Amós 7:17 - Kaxinawá Bíblia (BR)

¹⁷ eska Senhor Deusũ mia yuikĩ: “Mĩ aĩ maewã anua shabakabi hininipai txutanamekũkaĩshanikiki. Mĩ huni bakebu inũ mĩ aĩbu bakebu nupe txaipa kenupawẽ detekĩ hatu tenãshãkanikiki. Mĩ bai inũ mĩ inabu inũ minabu betsa betsapa dasibi shau sẽke númeroya urẽkĩ hawẽ unãtã hatu pashkakĩ bishãkanikiki. Miarã, txaihaira anu mia iyuabu hanushũ Senhor Deus ikũwãbuma anua mĩ mawashanaii. Minabu Israelĩ enabu atxishũ txaihaira anu hatu iyushãkanikiki, ana haska txĩtũbirãtirubumarã”, akĩ haska shabakabi yuitã kaĩkainikiaki.

Amós 7:17 Referencias Cruzadas

Amós 6:7

Besi watã pitĩ kayãwãshũ pi mã hãtxahairabiamis matu nesewabaĩkĩ matubu dukũ atxishũ nawa detenamenikabũ txaihaira anu matu iyushãkanikiki, haria mã ana txĩtũkirãtirumarã.

Amós 8:1

Hanushũ Mekenika Senhor Jeová ana betsa ea uĩmashina matu yuinũ ea nĩkakãwẽ. Kukiki bimi hushĩhaira mata tsaua ẽ uiãyã

Amós 9:1

Jerusalém anu hawẽ kẽwãti Templo hemaĩtĩ anu txi tapu dapi Senhor Deus nia ẽ uiãyã ea yuikĩ: “Ha txibu masua tibiki mane bronze maiti hawẽrua haya hau teskekirã niri ikĩ yurabu hau hatu txusha txusha akubainũ ha bronze dera dera akĩ pure pure akubaĩkĩ heneyamashãwẽ. Tsuara habu ha tekekirã hatu tenãmarã, haburã, nupe txaipawẽ ẽ hatu tenãmashanaii. Pashabiai haskatã bestitxai hamesti piskukaini iruama ishanikiki.

Amós 9:8

txakabuwẽ shanẽ ibukĩ yunukubainaibu anu hawenabu txakabubu hatu uĩkĩ Senhor Jeová hatukiri yuikĩ: “Na mai anu hiweabu ẽ hatu tere akĩ yamawashanaii. Hatu haska wabiakĩ Jacó enabu dasibi ẽ yamawakĩ keyuama ishanaii, haskaira hatu keyuamarã. Ea Senhor Deusũ ẽ hãtxa ẽ mestẽwaiĩ.

Miquéias 1:16

Jerusalém uke merã Sião mishki kenebaunibu kushipa anu hiweabuũ, ea nĩkakãwẽ. Matũ bakebu mã hatu betxipaihairaiwẽ taea matũ huĩti mã nishmahairai hatu unãmakĩ matũ bu mashtekei mãkukãwẽ. Matũ bakebu atxitã txaihaira anu hatu iyushũ ana hatu txĩtuãbuma ishanaibuwẽ taea ana matũ bu mawerẽ iki keyukãwẽ, shetẽ bushka keskairã”, hatu wanikiaki.