2 Samuel 19:18 - Kaxinawá Bíblia (BR)

¹⁸ Hene Jordão pukebaĩ shanẽ ibuhaira Davĩ enabu inũ hatũ mabu beshunũ ika bushũ mabu pewabu kemawatã hene pukematãtãkĩ haska wakĩ hatu merabewaya hakiri Davi pe shinãyã Hene Jordão Davi pukenũ ika kapanã Simei hatũ mishki puta puta akima kai Davi bebũ maĩ di ika beushũ datekĩ

2 Samuel 19:18 Referencias Cruzadas

2 Samuel 19:17

habũ txibaĩ 1.000 Benjamimnẽ enabu hunibu habe buaibũ habiatiãri Saulũ enabũ dayaru mekenika Ziba hawẽ 15 huni bakebu inũ hawẽ 20 escravo dayarubube kariai shanẽ ibuhaira Davi huriama habu dukũtũ

2 Samuel 19:19

yuikĩ: —Shanẽ ibuũ, txakabukĩ ẽ kanehairaimaki. Jerusalém anua mĩ kaĩkiranaya ẽ mĩ dayarubia mia txakabuwakĩ ẽ mia itxa itxa akima ea shinãma ea hakimashũwẽ, ana eki sinatati huneamarã, haska ẽ mia yukairã.

2 Samuel 19:30

haska wabia Mefibosetẽ ana yuikĩ: —Israelĩ enabu dasibi ana yunukubaĩshanũ ika mĩ hiwe anu hawama unanuma mĩ ana txĩtuaĩwẽ taea miwẽ besti ẽ benimahairaiwẽ taeshũ Zibã bai dasibi ibuwatiruki— ikaya

2 Samuel 9:10

Haskawẽ taeshũ hawẽ bai tibi mĩ huni bakebu inũ mĩ dayarububetã dayashũkubaĩshãwẽ. Mĩ tsuma sheni Saulũ enabũ hau pi hiwekubaĩshanũbũ mibã pawaibu tsekashũ hanu aruti hiwe merã hatu mekeshũkubaĩshãwẽ. Haskabiakẽ Saulũ babã ebetã pikubaĩshanikiki— akaya Ziba 15 huni bakebu inũ 20 dayaruyatũ

2 Samuel 9:2

Saul enabũ dayaru huni betsa Ziba hiwea Davi yuiabu hau yuishũtanũbũ hatu yunua ishũtanabu shanẽ ibuhaira Davi anu Ziba hua yukakĩ: —Habia mĩ miamẽ, Zibarã?— aka kemakĩ: —Shanẽ ibuũ, mĩ dayarurã, ẽ habiaki— aka

1 Reis 2:8

Hanua huni betsã ea haska wani uĩwẽ. Benjamimnẽ enabu betsa Baurim anu hiweni hawẽ kena Gerã huni bake Simei nenu Jerusalém anu mibe hiweaki. Absalão shanẽ ibuaitiã pashai Maanaim anu ẽ kaya ea txakabuhairawakĩ ea yupukubaĩyamaki. Absalão enabu, enabũ hatu maemaimakẽ nũ ana txĩtũkiranaya Hene Jordão anu eki nukukĩ ea ikashũ ea daewakĩ ẽ Simei tenãyamanũ ea yuka Senhor Deusũ ea nĩkaya ẽ habe yubakayamaki.

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.