2 Samuel 19:43 - Kaxinawá Bíblia (BR)

⁴³ ha ikĩ Israelĩ hunibũ kemakĩ yuikĩ: —Matunabubia mã haska shinãmakẽ nukũ shanẽ ibũ nuku dasibi mekemiswẽ taea nukũ dukũ ikatsi nũ shinã taewashinaki, 10 shukua nũ matu binuabunã. Maturã, mã shuku bestitxaiki. Haskakĩ mã nuku danaĩ? Davi shanẽ ibuhairawanũ, iwanã, ana iweti shinãkĩ nuku dukũtũ nũ shinãshinaki, matu dukũmarã— hatu wabu txanima shinã pewabiai ha ibukuni Israelĩ hunibu binukĩ hãtxa kushipawẽ Judá hunibũ hatu ha a txakayamanibukiaki.

2 Samuel 19:43 Referencias Cruzadas

2 Samuel 19:14

haska nĩkatã Judá enabũ hunibu dasibibũ shinã betsa watã habiaskas shinãkĩ hatũ hãtxa Davikiri yuikĩ: “Shanẽ ibu Davirã, hau dasibi hawẽ shanẽ ibu beshmasbube Jerusalém anu hau txĩtũrikiranũwẽ”, ashiãbu

2 Samuel 19:9

habu Israelĩ enabu shukuabu tibi anua yurã kaiã ha iki yuinamei: “Ha dukũ nukuki sinatakĩ Filisteu nawabũ nuku itxakawakubaĩbiaibũ Davĩ nuku hatu nemashũkĩ hatu tenãkĩ keyuniki. Hakia hawẽ huni bake Absalãowẽ datei nukũ mai pakea Hene Jordão ukeri Davi pashai hunekainimaki.

2 Samuel 20:1

Belial anushũ Benjamimnẽ enabu huni betsa txakabu Bicrĩ bake hawẽ kena Sebã Judá hunibũ hãtxa hatu dabãmabaĩkĩ Davi henemabaĩkatsi hatube sinatai benikaũ hawẽ trombeta txã txã akĩ Israelĩ hunibu yuikĩ: “Txanima Jessé bakẽ Davĩ hamapai nũ bitirumaki. Israelĩ hunibuũ, Davi henebaini nukũ hiwe anu inũ bunãkãwẽ”, hatu wa

2 Samuel 20:6

taeshũ Davĩ Abisai yuikĩ: —Absalãonẽ nuku akima binumakĩ Sebã nuku txakabuhairawatiruki. Haskawẽ taeshũ ẽ detenamenikabu nenu ẽ haya hatu iyukĩ Seba hanũ pashai hunenũ txibãtãkãwẽ. Nũ haska wama mae mishki kenebaunibu kushipa betsa betsapa anu hawenabube Seba pashai hikishũ hari huneshũ betsa betsapawẽ txakabuwakĩ nuku bika tenematiruki— aka

2 Samuel 5:1

Hebrom anu Judá enabu Davi hatũ shanẽ ibu ikaya Israelĩ enabu shukua tibibũ anibu unanepabu Davibe hãtxanũ ika Hebrom anu bushũ Davi yuikĩ: “Dasibi nũ nukuburã, Jacó nukũ shenipabuwẽ taea nũ habiabuski, huni betsamarã.

1 Reis 12:16

shanẽ ibuhaira Roboãonẽ haska betxipaiaibu hatu ashũkatsi ikama hawa hatu nĩkama ibubis ikaya Israelĩ enabu shukuabu shanẽ ibubu inũ anibu unanepabũ uĩkĩ unãtã hawaira yuinamei shinã betsaibũ habias shinaĩbu keska huni betsã hatu kemashũkĩ hui kushipawẽ shanẽ ibuhaira yuikĩ: “Txanima, nukuburã nũ hawa Davĩ enabumaki. Jessé enabube hiwekũkaini nũ hawa hatũ hamapai biama ikũkaĩshanaii. Davĩ enabu shukuabu bestitxai ibubis hatumebi shanẽ ibutirubuki. Haskakenã, enabu Israelbuũ, nukũ hiwe tibi burinãkãwẽ”, hatu wa hawẽ hãtxa nĩkatã henebaini Israelĩ enabu 10 shukuabu nortekiri hatũ mae tibi hawaira buake buakeaibũ

Provérbios 13:10

Hunibu ibubis kẽkĩ hatu txakabuwamakubaĩmiski, hatu detenamemakinã. Hakia huni unaneparã, keãma yusiã pepa nĩkamisbuki.

Provérbios 15:1

Hãtxa pewẽ hatu kemakĩ pewakinã, sinataibu hatu daewamisbuki. Hakia hãtxa kushipawẽ kũyã akĩ yuikinã, ana hatu sinatahairamamisbuki.

Provérbios 17:14

Hene bai mata txakayamakĩ huni betsã bai atxi keyumisrã, txakabuki. Haska keskanũ ika tsuara ha iki taeaiburã, txakabuki. Hau pikuyamanũ ha iki taeaibu anua hawa yuiama hatu henebainarã, haska pehairaki.

Provérbios 18:19

Mishki kushipawẽ mae kenebaunibu hawa bika teneama tsuãra di atiru bikahairaki. Hamẽ hawẽ betsa sinatamahairashina hawa bika teneama keska daewakĩ shinã betsa wamarã, ha binua bikahairaki. Shanẽ ibũ hiwe anu hawẽ nemakĩ mane kushipawẽ kebenibu anu tsua hikitirubuma keskai tsuara ha irabetã pashkakainarã, ibubis txakabuima ana daeama habe sinatapaketiruki.

Romanos 12:21

Ha inũ, hau txakabũ matu maemakĩ binuyamanũ haskawẽ taea matunã, pepawakĩ txakabu binumakubaĩkãwẽ.

Gálatas 5:15

Hakia yuinaka hawẽ betsabe keyunamekĩ tenã keyumis keskakĩ, maturã, ikũwaĩ betsabube mã binũkatsis iki yuãnanaĩ maturi mã beshtekei yamatirubuki. Pe mekekĩ uĩrakubaĩkãwẽ.

Gálatas 5:20

Haska inũ, yushĩ txakabu kẽwãkĩ hawẽ kuxipawẽ daunãnãkinã, yurabu hãtxaibu hatu nemakinã, kũyã ikirã, hawenabuwẽ nuiamarã, hawara betsa hayawẽ taeshũ hatu binũkatsis ikĩ danãkinã, yura betsabuki hawaira sinatakinã, hatuki ha ikĩ hatu sa akĩ keyukinã, ibubis hawara pepa bikĩ xinã betsa betsapa wai hiweabuki.

Gálatas 5:26

Haskakẽ nukuburã, ibubis keãma betsa binũkatsis ikama hawara yura betsã bimiswẽ kemuama inũ hawẽ nuiama hiwekubainãkãwẽ.

Filipenses 2:3

Na haska hiwekaĩkinã, yurabu binunũ iki keãma hakia babutã bestibu: “Ea dukũ ẽ bebui pepakainaii”, ikĩ xinãma: “Betsabũri ea maemai ẽ hawamaki”, ikubaĩkãwẽ.

Santiago 1:20

Hamẽ yura betsa ha aki sinatakinã, haska Deusũ abuai keska aki mã pepatirumaki.