Amós 4:9 - Kaxinawá Bíblia (BR)

⁹ Senhor Deusũ ana yuikĩ: “Niwe kushipahaira inũ isĩ betsa betsapawẽ ẽ matu datekubainimaki, kusha kusha aka keska wakinã. Matũ yunu bai inũ matũ uva bai utsi wakĩ matũ figueira hi inũ matũ oliva hi shinĩ hau pikĩ keyunũbũ ẽ hatu yunuimaki. Hakia ẽ matu haska wabia hawa shinã betsa watã ea shinaĩ ea anu mã txĩtuãma ikubainimabuki”, akĩ Senhor Deusũ hawẽ hãtxa txanima mestẽwanikiaki.

Amós 4:9 Referencias Cruzadas

Isaías 1:5

Maturã, haskai mã danananaĩ sinatai henekatsi ikamamẽ? hawẽ ea kupi sharawe, ikarã. Matũ yurarã, tsuã hani matu ana kushati hayamaki. Matũ bushka ma matu makush makush akabu mã isĩ teneaii. Haskawẽ taea matũ kushipa benui mã ma babui keyuaki.

Joel 1:4

Shini beshũ yunu inũ, basi inũ, mibã sharabu pei pikĩ keyukĩ henebainaibũ hatiri shini betsa ana bekĩ ha teshe wabaĩshinabu keyuhairakĩ ma yamawashinabuki.

Joel 1:7

Nukũ uva bai nishi txakabuwakĩ keyukĩ nukũ mibã hi figueira senu senu akĩ hawẽ pei inũ hawẽ bitxi daxpikĩ hawẽ mebi metash wakĩ hushu datãbaĩshinabuki.

Joel 2:25

Senhor Deusũ matu ana yuiai nĩkakãwẽ: “Ha baritiã hau shini mesebũ matũ yunu txakabuwanũbũ matu anu ẽ hatu yunua beshũ matu yamawaĩmabunã, eã ẽ ana matũ yunu inãkĩ hayawashanaii.

Amós 4:6

Senhor Deusũ ana hatu yuikĩ: “Matũ maewã tibi anua ẽ matu buni tenemaimaki. Matũ mae tibi anuari matũ piti keyukĩ ẽ yamawaimaki. Hakia ẽ matu haska wabia hawa shinã betsa watã ea shinaĩ ea anu mã txĩtuãma ikubainimabuki”, akĩ Senhor Deusũ hawẽ hãtxa txanima mestẽwanikiaki.

Amós 4:8

Ha yurabu hatũ maewã anu ũpash hayamakẽ maewã betsa anua ũpash betxinũ ika benai bukubaũkĩ ũpash eskarabes betxibiabu ha ũpash manukĩ abiabu ũpash itxapamawẽ taea hawa ũpash manuaibu hatu maĩwãma ikimaki. Hakia ẽ matu haska wabia hawa shinã betsa watã ea shinaĩ ea anu mã txĩtuãma ikubainimabuki”, akĩ Senhor Deusũ hawẽ hãtxa txanima mestẽwanikiaki.

Habacuque 3:17

Nukũ Mekenika Senhor Deusũ nuku pashawashanaiwẽ taea ẽ benimahairashanaii. Nukũ mai pakekawana nukuki sinataibũ dasibi txakabuwakĩ keyuabũ figueira hi hua hawa hayama inũ, uva bai hawa bimi hayama inũ, oliva hi hawa bimi hayamarikẽ hanua bai anuri hawa mibã bimi tsekatirubu hayamarikẽ txashuwã shukua dasibi yumetsui keyuabu ana hayama inũ, inapã hiwe anu ina awa betsa taska niamabiakẽ Senhor Deus ẽ kẽwãkubaĩshanaii.

Malaquias 3:11

Matũ bai anu yunu inũ matũ uva bai anu hawẽ bimi shenã inũ hawara sharabũ txakabuwamisbu matu anu ẽ ana yunuama ishanaii.