2 Samuel 19:8 - Kaxinawá Bíblia (BR)

⁸ hawẽ hãtxa nĩkatã kasha nesetã benitã kaĩkaini ka maewã hikiti shui beputi kesha tsaukẽ: “Shanẽ ibu Davi mae hikiti anu ma tsauaki”, itã txanibaunaibu nĩkatã Davi tsaua bebũ dasibibũ daewai beabu hanushũ hãtxa pepawẽ Davĩ hatu ana benimawanikiaki. Israelĩ enabu shukuabũ Absalão txibãbiai hatũ hiwe tibi anua pashaimabu

2 Samuel 19:8 Referencias Cruzadas

2 Samuel 15:2

penama tibi Absalão bututã hawẽ epa Davĩ hiwe anu hawẽ mae kenebaunibu hanu hikiti shui anu shaba tibi keshea Absalão nishũ shanẽ ibuhaira hawarakiri itxakanikatima Davĩ hau hatu pewashunũ yukakatsi hanu beaibu, bestibu hatu kenashũ Absalãonẽ hatu yukapakekĩ: “Haratu mae anua mĩ huai?” hatu apakeaya hatũ mae inũ haratura Israelĩ enabu shukua anua inũ haska shinãbirãkĩ shanẽ ibuhaira Davi hari yukai beaibu bebũkiri yuiabu

2 Samuel 18:17

Absalãonẽ yura buteshũ bukĩ ni tsukus anu kini ewapa anu hawẽ yura putatã, mishki tũku sharabu bitã bitãkĩ hawẽ yura atximakĩ haki maspu wakĩ keyatapawabu hatũ shanẽ ibu Absalão ma mawa unãtã Israelĩ enabũ habũ txibãkubaĩshinabu datei hatũ hiwe tibi anu hunei pashai buake buakenibukiaki.

2 Samuel 18:24

maewã hikiti shui beputi dabe namakis anu Davi tsaukẽ ha hikiti shui mekenika ha mishki kenebaunibu beputi mamaki mapekekaĩ nishũ teskãshũ txaihaira uĩkĩ huni bestitxai kushikiranai betxitã

2 Samuel 18:4

hatũ hãtxa pe nĩkatã shanẽ ibuhaira Davĩ hatu kemakĩ: —Hawara pe mã shinãkĩ mã ea yunubaina ẽ matu ashũtiruki— hatu watã hawaira hikiti shui anua kaĩtã Davi shabakã nishũ hatu uiãyã detenamenikabu shukua tibi 1.000 pashkashu 100 tibi hatũ shanẽ ibuya maewã Maanaim anua kaĩbaĩbainaibũ

2 Samuel 19:3

detenamenikabu betsaburi hatu maemama pashatani beasi dakeyabi hawa benimama hune maewã anu hikibirãbiranaibũ

1 Reis 22:36

ma bari kaya hawẽ detenamenikabu hatumebi yuinamekĩ: “Nukũ shanẽ ibuhaira ma mawashuki. Ana tsuã nuku yunutimaki. Inũ burinãkãwẽ”, iake iaketã Síria nawabu henebaini buaibũ, hawẽ maewã Samaria anu shanẽ ibuhaira Acabẽ yura bui haya kashakubaĩkĩ mai wanibukiaki.

1 Samuel 4:10

Filisteu nawa detenamenikabu kushibaĩ hawaira Israelĩ enabu hatu maemakĩ detekĩ keyuabu hatiri pashai hatũ mae tibi anu buabũ itxapahaira tenãkĩ hatu deteabu 30.000 Israelĩ enabu maĩ bua detenamenikabu ma mawai keyuabũ