias Cruzadas

Salmos 42:2

Deusũ ea hiwea inãmis putakatsi ikama ũpash manuai keskai ẽ habe nikũkainaii. Hatiã ana txĩtũkirã Deus bebũ ẽ nishanai?

Isaías 33:17

Isaíasĩ ana hatu yuikĩ: Dasibibũ ha shanẽ ibuhaira hawẽ kushipa txasha txasha ikai matũ beruwẽ mã ana uĩshanaii. Txaihaira hiwebiabaũshũ hawẽ mai pakea ana sheka ibubis mã uĩshanaii.

Isaías 35:2

Hua itxapa hawẽrua tueaiwẽ mai tsusĩ benimai shinã txãkãshanikiki. Hi hawẽrua Líbano keska hanu tsua hiweama anu Deusũ hawẽruahaira washanikiki, Mati Carmelo inũ napãpa Sarom hawẽ mai pepa keska wakinã. Deusũ haska wakeakeaya dasibibũ hawẽ kushipa hawẽrua uĩshãkanikiki, nukũ Senhor Deus haska shanẽ ibu pepahaira ikũkainayarã.

Isaías 40:5

Mã ma haska washũkẽ hanushũ Shanẽ Ibũ hawẽ kushipa pepa hatu uĩmai huaya dasibi yurabu haki itxashũ uĩshãkanikiki. Hamebi Shanẽ Ibũ haska yuikiki”, ikaya

Mateus 5:8

—Ha inũ, tsuabura xinã shũpĩ pepa haya habũ Deus uĩ hiweshanaibuwẽ taea benimapaketi xinaĩ benimakubaĩkanikiki.

João 12:26

Tsuabũra ea duawakatsi ikinã, hau ea txibãkubainũbũwẽ. Hanushũ ea txibãkĩ ea duawaiburã, ebe hiweriashãkanikiki. Haskawẽ taeshũ tsuabura ẽ Epa Deusũ hatu duawaya hanu ẽ hiweshanai anu ebe iriashãkanikiki, habũ ea duawamisburã— iwanã,

João 17:24

—Epaã, mai damiwakĩ taewariama mĩ ea abukĩ ea txashakapa hawẽruawakĩ taewani mĩ habiaskari ea wai hau ebe hiwekĩ uĩshanũbũ habu mĩ ea yununi ebe hatu hiwemashãwẽ— iwanã,

1 Coríntios 13:12

Haska inũ, ha mane txasha beisiti keskawẽ uĩkĩ nukũ yura pe beshmas nũ uĩmiski. Habiaskari Deusũ xinã pesheixta nũ unãmiskẽ Jesus ana huaya haska Deusũ ẽ huĩti unãmiswẽ eari Deusbe beisinãrabekĩ ẽ unã beshmas wamis ẽ unã keyushanaii.

Hebreus 12:14

Ha inũ, tsuabura dasibibube mã unãnuma hiwekatsis ikairã, nuikipakĩ dasibi nukũ Shanẽ Ibũ yusĩa txibaĩ pepa besti hiwekubaĩkãwẽ. Hamẽ mã pepai hiweismarã, haskatã nukũ Shanẽ Ibuki dasitã mã hiwetirubumaki.

Apocalipse 14:1

Hanushũ ana uĩkĩ Deusũ txashuwã bake Sião mati anu ha yurabu 144.000 habe mapuabu hatibu hawẽ kena inũ hawẽ Epa Deusũ kena ha dabetũ kena hatũ betũkuki kene nea habe mapuabu ẽ uĩshu matu yuinũ nĩkakãwẽ.

Apocalipse 3:12

Tsuabũra ea danãma habũ maemakĩ binumisburã, hanu ẽ Epa Deusũ hiwe anu hawẽ txibu betsa keska tsuã betsetiruma keska ẽ matu washanaii. Hanua mã hani ana kaĩbaĩnama inũbariaii. Haska inũ, ẽ Epa Deusũ kena matuki kenekĩ netãkĩ hawẽ mae Jerusalém Bena ha mae nai anua butushanai hawẽri matuki kenekĩ netãkĩ ẽ kena benari ẽ matuki netãshanaii.

Apocalipse 7:3

yuikĩ: “Meyamayukãwẽ. Deusũ tsumabu habũ betũkuki netãkĩ habu Deusunabu nũ unãti wariamakẽ mai inũ iãnẽwã inũ hi mapua itxakawakĩ daũyamayukãwẽ, Deusunabu hau mawayamayunũbunã”, hatu wa