Amós 5:8 - Kaxinawá Bíblia (BR)

^8-9 Bishi shukuabu hawẽ kena Sete-estrelo inũ Órion dami wakĩ Senhor Deusũ aniki. Hatunã, meshu betsa wakĩ shaba tashnimamiski. Hanushũ ha shaba anua maewakĩ meshuri tashnimariamiski. Ianẽwã anua hau hene inabainũ kena ana inabaĩ niri ikĩ mai anu metxa wakubaĩmiski. Mishki kenebaunibu kushipabiakẽ hatũ hatu di amakĩ ha maewã merã hatũ hiwe kushipa hatu yamawamamisrã, hawẽ kena Senhor Deuski.

Amós 5:8 Referencias Cruzadas

Jó 38:34

Hau miki ui itxakayamanũ mĩ hãtxa bestiwẽ nai kuĩ mĩ yunutirumẽ?

Isaías 42:16

Beshushbu hatu iyukinã, bai tanamabaĩkĩ hanu uĩ buisbuma anu ẽ hatu iyushanaii. Meshu anu buaibu hatu bebũshũ bĩ hatu txashawashũkĩ mai txakabu pãpa wakĩ bebũkiri hawamawakĩ ẽ hatu pewashũshanaii. Na habu haska tibirã, hawa yupatirubuma ẽ hatu ashũshanaii.

Amós 4:13

Senhor Deusũ mati matipa wamis inũ, niwe shũku imamis inũ, haska yubakani yurabu unãmamis inũ, shababiakẽ hatũ betsa wakĩ meshu maewamis inũ, mai dasibi anu mati keyatapahaira tibi anu nikaũmisrã, hawẽ kenarã, Mekenika Deus kushipahaira dasibi binu keyua Senhor Deuski.

Amós 8:9

Senhor Deusũ hawẽ hãtxa mestẽwãkĩ yuikĩ: “Ha shabatiã bari mananãbi txashabia bari ibubis nukai mai hirabi meshũ atxi keyushanikiki.

Amós 9:6

Senhor Deusũ hawẽ hiwe wakinã, nai anu ma aniki. Ha nai nãketapa mai bepumaniki. Hanushũ ianẽwã itamamahaira anua hene hau benũbũ hatu yunua beshũ mai anu ui imakĩ mai metxawakubaĩmisrã, hawẽ kena Senhor Deuski.

Lucas 1:79

Yurabu hatũ txakabuwẽ taea atimapanu mawai benui bupanãbũ mexu tẽ ikai anua bĩ txasha watã nuku inã keska wakĩ nũ habu hiweyuabu nũ hawẽ unãnuma hiwei kai nuku yusĩshanikiki”, inikẽ