2 Samuel 18:14 - Kaxinawá Bíblia (BR)

¹⁴ Joabẽ kemakĩ yuikĩ: —Hatishuĩra hamẽ ẽ mibe hãtxatirumaki— abaĩ Absalão dunua anu kashũ hashi dabe inũ besti bushũ hawẽ huĩti anu ha dabe inũ bestiwẽ txatxi txatxi aka mawai shãkã ikaya

2 Samuel 18:14 Referencias Cruzadas

2 Samuel 12:10

Haska wakĩ ea danãkĩ shinãma Heteu nawa Uriasĩ aĩ biãkĩ mĩ aĩwaĩmawẽ taeshũ eã minabu kupikĩ betsa betsapawẽ hatube ẽ mia bika tenemakubaĩshanaii.

2 Samuel 18:15

hanua 10 hunibu habũ Joabe merabewaibu kaĩbirã Absalão keshebaũshũ namekĩ txatxi txatxi akabu mawaya

2 Samuel 18:5

Joabe inũ Abisai inũ Itai habu tibi kaĩriabainaibu Davĩ hatu yuikĩ: —Mã ewẽ nuaiwẽ taeshũ ẽ bake Absalão atxitã ea pe mekeshũtãkãwẽ— hatu wapakeaya haska Absalãokiri Davĩ hatu yunuai dasibibũ nĩkabaĩbainaibũ

2 Samuel 19:1

Davi hawẽ bake mawashuwẽ taea nuihairai kasha txakayamaya Israelĩ enabu dasibibũ nĩka keyubaunaibũ Joabe anu ana kashũ yuiabu ha shabatiã detenamei maemanãbiakãshu hawẽ benimatima hatu punu nuka wakĩ keyuabũ

2 Samuel 19:11

haska yuikubainaibũ Hene Jordão ukeri Maanaim anushũri nĩka keyubaunaibũ Davĩ hiwe anushũri habias yuiaibu Davĩ nĩkatã Deusbe hawenabu hãtxashunika dabe Zadoque inũ Abiatar anu hawẽ hãtxa hatu bumakĩ Davĩ hatu yuikĩ: “Judá enabu anibu unanepabube hãtxakĩ ẽ hãtxa eska hatu ea yuishũkãwẽ: ‘Ẽ shanẽ ibui hiwemis anu ẽ ana txĩtũtirumẽkaĩ, shanẽ ibubube ea hãtxashũkãwẽ.’

Salmos 37:35

Huni txakabu ẽ uĩmisrã, hamapai unã keyuaikiri kẽkĩ hatu benimawabiamis hi yumei datã hawẽrua besti keskabuki.

Mateus 12:40

Nínive anu kashũ hau hatu yusĩtanũ Jonas yunua nĩkama hari kama mae betsa anu pashai kai iãnẽwã merã pukuabu hasapanã bakawã ewapatũ sheaxina shaba dabe inũ besti mexu habiatiri kaya maxĩ mapeketã bakawã hanã Jonas besteniki. Earã, matũ Hutxi Kayabi Iuwa habiaskariai mawa mai anu daka shaba dabe inũ besti mexu habiatiri ka ẽ ana bestẽriashanaii.

1 Tesalonicenses 5:3

Haskakẽ ana hawaki yurabu dateama yuikĩ: “Unanuma hiwei hawaki mesei dateama hiwekubainãkãwẽ”, ikubaini ana hawaki mesei dateabumakẽ Jesus ana niti ikama hawairakirã hatu kupishanikiki, aĩbu bake kaĩnũ ika isĩ berukutã ana maiãma kaĩmis keskairã.

Juízes 4:21

hĩ ikirana punu nukatã usha txakayamakẽ hawẽ tari hiwe pũteti hi kenuhairatã hawẽ mastakĩ hawẽ mestẽwãkĩ neshamisbu betsa bitã hawẽ mastatiri bishũ Sísera anu unãshubira kakaĩ hawa banawama ha dakanu mebaũkĩ hawẽ bushka unãtã hi kenuhaira Síserã ishpushku anu timashũ unãshubima hawẽ mastakĩ hi kenuhairawẽ bushka pesabaĩ maiki seuwa Sísera hawaira mawakẽ

Juízes 5:31

Senhor Deusuũ, dasibi miki sinataiburã, hau haskai mawai keyukubainũbũwẽ. Hakia mia betxipaiaiburã, bari kushipakĩ txasha wakĩ keyumis keskai hau txashahairashanũbũwẽ”, iki Débora inũ Baraque kãtanibukiaki. Hatu haska washunima habiatiãri ha mai pakea anu 40 ano kai Israelĩ enabu unanuma hiwekubainibukiaki.