2 Samuel 6:20 - Kaxinawá Bíblia (BR)

²⁰ hawenabusri hãtxa pepawẽ hatukiri pe hãtxanũ ika hawẽ hiwe anu Davi txĩtũkaini kaya hawẽ aĩ betsa Saulũ bake Mical inũ ika kaĩkaini haki nukui kashũ dakewakĩ yuikĩ: —Israelĩ enabu mĩ hatũ shanẽ ibuhaira natiã mĩ hatu peshũkirãkĩ mĩ dayarubũ escrava aĩbuaibu bebũ haskatimabiakẽ hatu uĩmai nawai sheke sheke ikirani mĩ peshukitsa, dakeamarã— aka

2 Samuel 6:20 Referencias Cruzadas

Gênesis 18:19

Ẽ Abraão katuawẽ taeshũ txipu hatũri hawenaburi ẽ yunua txibãkĩ hatu yunua pepakĩ kaneama txibaĩbu haska ẽ hãtxashu eãri Abraãowẽ taeshũ ẽ hatu merabewakĩ ashũpakeshanaii”, itã

2 Samuel 6:14

hawẽ éfode linho tari hushupa sawea nawai sheke sheke itxakayamakũkaini

2 Samuel 6:16

Davĩ mae mishki kenebaunibu anu Senhor Deusũ hãtxa aruni bau iabaini hikiaibũ Saulũ aĩbu bake Mical ha dukũ Davĩ aĩwani hanu niwe hikiti shui anu nishũ haska Senhor Deus bebũ Davi sheke sheke iki nawakũkainai Micalĩ uĩtã haska betxipaiama hawẽ dakekĩ danãtxakayamaya

2 Samuel 6:18

Davĩ menukĩ keyutã Senhor Deus kushipa dasibi binuatũ kenawẽ hãtxa pepawẽ hawenabu dasibi hatukiri pe hãtxakĩ Davĩ hatu pepawatã

2 Samuel 6:19

hanushũ Israelĩ enabu dasibi hanu itxabu hunibu inũ aĩbuaiburã, shekiwã trigo misi ewapa bestitxai inũ, nami shui tũku bestitxai inũ, uva bimi tsusĩ tũku wabu inũ, bimi betsa batapari tsusĩ tũku wakĩ keshtu wabu bestitxai hau hatu inanũbũ Davĩ hawẽ tsumabu hatu yunua bestibu tibi hatu inãbaũkĩ keyuabu, piti keyu bitã hatũ hiwe anu txĩtũbainaibũ

Jó 30:8

Ha yurabu hamẽburã, tsuã bakeki, iwanã, hatu unãbuma dasibibũ danãkĩ txai hatu nitxĩkubainibuki.

Marcos 14:66

hanua hemaĩtĩ anu Templo mekenikabube Pedro txĩ yuaya Caifásĩ tsuma aĩbu betsã betxitã yuikĩ: —Miarã, Jesus Nazaré anuabe mĩ nimiski. Ẽ mia unaiĩ— aka

Marcos 3:21

Jesus haskai hawẽ ewa inũ hawẽ betsabũ nĩkatã yuinamei: —Unaĩsmapai tirumai ikikiki. Inũ bukãwẽ— ibiranaibũ

João 13:6

Simão Pedroki kematã anũ ikaya nemakĩ yuikĩ: —Shanẽ Ibuũ, mĩ ẽ yusĩnãki. Haska wakĩ mĩ ea hutxunũ ika ikai?— aka

Josué 24:15

Hakia Senhor Deus mã duawakatsi ikama haratu yushinĩ hãtxa mã txibãkatsi ikimẽkaĩ, ikis katukãwẽ. Henewã Eufrates ukeri matũ shenipabũ yushĩ betsa betsapa habũ kẽwãpauniburã, habumẽkaĩ. Nenu hiweshũ Amorreu nawabũ yushĩ betsa betsapa habũ kẽwaĩbumẽkaĩ, matũ shinãkãwẽ. Hakia ẽ aĩ inũ ẽ bakebubetanã, Senhor Deus duawakĩ nũ txibãpakeshanaii, heneamarã— hatu waya

1 Samuel 14:49

Hati Saulũ bakebu inibukiaki, hawẽ huni bakeburã, Jônatas inũ Isvi inũ Malquisuarã. Hanua hawẽ aĩbu bake daberã, iyua Merabe inũ mashku Mical inibukiaki.

1 Samuel 18:20

hakia hawẽ aĩbu bake betsa Mical Davibe betxipainameai tsuãra uĩtã Saul banabimabu nĩkai benimahairakĩ