2 Samuel 7:23 - Kaxinawá Bíblia (BR)

^23-24 Israel minabu wakĩ mĩ hatu katuni habu hiwepakeshãkanikiki. Hiweabũ, miarã, Senhor Deusuũ, mĩ hatũ Deus ipakeshanaii. Yurabu shukua betsa betsapa hiweabu keska Israel minabu hatu keska hiweama iriashãkanikiki. Deusuũ, hau minabu ikubaĩshanũbũ hatu tsumawanibu mĩ hatu mebikinãkirãkĩ mina mĩ hatu waniki. Ha dikabi mĩ kushipawẽ dasibi hatu datekĩ hatũ kena ewapa wakĩ habuwẽ ‘Habaa!’ imati wakĩ dasibi hiwebaunabu bebũshũ Egito nawabu anua hatu tashnimabirãkĩ nawa shukua tibibũ hatũ yushibu hatu sa amakĩ mĩ kushipa mĩ hatu uĩmakubiraniki.

2 Samuel 7:23 Referencias Cruzadas

Neemias 1:10

Nuku itxakawaibu hatu nemakĩ mĩ kushipawẽ mĩ nuku mekekubainiwẽ taea nũ minabuki, mĩ tsumaburã.

Salmos 40:5

Ẽ shanẽ ibu Senhor Deusuũ, dami betsa betsapa hawẽrua itxapa mĩ anirã, nukuwẽ nuikĩ duawakĩ mĩ nuku ashũmiski. Tsuã mia binua mia keska betsa hayamaki! Mĩ pepakiri ẽ txanikauani hãtxatirubia haska washũ ẽ hati hatu yui keyutirumaki.

Salmos 65:5

Mĩ nukũ mekenika Deusũnã, pepa yunukĩ txakabu nemanishũ hawẽ mĩ kushipahaira nuku uĩmakĩ e imakĩ mĩ nuku shabakabi hawẽ manakukubainaii. Mai hirabi kesukauana anu inũ ianẽwã anu txaihaira hiweabũ mia ikũwaĩ miki txiti ikabuki.

Êxodo 12:12

Ha mã haska waitiã habias meshuki Egito mai hirabi anu iaketãkĩ hiwe tibi anushũ hatũ huni bake iyuabu inũ hatũ ina bene habu dukũ kaiãbu dasibi tenãkĩ Egito nawabũ hatũ dami yushĩ tibi ẽ kupi keyuaii. Ea ẽ hiwemis Senhor Deusũ haska ẽ matu yuiaii.

Êxodo 33:16

Mĩ nukube kama nukuwẽ mĩ nuiai ẽ unãtirumaki. Hakia mĩ nukube kai nukuwẽ mĩ nuiai ẽ unãtiruki. Nukube mĩ kaya ea inũ minaburã, nawa betsa betsapabu anua mina wakĩ mĩ nuku katunirã, dasibibu mai hirabi anushũ mikiri unãkubaĩshãkanikiki— aka

Êxodo 9:15

Ẽ kushipa hatu uĩmakĩ txami paewẽ mia inũ minabu ẽ kupiaya mã mawakeãshinabuki.

Êxodo 9:16

Hakia mai hirabi anushũ ẽ kushipa inũ ẽ kena hau unãbaũshanũbũ ẽ kushipa mia uĩmakĩ ẽ mia tenãma ishiãki.

Números 6:27

haska wakĩ habũ ẽ kena Senhor Deus yuikĩ Israelĩ enabu hatu pekiri yuiaya ea ẽ Senhor Deusũ ẽ hatu duawakubaĩshanaii”, haska ẽ hatu washanai ea hatu yuishũkubaĩwẽ— anikiaki.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Josué 7:9

Enabu kushibirãkãshu nĩkatã Canaã nawabu inũ ha dapi nawa tibi dasibi nenu hiwebaunabu benimai shukui dasitã nuku dasibi detekĩ keyutã nukũ kena ana nuku shinãtimawashãkanikiki. Haska watã mĩ kena kushipawẽ mĩ nuku iwekubirãshinarã, haskara mikiri shinãshãkanimẽkaĩ?— aka

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