2 Samuel 19:11 - Kaxinawá Bíblia (BR)

¹¹ haska yuikubainaibũ Hene Jordão ukeri Maanaim anushũri nĩka keyubaunaibũ Davĩ hiwe anushũri habias yuiaibu Davĩ nĩkatã Deusbe hawenabu hãtxashunika dabe Zadoque inũ Abiatar anu hawẽ hãtxa hatu bumakĩ Davĩ hatu yuikĩ: “Judá enabu anibu unanepabube hãtxakĩ ẽ hãtxa eska hatu ea yuishũkãwẽ: ‘Ẽ shanẽ ibui hiwemis anu ẽ ana txĩtũtirumẽkaĩ, shanẽ ibubube ea hãtxashũkãwẽ.’

2 Samuel 19:11 Referencias Cruzadas

2 Samuel 15:29

Levĩ enabu Deusũ hãtxa aruni bau hatu iamabaini Zadoque inũ Abiatar Jerusalém anu txĩtũbaĩshĩshũ harishũ manaibũ

2 Samuel 18:14

Joabẽ kemakĩ yuikĩ: —Hatishuĩra hamẽ ẽ mibe hãtxatirumaki— abaĩ Absalão dunua anu kashũ hashi dabe inũ besti bushũ hawẽ huĩti anu ha dabe inũ bestiwẽ txatxi txatxi aka mawai shãkã ikaya

2 Samuel 18:15

hanua 10 hunibu habũ Joabe merabewaibu kaĩbirã Absalão keshebaũshũ namekĩ txatxi txatxi akabu mawaya

2 Samuel 19:10

Shanẽ ibu wakĩ hawẽ bake Absalão nũ katubiaimakẽ detenamekĩ ma nuku tenanãshinabuki. Shanẽ ibu Davi hau ana hushanũ hawa manakĩ nũ shinaĩ?” iake iakeaibũ

2 Samuel 19:41

Gilgal anushũ shanẽ ibuhaira Davi uinũ ika Israel shanẽ ibubu inũ hatũ anibu unanepabu dasibi Davi anu bushũ yukakĩ: —Mia inũ minabus inũ habũ mia txibãmisbu hatu ikĩ Hene Jordão matu pukemai bukĩ haskakĩ nukunabubia nuku hũtãbaĩ: “Inũ bekãwẽ”, ikama hatunas mia wai Judá hunibũ hatũ mesti shanẽ ibuyakanimẽkaĩ, mĩ nukũ shanẽ iburibiakenã?— akaibũ

Mateus 5:16

Bĩ txashamis keskai hawa huneama merabenaĩ hiwekubaĩshãkãwẽ, matũ hãtxa nĩkakĩ mã pepaibu xinãkĩ habũri hau Epa Deus kẽwãshanũbunã— iwanã,

2 Coríntios 5:20

Haskakẽ Cristõ kuxipa nũ hayawẽ taea nũ hawẽ hãtxa bushunikabuki. Nukuwẽ Deus hãtxai keskaya Cristo ea ashũkĩ nũ matu yukashũmiski. Eskaki. Matu yuinũ nĩkakãwẽ. Nukuwẽ taeshũ Deusũ hãtxa ikũwaĩ Cristo matu mawashuniwẽ Deus daewai habe haibunamekãwẽ.

2 Tesalonicenses 3:9

Ha inũ, nũ Jesusũ kuxipayabũ matu yusĩkubaĩkĩ hawẽ taeshũ matũ piti nũ yukatirubia nukũ piti inũ nukũ tari hawẽ biti mã nuku devebiakẽ nũ matu hawa yukama ikimaki. Hakia ibubis mekenẽ dayai haska nũ hiwemis keskai matũri nuku txibaĩ mã hiwekubaĩshanũbũ nũ matu uĩmaimaki.