2 Timóteo 1:13 - Kaxinawá Bíblia (BR)

¹³ Jesus Cristo nuku ishuniwẽ taea ikũwaĩ abunamekĩ ẽ mia yusĩmis keska wakĩ hãtxa kayabi kayatapia yusĩkĩ heneyamawe.

Kashinawa : Diosun Jesúswen taexun yuba bena yiniki

¹³ Jesucristo nuku ixuniwen taea ikunwain bechipainamekin en mia yusinmis keska wakin jancha kayabi kayatapia yusinkin jeneyamawe.

2 Timóteo 1:13 Referencias Cruzadas

Provérbios 3:18

Tsuãra unanepa hãtxa tapĩtã txibaĩ hawẽ hiwetirubuki, pe mekei benimakũkainirã.

Provérbios 3:21

Epaã, mĩ shinã pepa arutã haratura pepa inũ haratura txakabu unãti tapĩtã hawa hakimayamakũkaĩshãwẽ.

Provérbios 4:13

Ẽ yusĩti hãtxa danãma mestẽwãtã hakimakĩ heneama txibaĩ mĩ pe hiwekũkaĩshanaii.

Provérbios 8:14

Txakabu unãti wanika inũ pepa unãti wanika kushiparã, ẽ ea bestiki. Ẽ unã keyuaiwẽ taeshũ bebũkiri hawara ẽ akatsis ikai yubakatã ẽ akubaĩmiski.

Romanos 2:20

Haska inũ, hawẽ yunuti inũ hawẽ nemati Deusũ Moisés yusĩni mã hayawẽ taeshũ dasibi hãtxa kayatapia unãkĩ habũ xinã benua inũ habu huĩti babubu mã hatu tapĩmatiruburi mã xinãriaii.

Romanos 6:17

Ha dukũ txakabũ matu tsumawakĩ taewaniki. Hanushũ Deusũ matu merabewaya nũ matu yusĩkubaina nĩka pewatã matũ huĩti hirabiwẽ matu yusĩaĩbu mã ikũwãniki. Natiã ana txakabu dayashunama hanua kaĩkaĩ Deus dayashũkĩ pe besti mã ashũkubainaii. Matu mã haskai nĩkai huĩti xinã txãkãkĩ Deus ẽ kẽhairawakubainaii.

Filipenses 1:27

Natiã mã hiweairã, Deusũ hawẽ bakekiri kakape unaĩ haska hiwekũkaĩtikiri benai na keska bestiwẽ hiwekubaĩkãwẽ. Haska ẽ matu uĩkatsis ikai inũ matu anu ẽ kamakẽ matukiria matũ kaka huai ẽ matukiri nĩkakatsis ikaii, haska mã txĩtuãma inũ mã ma dasi keyushũ bika tenebiai heneama matũ xinã kuxipawẽ ikũwaĩ mã Jesus Cristo txibaĩbunã.

Filipenses 4:9

Ẽ hãtxa nĩkakĩ ea uĩkĩ hawara mã tapĩni inũ ẽ matu yusĩkubainima heneama txibãkubaĩkãwẽ, mã haskaibu nukũ Epa Deus unãnumatũ matu heneama merabewapakeshanikikirã.

Colosenses 1:4

Matukiria kaka huai ẽ nĩkamiski, mã Jesus Cristo ikũwaĩ nukubetã ikũwaĩbu betsa hatube abunamei mã hatuwẽ nuimis nĩkairã.

1 Tesalonicenses 5:21

Tsuabũra yuikĩ: “Deusũ hãtxa ẽ matu yusĩaiĩ”, ikĩ hatu yusĩaĩbu haska Deusũ hãtxa kayabi yusĩmẽkaĩ unãti wakĩ nĩkakubaĩkãwẽ. Deusũ hãtxa yusĩ pe waya unãtã ikũwãkĩ ha yusĩa mã txibãtirubuki.

1 Timóteo 1:10

txutabaũmisbu inũ, huni dabe txutanamemisbu inũ, aĩbu dabe txutanameaibu inũ, yura betsabu yumetsushũ hawẽ pei bikatsi dayaru wakĩ inãmisbu inũ, txani txakamisbu inũ, hamẽ uĩyamabia yura betsaki yubakatã paranamisburã, haskabunaki, haska habũ yusĩa kayabi txibaĩsbumarã.

1 Timóteo 1:14

Nukũ Yavé Deus ha besti nuikipahairakĩ ea duawatxakayamakĩ hawẽ xinãwẽ ẽ xinã ea betsa wamatã Jesus Cristo ẽ itxakawabiaya ha ikũwaĩbuwẽ ea hatuwẽ nuitiwaniki, Jesus Cristowẽ taeshunã.

1 Timóteo 6:3

Tsuãra hatu yusĩkatsis ikĩ hatũ xinã betsahaira itimaskakiri haska hatu yusĩanã, nukũ Shanẽ Ibu Jesus Cristõ nuku yusĩni keskama inũ haska hakiri xinãkĩ nũ hatu yusĩmis keskama hatũ xinãnẽ besti kẽkĩ yusĩkatsis ikanikiki.

