Amós 6:8 - Kaxinawá Bíblia (BR)

⁸ Nukũ Deus kushipahaira dasibi binua Senhor Jeová ibubis hãtxakĩ eska ea yuishinaki: “Jacó enabu ibubis kẽkubainaibu danaĩ ẽ hatuki sinatahairakũkainaii. Hatũ hiwe ewapa hawẽrua betsa betsapa tibi betxipaiama hatũ maewã inũ hawara dasibi haya hatuki sinataibu yunukĩ dasibi hatu inãkĩ hatu atximatã ẽ hatu ibu wamashanaii”, ikĩ hawẽ hãtxa mestẽwãshinaki.

Amós 6:8 Referencias Cruzadas

Provérbios 8:13

Senhor Deuski datekĩ duawakubaĩkinã, txakabu danaĩ mĩ haki sinatatiruki. Eanã, nati txakabu ẽ danãmiski: ibubis keaĩbu inũ, ha: ‘Ẽ eã besti hamapai unã keyuaii’, imisbu inũ, hiwe txakakubaĩmisbu inũ, txanitxakakubaĩmisbu eã ẽ hatu danãhairamiski.

Isaías 28:1

Samaria anu hiweabuũ, mã peirawa! Efraimnẽ maewã Samaria hawẽ maiti hawẽrua keska wakĩ hawẽ kẽmisburã, harã, habu paẽmisbũ maeki. Hua hawẽrua keska ibiaima ana hawẽruama utsitã txapuai keska bestiki. Mati mapãpa anushũ hatũ yunu bai tenãmã mai pepa uĩmisbu hanu hiweabu vinhowẽ kemui haki neshenibũ akĩ heneisbumaki.

Amós 3:10

Senhor Deusũ hawẽ hãtxa ana yuikĩ mestẽwãkĩ: “Enabu Samaria anu hiweaburã, hawa pepa unãkĩ akabumahairaki. Hatu detekĩ hatũ mabu bikĩ yumetsutãshũ hatũ shanẽ ibubũ hiwe hawẽrua betsa betsapa tibi anu arukubaĩmisbuki.”

Amós 3:11

Haskamisbuwẽ taeshũ Senhor Deusũ hatu yuikĩ: “Matuki sinataibũ matũ mai pakea kebaũshãkanikiki. Matũ maewã Samaria mishki kenebaunibu kushipabiakẽ berãkĩ keyutã matũ hiwe hawẽrua betsa betsapa anua matũ mabu dasibi mã arukubaĩmis biãtã matu keyu buãshãkanikiki”, itã,

Amós 4:2

Mekenika Senhor Jeová meribi hiweatũ matukiri yubakĩ yuikĩ: “Sheamati betãti watã matu hawẽ atxishũ matũ bakeburi sheamati ewapawẽ betãtã matu dasibi iyushanaibu ma txaima bea kemakanikiki.

Amós 5:21

Mã eskamisbu Senhor Deusũ matu ana yuikĩ: “Haska ea kẽwaĩ besikũkaĩkĩ mã txakabuwakubainairã, harã, ẽ danaiĩ. Itxai petã mã ea kẽwãbiakĩ hawẽ hiwekaĩkĩ mã ea benimawaismaki.

Amós 8:3

Ha shabatiã Deus kẽwãti hiwe hemaĩtĩ anua kẽwaĩ kãtabiai betsatani bis bis ibaunaibu ha yurabu mirima hatu tenã keyuabu tsuãra hune hatũ yura sharabaĩbaĩkĩ hatu urẽshãkanikiki— ea akĩ Senhor Jeová hawẽ hãtxa mestẽwãshinaki.

Amós 8:7

“Haska mã txakabuwakubaĩmisbu ẽ hawa hakima taskama ishanaii, ea ẽ Jacó Deus ibubis matukiri ẽ yubakaii”, iki matukiri Senhor Deus hãtxaimaki.