2 Samuel 9:10 - Kaxinawá Bíblia (BR)

¹⁰ Haskawẽ taeshũ hawẽ bai tibi mĩ huni bakebu inũ mĩ dayarububetã dayashũkubaĩshãwẽ. Mĩ tsuma sheni Saulũ enabũ hau pi hiwekubaĩshanũbũ mibã pawaibu tsekashũ hanu aruti hiwe merã hatu mekeshũkubaĩshãwẽ. Haskabiakẽ Saulũ babã ebetã pikubaĩshanikiki— akaya Ziba 15 huni bakebu inũ 20 dayaruyatũ

2 Samuel 9:10 Referencias Cruzadas

2 Samuel 16:3

Davĩ ana yukakĩ: —Hania, mĩ shanẽ ibu Saul ipaunitũ baba Mefiboseterã?— aka Zibã kemakĩ yuikĩ: —Haska hawẽ hutxi Saul shanẽ ibukũkaini keska Israelĩ enabu dasibibũ shanẽ ibu wakĩ ana katutirubuwẽ taea shinaĩ ẽ tsuma Mefibosete Jerusalém anu bashikuyushuki— aka

2 Samuel 19:18

Hene Jordão pukebaĩ shanẽ ibuhaira Davĩ enabu inũ hatũ mabu beshunũ ika bushũ mabu pewabu kemawatã hene pukematãtãkĩ haska wakĩ hatu merabewaya hakiri Davi pe shinãyã Hene Jordão Davi pukenũ ika kapanã Simei hatũ mishki puta puta akima kai Davi bebũ maĩ di ika beushũ datekĩ

2 Samuel 19:28

Ẽ hutxi Saulũ mia tenãpai iniwẽ taea ẽ hutxi Saulũ enabu mĩ hatu tenã keyutirubia ewẽ nuikĩ mĩ tapu anushũ ea pimakubaĩkatsi mĩ ea kenatã mĩ ea yubaniki. Haskawẽ taeshũ hawara betsa ẽ mia ana yukatirumaki— aka

2 Samuel 9:7

Davĩ yuikĩ: —Mĩ epa Jônatas shinãkubaĩkĩ pepawẽ ẽ mia duawakubaĩshanaiwẽ taea dateyamawe. Mĩ hutxi Saulũ mae tibi bai pepa betsa betsapabu inũ hi pepa shukuabu tibi inũ hawẽ hiwe betsa betsapa ẽ mia ibu wamashanaii, ibu wabianibũ hau mia ana inanũbũ hatu mebĩmakinã. Nenu Jerusalém anu hiweshũ ẽ tapu anushũ ebetã mĩ pikubaĩshanaii— aka

1 Reis 2:7

Hamẽ betsarã, yura betsabu habũ ea duawanibu ea haburi pepa washũkubaĩshãwẽ. Mĩ betsa Absalão anua ẽ pashaima Gileade mai pakea anushũ Barzilai ewẽ nuikĩ hawara nũ hayama nuku inãkĩ ea mekekubainimawẽ taeshũ Barzilaĩ enabu duawakubaĩshãwẽ. Jerusalém anu hawẽ huni bakebu bai beaibu hatu itã mĩ tapu anushũ hatubetã pikubaĩshãwẽ.

2 Reis 25:29

bitxiti hiwe anushũ tari sawemis pekamatã hawẽ shanẽ ibũ tari Joaquim ana sawemakĩ duawakĩ hatishũ hiweaitiã hiwemashũ shaba tibi shanẽ ibuhaira Evil-Merodaquebetã pimakubainikiaki.

Jeremias 52:34

Ha dikabi hatishũ mawariama hiweaitiã pe hiwemakĩ shaba tibi Babilônia shanẽ ibuhairatũ duawai hawẽ hamapai tibi Joaquimnẽ bikubainikiaki.

Lucas 14:15

haska wai dakashũ nĩkabaikĩ betsã Jesusbetã pikĩ Jesus yuikĩ: —Deus shanẽ ibuaitianã, txanima tsuabũra habetã pirã, habe benimahairashãkanikiki— aka