Apocalipse 1:17 - Kaxinawá Bíblia (BR)

¹⁷ Haska uĩ hawẽ tae namã mawa keskai tsistikaĩ ẽ tĩ ika daka hawẽ mekẽ yusiuri ea mekĩ yuikĩ: “Dateyamawe. Earã, ea dukũ ẽ hiweni inũ ẽ hawẽ henea debesekeaki.

Kashinawa : Diosun Jesúswen taexun yuba bena yiniki

¹⁷ Jaska uin jawen tae naman mawa keskai tsistikain en tin ika daka jawen meken yusiudi ea mekin yuikin: “Dateyamawe. Eadan, ea dukun en jiweni inun en jawen jenea debesekeaki.

Apocalipse 1:17 Referencias Cruzadas

Gênesis 15:1

Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka

Salmos 139:5

Ẽ hiwea dasibi ẽ aka tibi mĩ ea kebẽbaunaki. Mĩ ea tsumashũ hawa heneismaki.

Êxodo 14:13

Moisĩ hawenabu hatu kemakĩ: —Datei babuama mesteĩ huĩti kushitã manakãwẽ. Haska hatu maemakĩ Senhor Deusũ matu merabewai samama mã uĩshanaii, ha yurabu matube bei matuki kemariabuma ana mã hatu uiãma ishanaii.

Êxodo 20:20

hatu daewakĩ Moisĩ yuikĩ: —Dateyamakãwẽ, mã mawamakirã. Deus bututã mã haki datei mesepakeshanũbũ matu unãti waikiki. Pe bestikũkaini hiwei mã ana txakabuyamashanunã— hatu wa

Êxodo 3:6

ana yuikĩ: —Ẽ mĩ shenipabũ mekenika yushĩki. Abraão inũ, Isaque inũ, Jacó ea nĩkakubainiwẽ taeshũ duawakĩ ẽ hatu mekekubainiki— akaya Deus uĩ Moisĩ datekĩ hawẽ mekẽnẽ hawẽ besu atximakẽ

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 41:4

Dasibi haska watirubu daya amakinã, tsuã hawẽ shinanẽ hatu taewamanimẽ? Hanu yurabu dami wakĩ taewatã haska hau hiwekubaĩshanũbũ hatu yunukubaĩkinã, tsuã hatu akubaĩmismẽ? Earã, ẽ habia Senhor Deus ea besti Deus kayabitũ ẽ hatu yunukubaĩmiski. Ea dukũ ẽ ini inũ hawẽ henei ẽ iriakũkaĩshanaii.

Isaías 44:6

Senhor Deus Israelĩ shanẽ ibu inũ hatũ merabenanika dasibi binuatũ yuikĩ: “Earã, ea dukũ ẽ hiweni inũ ẽ hawẽ henea debesekeaki. Tsuã ea binua Deus kayabi betsa hayamaki.

Ezequiel 1:28

Ha dũkebauna txasha txasha ikai anu ui itã nawã bai tapimis keskai nai kuĩ anua Deusũ kushipa hawẽruahaira hui tashnikainaya haska Senhor Deus txasha txasha ikai ea uĩmai uĩtã kẽwaĩ dãti iki maĩ beti ika ẽ dakakẽ,

Habacuque 3:16

Mĩ haska washanai nĩkatã ẽ datehairaii. Ẽ kesha tari tari iki ẽ yura hirabi ẽ kushipa benui babui ẽ kishi mestẽtiruma ikimaki. Haskabiashanaya nukuki sinataibu tsakanamenikabu ha shabatiã Deusũ hatu bika tenemabiashanaya haskabiaya eã unanuma ẽ manakubaĩshanaii.

Mateus 14:27

Jesusũ nuku yuikĩ: —Ẽ eaki. Ewẽ dateyamakãwẽ— nuku waya

Mateus 28:4

soldadobũ uĩ datei saki saki iki tĩ ika mawa keska tsistibaĩbaina maniabũ

Mateus 28:5

hanushũ nai tsumã aĩbu dabe beabu yuikĩ: —Jesus mastaxinabu mã benai hua ẽ unaiĩ. Dateyamakãwẽ.

João 13:23

Jesusũ ea abuhairaiwẽ taea ẽ pekatxu Jesus bashti ika dakashũ piai

João 21:20

Jesusũ hãtxa nĩka keyutã dabekekaũ ea Jesusũ abuhairakubaĩmis bari kaya pi dakashũ ẽ yukakĩ: —Shanẽ Ibuũ, tsuã mia akimẽkaĩ, hatu atximakinã?— ẽ waxina hawẽ petxiuria ẽ huai Pedro dabekekaũ ea uĩkĩ Jesus yukakĩ: —Shanẽ Ibuũ, ha hunirã, haska wariashãkanimẽkaĩ?— aka

Apocalipse 1:11

tsuãra ea yuikĩ: “Hawara ẽ mia uĩmai unaki keneshũ Ásia mai pakea anu ha sete yusĩnanaĩ itxamisbu tibi anu bumashãwẽ, Éfeso anu inũ, Esmirna anu inũ, Pérgamo anu inũ, Tiatira anu inũ, Sardes anu inũ, Filadélfia anu inũ, Laodicéia anurã”, ea waya

Apocalipse 1:4

Mã Jesus txibaĩbu ha sete yusĩnanaĩ itxamisbu tibi Ásia mai pakeanuabuũ, ẽ Joãonẽ, ẽ matu kene bumai nĩkairakãwẽ. Ha ini inũ, ikũkainai inũ, ana hushanaitũ, nukũ Deusunã, hau matu duawakĩ hawẽ pepa matu inãkĩ unãnuma matu hiwemakubainũwẽ. Habiaskari wakĩ ha sete yushĩ pepa hawẽ shanẽ ibu tsauti bebũ mapuabu hau habũ habiaskari matu wanũbũwẽ.

Apocalipse 1:8

Hanua mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana hushanaitũ ea yuikĩ: “Ea dukũ ẽ hiweni inũ ẽ hawẽ henea debesekeaki”, ea washuki.

Apocalipse 2:8

Ana Jesusũ ea yuikĩ: “Ha hatũ Deusũ hãtxa yuinika Esmirna anu itxamisbu mekea anu na hãtxa ẽ mia yuiai keneshũriwe: ‘Earã, ea dukũ ẽ hiweni inũ ẽ hawẽ henea debesekeaki. Mawabiatã ẽ ana bestẽni ẽ hiweatũ ẽ matu yuiai nĩkakãwẽ.

Apocalipse 22:13

Ea dukũ ẽ tashnini inũ ẽ hawẽ henea debesekeaki. Ha inũ, earã, ea dukũ ẽ ini niti ikama ẽ hawẽ heneaki. Ha inũ, ea dukũ ẽ ini niti ikama ẽ hiwepakeshanaii”, ea washuki.