2 Samuel 5:7 - Kaxinawá Bíblia (BR)

^7-8 hatu wabiabu Davĩ hawẽ detenamenikabu yuikĩ: “Jebuseu nawabu hatu detekĩ keyuirã, ha hene habakaĩti wanibu anu dasibibu hanu hiki keyubaĩ ha Jebuseu nawabu bekũbu inũ txãtubu ẽ hatu danãhairai nuku nemaibu hatu tenaĩ bukãwẽ”, hatu wa haska hatu yuia hene habati wakĩ mishkiwẽ buyabainibu baiwẽ hikibaĩ hatu maemakĩ atxi keyutã Davĩ Sião kenebaunibu hawena wanikiaki. Ikis Jerusalém anu mananã kenebaunibu kena betsa wakĩ: “Davĩ Maeki”, amisbuki. Ha dikabi Davi hari hãtxaniwẽ taea tsuãra yuikĩ: “Senhor Deusũ kẽwãti hiwe hemaĩtĩ kenekauna anu bekũbu inũ txãtubu hikitibumaki”, ikĩ hatũ beyawẽ yuikubaĩmisbuki.

2 Samuel 5:7 Referencias Cruzadas

2 Samuel 5:9

Ha mananã mishki kenebaunibu anu hawenabube Davi hiweabu hatu kenakĩ: “Davĩ Maeki”, akaibũ ana mishkiwẽ hatu kene nati amakatsi ikĩ Davĩ hatu yunua nortekiri mishki kene sheni Milo anua ana hatu txitximabaũkĩ mai inũ mishki ture sharabuwẽ mai pãpa wakubaĩkĩ tapaiti keska wakĩ mishki kene bena wakĩ hanu Davĩ hiwe bena ewapa hawẽrua hatu amashanai anu kebẽ nati akĩ deshũ wabaũkĩ kene sheniki meshti anibukiaki.

2 Samuel 6:10

Davĩ hawẽ mae ewapa anu ana bukatsi ikama mae betsa Gate anu Obede-Edomnẽ hiwe anu hau bunũbũ Davĩ hatu yunua

2 Samuel 6:12

shanẽ ibuhaira Davi anu kashũ hawenabũ Davi yuitãtãkĩ: “Senhor Deusũ hãtxa aruni bau Obede-Edom anu mĩ bashibiranimawẽ taeshũ hawẽ bakebube hawẽ hamapai Senhor Deusũ duawakĩ merabewakubainikiki”, akĩ shinã betsamabu uĩtanũ ika Obede-Edomnẽ hiwe anu Davi kashũ txanima haska wai uĩtã hawẽ mae anu Deus hatube yubakani hãtxa aruni bau Davĩ ana bukĩ maewarinũ ishũ benimakĩ hatu pewamatã

2 Samuel 6:16

Davĩ mae mishki kenebaunibu anu Senhor Deusũ hãtxa aruni bau iabaini hikiaibũ Saulũ aĩbu bake Mical ha dukũ Davĩ aĩwani hanu niwe hikiti shui anu nishũ haska Senhor Deus bebũ Davi sheke sheke iki nawakũkainai Micalĩ uĩtã haska betxipaiama hawẽ dakekĩ danãtxakayamaya

1 Reis 2:10

Davi hatũ shenipabu anu itxai kai unanuma mawa Jerusalém anu hanu ha dukũ mishkiwẽ hatu kenemabaunibu anu hawẽ kena bena wakĩ: “Davĩ Maeki”, anibu anu hawẽ yura maiwanibukiaki.

1 Reis 3:1

Ana habe detenametima wakĩ Egito shanẽ ibu Faraó ena wai Salomão habe yubakatã hanubi hawẽ aĩbu bake aĩwãtã Davĩ mae mishki kenebaunibu anu iyui hikima hanu hiweyushũ hatu yunukubainaya Salomãonẽ hiwe ewapa hawẽruahaira wakĩ keyushũriabuma inũ, Senhor Deuski nukuti mishki hiwe wakĩ keyushũriabumari inũ, Jerusalém mananã mishki kenebaũkĩ ma mene kemaibũ

Salmos 2:6

“Ha Shanẽ Ibu ẽ katuni ẽ yunushanai ha meribi mae pepa mati Sião anu shanẽ ibushanikiki”,

Salmos 51:18

Mĩ shinã pepawẽ Sião merabewakĩ pewawe, ana hawẽ kenekauana benibaũkĩ hau Jerusalém ana kene bena wanũbunã.

Miquéias 4:2

Sião anua Senhor Deusũ yusiã tashni Jerusalém anu hawẽ hãtxa kaĩshanaiwẽ taea yurabu mirimahaira hanu hikitushitã yuikĩ: “Senhor Deusũ Mati Sião anu mapekenũ bekãwẽ, Jacó mekenika Senhor Deus kẽwãti Templo anurã. Harishũ hawẽ pe hiwekĩ shinãti nuku yusiã ha bai keska hawẽ yusiã hãtxa txibãkĩ tapĩ nũ maputiruki”, iki ma itxai keyua maniabũ

Romanos 9:33

Na habias yusĩa Messiaskiri Deusũ hawẽ hãtxa yuishunika Isaías yuimakĩ: “Uĩa. Ẽ haska yubakani ẽ kuxipa mixki keska Jerusalém anu ẽ nitxĩshanaii, haki huti iki itxapabu tsakabaĩbaini tĩ ikubaĩshãkanikiki, ikũwãmarã. Hakia tsuabũra hawẽ hãtxa ikũwãkĩ txibaĩbu ẽ hatu hawa dake wama ishanaii”, aka nĩkatã hari kenerianiki.

Hebreus 12:22

Maturã, nukũ shenipabu na mai anua Deuski nukua datenibu keskama txanima kayabi Mati Sião inũ Deus hiweatũ maewã Jerusalém pepa txasha txasha ikai nai anu hanu hawẽ nai tsumabu hanu haki dasia tsuã hati tanatiruma habũ Deus kẽwaĩbu haskabu anu mã ma ikũwaĩ haki kemaki.

Apocalipse 14:1

Hanushũ ana uĩkĩ Deusũ txashuwã bake Sião mati anu ha yurabu 144.000 habe mapuabu hatibu hawẽ kena inũ hawẽ Epa Deusũ kena ha dabetũ kena hatũ betũkuki kene nea habe mapuabu ẽ uĩshu matu yuinũ nĩkakãwẽ.