2 Timóteo 1:1

Ea ẽ Paulorã, Deusũ haska xinaĩwẽ Jesus Cristõ kuxipaya ea wakinã, hawẽ yunuawẽ ea aniki. Haska wakinã, hamẽ ea akama hakia haska bebũkiri Deus yubakani hawẽ hiwea keyuisma ikibi ikakiri haska xinãkubaĩmis haska hayawẽ taeshũ Jesus Cristo ea katumaniki.

2 Timóteo 1:14

Haska wakĩ Jesuskiri yusĩa mĩ tapĩni hau tsuã betsa wayamanũbũ Deusũ Yushĩ Pepa nukuki dasiatũ mia merabewaya hawẽ kuxipawẽ uĩrakubaĩwẽ.

2 Timóteo 2:2

Itxapabu ẽ hatu yusĩkubaunai mĩ nĩkakĩ tapĩmisshũ akai keskari mĩ hatu tapĩmairã, ha hunibu pe hiwekĩ ikũhairawai txĩtuãma hatu uĩmai duapakũkaĩkĩ yurabu yusĩkĩ hatu merabewatirubu hatu katutã hau habiaskari yusĩkubainũbũ hatu yunukubaĩwẽ.

2 Timóteo 3:14

Haskabiaibũ miarã, Deusũ hãtxa pepa mia yusĩabu tapĩtã mĩ ikũwãni habiaskas xinãkĩ txibãkubaĩwẽ.

2 Timóteo 4:3

Txipu bari betsatiã yurabu itxatã yusĩa kayabi ana nĩkakatsi ikabuma ishãkanikiki. Hakia haska habũ nĩkakĩ abuai besti anũ ikaibu hatũ yusĩa pepamabiakẽ hawẽ benimanũ ishũ hawara haska nĩkakatsi ikaibu besti hatu yusĩmanũ ishũ yusĩnã itxapabu hatu yusĩmashãkanikiki,

Tito 1:9

Haskamisbuwẽ taeshũ ikũwaĩ betsaburi merabewakĩ hatu benimawakĩ yusĩa pepawẽ hatu ikũwãmakĩ habũ hamakiri xinã txakaibu hatu merabewatirubuki. Hatu haska wakĩ Jesus Cristokiri txanima hãtxa nũ hatu yusĩmis ikũwãkĩ betsa tibi xinãma nukũ yusĩa hau txibãriakubainũbũwẽ.

Tito 2:1

Mianã, hawara mĩ hatu yuikatsis ikairã, na ẽ mia yuiai keska wakĩ habias Deusũ hãtxa kayabi pepawẽ hatu yusĩkubaĩwẽ.

Tito 2:8

Tsuabura nukũ yusĩaki ha ikaibu hatu dakewakĩ hau ana nukukiri hawa txakabu yuiyamanũbũ hãtxa pekiri besti yui nemakanãtikiri besti hatu yuikubaĩwẽ.

Hebreus 10:23

Habias mestẽwãtã xinã betsa betsapa wai txĩtuãma haska nũ ikũwãkĩ yuiai besti manakakubainãkãwẽ. Txanima Deus yubakanishũ nuku ashũshanikiki, kaneamarã.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Hebreus 4:14

Deusũ bake Jesus iwãni ana hawẽri naiuri kani hawẽ Epabe nuku hãtxashunika binua nũ ikũwaĩwẽ taeshũ nukũ xinãwẽ mestẽwãtã txibãkĩ heneyamakubainãkãwẽ.

Judas 1:3

Ẽ betsabu inũ ẽ puibuũ, matuwẽ nuikĩ haska Jesus Cristõ matu inũ ea nuku pashawakatsi hãtxanikiri matu keneshũkatsi ibiakĩ ha akama eskaibukiri hatu uĩkĩ habukiri xinãkĩ Deusũ kakape nũ matu Deusunabuwakĩ yusĩni habũ betsa wakĩ matu bika tenemakĩ inũ yura betsabu hau hatu parãyamarianũbũ mã hatu nemakubainũ haskakiri keneshũ ẽ matu bumai uĩrakãwẽ.

Apocalipse 2:25

Hakia na besti matu yuinũ nĩkakãwẽ. Deusũ yusĩa mã haya ha txibãkĩ henepakeyamashãkãwẽ, ẽ ana kayushanairã.

Apocalipse 3:11

Ha inũ, matũ pepa hawẽ kupiti hau tsuã matu biãbaĩyamashanũ ẽ yusĩa xinãkĩ txibãkĩ heneyamakãwẽ, ẽ samama ana txĩtũkirãshanairã.

Apocalipse 3:3

Hanushũ Deusũ hãtxa yusĩnãbũ matu yusĩabu mã nĩkani xinãkãwẽ, xinã betsa watã ana txibã taewakinã. Hamẽ mã ea nĩkakatsi ikabumakẽ yumetsu hune humis keskai mã ea manatxakaya hatiara eari hune hushũ ẽ matu datetuxishanaii.