Amós 6:3 - Kaxinawá Bíblia (BR)

³ Senhor Deusũ hanu matu kupiai shaba txakabu hubiashanaya haskakiri mã shinãkatsi ikamaki. Haskai hiwetimabiakẽ txakabu matũ shanẽ ibu keska wakĩ mã txakabu mese besti pa waii.

Amós 6:3 Referencias Cruzadas

Amós 3:10

Senhor Deusũ hawẽ hãtxa ana yuikĩ mestẽwãkĩ: “Enabu Samaria anu hiweaburã, hawa pepa unãkĩ akabumahairaki. Hatu detekĩ hatũ mabu bikĩ yumetsutãshũ hatũ shanẽ ibubũ hiwe hawẽrua betsa betsapa tibi anu arukubaĩmisbuki.”

Amós 3:9

Ma Deusũ matu yunuawẽ taearã, hawẽ hãtxa hatu yuikubaĩkãwẽ: “Maewã Asdode anu shanẽ ibubũ hiwe hawẽrua tibi inũ Egito nawabũ mai pakea anu shanẽ ibubũ hiwe hawẽrua tibi anu bua hatuki txanitãkãwẽ: ‘Hatũ txakabuwẽ taea ibubis hatunabu nuitapa wakĩ itxakawamisbu hatu uinũ ika Samaria mati matipa anu bekãwẽ’, aki hatuki txanitãkãwẽ, habu hiwe txakaibu inũ detenamei betsa betsapaibu hau hatu uĩ benũbunã”, hatu watã

Amós 5:12

Kanekubaĩkĩ matũ txakabu heneama mã akubainai ẽ unãhairaii. Pepabu bika tenemakĩ mã hatu danãkubaĩmisbuki. Hau hatũ txakabu kaka wayamanũbũ hune hatũ pei mã hatu biãmiski. Pepa inũ txakabu mã unãti wanikabu bebũshũ habu nuitapaibũ matu merabe yukabiabu mã hatu pewashũkatsi isbumaki, hawa hatu merabewamarã.

Amós 5:18

Matũ Shanẽ Ibu Senhor Deus ha shabatiã hanu hushanai uĩkatsis iki mã mana txakayamabiairã, mã peirashãkãwã! Ha shabatiã hanu haskakirãshanairã, mã unaĩ? Ha haskaitianã, meshu keska txakabu besti ishanikiki, hawa shaba pepa hayamarã.

Amós 6:12

Matubunã, hawa shabakabi unãma benimakĩ yuikĩ: “Nukũ kushipawẽ hatu binukĩ maematã ikis nũ yunuti kushipa hayaki”, mã ibiamis ha hãtxa pepa yuibiakĩ betsa wakĩ tenãti dau keska mã wakubainaii. Ana betsa wakĩ maewakinã, ha yunuti pepa mã hawẽ sinatati txakabu wakubainaii. Kushikaini mishki mati matipa anu cavalo kai hawama ishtxuakeakekaĩtirumẽ? Itirubumahairaki. Hanua ianẽwã ukebukũ tsispukĩ pashkabaĩkĩ tsuã atirumẽ? Atirumahairaki. Haska keskariai Deusũ kupiti mã betsa watirumaki.

Amós 9:10

Enabu txakabububia dasibi hãtxa txakabui: ‘Hawara txakabu mese hukĩ ea meama ishanikiki’, ikĩ yui hãtxakubaĩmisburã, nupe txaipawẽ hatu tenãshãkanikiki”, itã

Miquéias 6:12

Na maewã anu dasibi peiyabũ hatu itxakawakĩ mabu inũ peiwẽ kemukĩ hatu paraĩ txanitxakakĩ harakiri hatu nitimawakanikiki, hatunas wakinã.

Mateus 24:48

Hakia hawẽ tsuma xinã pema ha shanẽ ibũ yunubainima xinãtxakakĩ yuikĩ: “Ẽ shanẽ ibu yane huamaki. Uatiã hui kaimẽkaĩ”, iki

1 Tesalonicenses 5:3

Haskakẽ ana hawaki yurabu dateama yuikĩ: “Unanuma hiwei hawaki mesei dateama hiwekubainãkãwẽ”, ikubaini ana hawaki mesei dateabumakẽ Jesus ana niti ikama hawairakirã hatu kupishanikiki, aĩbu bake kaĩnũ ika isĩ berukutã ana maiãma kaĩmis keskairã.

2 Pedro 3:4

yuka ikĩ: “Cristo yubakai: ‘Ẽ ana hushanaii’, ikainirã, hania? haska mã txanimisrã. Nukũ ibubũ nĩkabaini ma mawanibuki. Haskabia Deusũ mai bawani anu nũ hiwea habiaskas kaikiki”, ikĩ matu yukakubaĩshãkanikiki.

Apocalipse 18:17

hatũ mabuwã hawaira haskashumẽ?” ikaibũ habũ shashuwã yunumisbu inũ, habũ shashuwã tuẽbaĩkĩ bushkẽ bushkẽ abaĩmisbu inũ, shashuwãwẽ bumisbu inũ, iãnẽwã anu dayamisbu nãta mapubaũshũ