2 Timóteo 4:13 - Kaxinawá Bíblia (BR)

¹³ Trôade anu nukũ haibu Carpõ hiwe anu ẽ matsi tari ẽ henebirãyama inũ ẽ una itxapa inũ ha shũska mĩ ha hakimatiruma ẽ una bitxi sebi ewapa ẽ baxibirãyama hukĩ ea keyu beshũshãwẽ.

Kashinawa : Diosun Jesúswen taexun yuba bena yiniki

¹³ Tróade anu nukun jaibu Carpon jiwe anu en matsi tadi en jenebidanyama inun en una ichapa inun ja xunska min ja jakimatiduma en una bichi sebi ewapa en bashibidanyama jukin ea keyu bexunxanwen.

2 Timóteo 4:13 Referencias Cruzadas

Mateus 5:40

Ha inũ, mĩ tsuara devea shanẽ ibu anu mia iyua pakashũ mĩ bishanũ mĩ tima tari hau biyunũ shanẽ ibũ mia yunua inãyuwe. “Pakashũ hau bishanũ dakukuti biãtirubumaki”, akĩ Moisés yunubianikẽ shanẽ ibũ mia yunua mĩ dakukutiri yauxiyamawe.

Hechos 16:11

hanua Trôade anua penaya niwe shashu ibu peiwẽ pakatã nanekaini natukã hawẽ kena Samotrácia anu kayãbis kai pukei hanu keti itã hanu ushaxini ana bestẽkaini mexukiri habias shashuwẽri pukei mai pakea betsa Macedônia anu mae betsa Neápolis anu hiki keti itã

Hechos 16:8

hanua Mísia kapukei bai txai tanabaini mae betsa iãnẽwã kesha anu bei butubirani Trôade anu hikiabũ

Hechos 20:38

“Ana mã ea uĩyama ishanaii”, ikĩ hatu yuishuwẽ taea hawẽ nuitxakayamai ana benimama punu nukatã habiaskabia nitxĩnũ ika iãnẽwã kesha anu shashu anu Paulo iyuabũ

1 Coríntios 4:11

Na habia eskatianã, hawa nũ pe hiweriamaki, eska teneirã. Nũ bunimiski. Nũ ũpash manumiski. Nũ tari txuka sawea nimiski. Ha inũ, yura betsabũ nuku itxakawamisbuki. Meribi hiwe hayama nũ hiwemiski.

2 Coríntios 11:27

Ha inũ, ẽ dayatxakayamakũkaĩmiski, bika betsa betsapa tenebiakubainirã. Mexu betsa tukama ẽ usha tenemiski. Ha inũ, buni tenea inũ ũpash tenea piama ẽ ikũkaĩmiski. Ha inũ, matsi tari hayama hawa dakukuti hayamari ẽ matsi tenekubaĩmiski.