2 Samuel 20:21 - Kaxinawá Bíblia (BR)

²¹ Haska wakatsi ẽ yubakamaki. Hakia Efraimnẽ enabũ mananã mati matipa anua huni bestitxai hawẽ kena Sebarã, nukũ shanẽ ibuhaira Davi hau henebainũbũ hãtxa txakabukirãkĩ Israelĩ enabu Sebã hatu yunubirãshinaki. Ha besti txibãbirã atxinũ ika nũ hushiãki. Ha ea inãkãwẽ, mã ea inãkẽ matũ maewã henebaĩkĩ ẽ detenamenikabu ẽ hatu iyuairã— aka aĩbũ kemakĩ Joabe yuikĩ: —Peki. Kenebaunibu anushũ hawẽ bushka nũ mianu ureaiĩ— abaĩ

2 Samuel 20:21 Referencias Cruzadas

2 Samuel 20:1

Belial anushũ Benjamimnẽ enabu huni betsa txakabu Bicrĩ bake hawẽ kena Sebã Judá hunibũ hãtxa hatu dabãmabaĩkĩ Davi henemabaĩkatsi hatube sinatai benikaũ hawẽ trombeta txã txã akĩ Israelĩ hunibu yuikĩ: “Txanima Jessé bakẽ Davĩ hamapai nũ bitirumaki. Israelĩ hunibuũ, Davi henebaini nukũ hiwe anu inũ bunãkãwẽ”, hatu wa

2 Samuel 20:2

hawẽ hãtxa nĩkatã Davi henebaĩkĩ Bicrĩ bake Seba txibãbainaibũ hakia Judá hunibu Jerusalém anuabu inũ dasibi Hene Jordão kesha anu hiweabũ mekebaĩkĩ Jerusalém anu Davi pe iyunibukiaki.

2 Samuel 20:20

Joabẽ kemakĩ yuikĩ: —Eanã, ẽ haska shinãmaki. Yamawakĩ ẽ berã berã akatsi ikamaki.

1 Reis 11:26

Efraim enabu huni betsa Nebatẽ huni bake Jeroboão mae betsa Zereda anua kaini txipu ma hawẽ epa mawaimakẽ hawẽ ewa Zerua beneumatũ hawẽ bake Jeroboão yumewaima huni ewatã Salomão dayashũbiai Salomão shanẽ ibuki sinatakĩ danãkĩ ana txibãma inikiaki.

2 Reis 5:22

Geazĩ kemakĩ yuikĩ: —Hawamaki. Hakia Efraimnẽ enabũ mati matipa anua Deusũ hãtxa yuishunika berunã dabe dama bei hikikãshu ẽ mia yuiyunũ ẽ tsumapã ea yunushuki. 3.000 prata pei heshe inũ 2 haya besiti tari hawẽrua mĩ hatu inãkuĩtirukiaki. Haska ẽ mia yukayushuki— aka

Josué 24:33

Arãonẽ huni bake Deusbe hawenabu hãtxashunika Eleazar mawakẽ Efraimnẽ enabũ maiwã pakea mananã anu Eleazarĩ huni bake Finéias mae betsa ibu wamani anu hawẽ yura maiwanibukiaki.

Juízes 2:9

Efraimnẽ enabũ mati mananã anu Mati Gaás nortekiri Timnate-Heres anu hawẽ mae anu Josué maiwanibukiaki.

Juízes 7:24

huni betsa betsapa Gideãonẽ hawẽ hãtxa hatu bumakĩ Jacó bake Efraimnẽ enabu maiwã pakea mati matipa mae tibi anu hatu yunukĩ: “Midiã nawabu detei butubaĩtãkãwẽ. Hanu pukei buaibu bebũkiri Bete-Bara anu keshekĩ inũ Hene Jordão dasibi anu pukebaĩriatirubu tibi keshekãwẽ”, hatu wa haska Gideãonẽ hatu yunua bukubaũkĩ hatu yuikubaunabu nĩkatã anibukiaki.

1 Samuel 24:6

Davĩ hawenabu hatu yuikĩ: —Ẽ shanẽ ibuhaira ẽ txakabuwai Senhor Deusũ ea nemashuki. Senhor Deusũ Saul katuniwẽ taea ha shanẽ ibuki— akĩ