Amós 8:6 - Kaxinawá Bíblia (BR)

⁶ Nuitapaibũ nuku diriabu hawẽ taeshũ pei bikatsi dayaru escravo hau hatu wanũbũ hatu inãkĩ nuku diriabu nũ hatu inã hawẽ nuku pakatirubuki, bitxi tae besti nuku diribiakenã. Ha dikabi shekiwã trigo deshka txakabubiakẽ hari nũ hatu inãriashanaii, pei bikinã”, ikĩ mã shinã txakakubaĩmisbuki.

Amós 8:6 Referencias Cruzadas

Joel 3:6

Judá enabũ mai pakea inũ Jerusalém anu hiweabu atxitã dayaru escravo hatu wamakĩ txaihaira hatu nitxĩkĩ peiwẽ taeshũ Grego nawabu matũ shenipabũ hatu inãnibuki.

Amós 2:6

hanushũ Senhor Deusũ hawenabu Israelkiriri yuikĩ: “Israelĩ enabu nortekiri hiweabũ txakabu betsa betsapa akubainaibuwẽ taeshũ hatu kupikĩ ẽ heneama iriashanaii, habũ hatu eska wakubainaibuwẽ taeshunã. Israelbũ hawenabu pe hiwebiabũ peiwẽ taeshũ hatu inãkĩ nuitapawamisbuki. Ha inũ, betsa nuitapai hiwebiakẽ hatuwẽ taeshũ hatũ bitxi tae bimisbuki, dayaru escravo hau hatu iyutanũbunã.

Amós 3:9

Ma Deusũ matu yunuawẽ taearã, hawẽ hãtxa hatu yuikubaĩkãwẽ: “Maewã Asdode anu shanẽ ibubũ hiwe hawẽrua tibi inũ Egito nawabũ mai pakea anu shanẽ ibubũ hiwe hawẽrua tibi anu bua hatuki txanitãkãwẽ: ‘Hatũ txakabuwẽ taea ibubis hatunabu nuitapa wakĩ itxakawamisbu hatu uinũ ika Samaria mati matipa anu bekãwẽ’, aki hatuki txanitãkãwẽ, habu hiwe txakaibu inũ detenamei betsa betsapaibu hau hatu uĩ benũbunã”, hatu watã

Amós 4:1

Mã Samaria anua aĩbuaibu hawẽruabu mã Basã anu ina awa yushã shuarãwã keskabuũ, ea nĩkakãwẽ. Nuitapabiaibu hatu bika tenemakĩ hawa hayamabiabũ mã hatu itxakawakubaĩmisbuki. Hanushũ paenũ ishũ matũ benebũ hau uva vinho matu bishũtanũbũ mã hatu yunukubaĩmisbuki.

Amós 8:4

Hawa hayabuma nuitapabiaibũ matũ mai anushũ ana hatu itxakawakĩ mã hatu txakabuwamisbuũ, ea nĩkakãwẽ.