2 Samuel 17:9 - Kaxinawá Bíblia (BR)

⁹ Na habia ikis mishki tãpe merã kasmai, benãta tari hune anu ikaki. Hamẽ betsarã, detenamenikabu itxapama duakabi mĩ hatu yunua mĩ epã enabube detenamei mina hatiri mawakubainaibũ hakiri banabitã: “Davĩ enabũ ma minabu hatu maemakĩ keyuabuki”, iwanã, yuikubainaibu dasibibũ habiaskas shinãtirubuki.

2 Samuel 17:9 Referencias Cruzadas

2 Samuel 17:10

Minabu pubẽ sinatabu inu betsa leão keskabia haska nĩkatã punu nukai babuhairashãkanikiki. Mĩ epa inũ hawenabu habũ txibãmisbu pubẽhairaburã, Israelĩ enabu dasibibũ unãhairakanikiki.

2 Samuel 17:8

Mĩ epa inũ hawẽ detenamenikabu mẽtsisipa pubẽhairabuki. Ursa yushã pubẽ hawẽ bakebu biãbainabu pubẽhairakĩ benai keskai sinatai mĩ epa mesehaira dakaki. Mĩ unaiĩ. Ha dikabi mĩ epa ma detenamei beyawẽ taea hawenabube ushama hakia tari benãta hunea ushakũkainikiki.

Josué 7:5

hatũ mae hikiti shui dapishũ hatu detetiyashũ txibãbirãkĩ matxi buteaibu hatu detekubirãkĩ 36 Israelĩ enabu debuwatã Sebarim anu hatu henebainabũ hatu haska wabu Israelĩ enabu dasibi datekĩ ma hatũ kushipa benua punu nukabiranaibũ

Josué 8:6

Nuku txibaĩ haskabirã nuku ashiã keska wanũ ika hatũ maewã anua kaĩbiranaibũ nũ hatu ninikĩ akawãbirana nuku txibaĩ beaibu haska wakĩ parãkĩ hatũ mae anua nũ hatu iwekubirãshanaii. Nũ haskai Ai anuabũ uĩtã: ‘Haskashinabu keskai nukuwẽ datei ana kushibaĩkanikiki’, ika

1 Samuel 22:1

haska wabu hanua Davi ana hune kaini kai mae betsa Adulão dapi mishki kini anu iruyukẽ hawẽ betsabu inũ hawẽ epã enabũ hanu hiwea tapĩtã bui Daviki nukua itxabũ

1 Samuel 24:3

txashuwã hanu mekekĩ bitximisbu mishki kenekauna dapi mishki kini uke merã hawẽ tsumabu eskarabeya Davi hunekẽ Saul hawenabuyari habianuri kai puinũ ika ha mishki kini kesha anu hikikaĩ Saul tsautã puiaya